2 पतरस 1:4 - Sirmouri

⁴ जिन्दे के जाँणें तिन्ऐ आँमों खे किम्त्ति बर्दांन देऐ थुऐ, जिनू देणों का तिन्ऐं बाय्दा करी थुवा थिया: जू तुँऐं तिनके जाँणें आपु खे पंण्मिश्वर के जैष्णें बंणी ज़ाँव, अरह् तेसी नाँष शे बंची ज़ाँव, जू लोगो की बुरी हिछ़ा के जाँणें ईयों संईसारी दे असो।

सिरमौरी नौवाँ नियम

⁴ इनु सौबी ठुँ लैई पौरमेशवरे आमु बैजाए महान औरौ अनौखै वरदान दैय राए जिथका तैणै वादा कौरे राए थिया। ताकि इनु वरदानो का इस्तैमाल कौरेयौ आमु दुनिया कै तिनु बुरी इछाओं शै बौचै सौकु जू लोगौ खै नाश कौरौ, औरौ पौरमेशवर कै स्‍वभाव दै ऐक हिस्सा हौए सौकु।

2 पतरस 1:4 ပူးပေါင်းရင်းမြစ်များ

रोमियों 9:4

ऐजे इस्राएली लोग जिनू पंणमिश्वरे गोद् लऐ थुऐ थिऐ। तिन्ऐं पंणमिश्वरो की बड़ियाऐ का दर्शण करी थुवा; अरह् से पंणमिश्वर के देऊँठी के हंकदार भे असो, जिन्खे ऋषी-मूसा खे भेटे गुऐं निय्म, अरह् पंणमिश्वर का बाय्दा भे तिन की गईलो असो।

2 कुरिन्थियों 1:20

किन्देंखे के पंण्मिश्वर के जै-तोड़े बाय्दे असो, से ईन्दी ही “हाँ” आरी हों। ईन्देंखे तिनके जाँणें आमीन भे हऐ, के अमाँरे जाँणें पंण्मिश्वर के बड़ियाऐं हों।

2 कुरिन्थियों 3:18

परह् जबे आँमों सोभी के खुलै मुँख्ड़े शा प्रभू का त्तेज-प्रकाष ऐशा दाँई पर्गट हों, जैष्णाँ के सिस्सै दा साफ नंजर आँव, तअ प्रभू के जाँणें जू आत्त्मा असो, आँमें तैसी ही त्तेजमंऐं सरूप दे अंष-अंष बदल़्दे ज़ाँव।

2 कुरिन्थियों 6:17

ईन्देंखे प्रभू बुलो, “तिनू मुँझ्शे किक्ल़ो, अरह् ज़ई रंह्; अरह् बिच्की चींजो दें ने छुईऐं, तअ हाँव तुँओं कबूल करूबा;

गलातियौं 3:16

तेष्णा ही अब्राहम खे अरह् तेस्के बंष खे दिते गुऐ बाय्दे के बारे दो असो, दे:खो, पबित्र-ग्रन्थों दो ऐजो नें बुल्दा; के “तुवाँरे बंष खे” जे ऐजो हंदों, तअ भहीते के ढबे ईशारा हंदा थिया; परह् पबित्र ग्रन्थो दो बुलो, के तेरे बंष खे जुण्जे मसीही असो।

गलातियौं 6:8

किन्देंखे के जू कुँऐं आप्णी देह्-शरीर खे बोला, से आप्णी ही देह्-शरीर के नाँषो के शाख के कट्णी करला, अरह् जुण्जा आत्त्मा की खेच़ौ दो बोला से सदा का अमर-जीवन के शाख काट्ला।

इफिसियों 4:13

जाँव तोड़ी के आँमें बादे के बादे पंण्मिश्वर के बिश्वाष दे अरह् पंण्मिश्वर के बैटे के ज्ञाँन दे ऐक साच्चै सीद्ध-पाक्कै आदमी ने बंणी ज़ाँव, अरह् मसीया के पुरी बड़ियाऐ तोड़ी ने बड़ी ज़ाँव।

कुलुस्सियों 3:10

अरह् नुऐं इंनसाँनिय्त धारण करी थऐ, जू आप्णे पय्दा कर्णो वाल़े के सरूप के मुँताबिक ज्ञाँन पाणों खे नुवाँ बंण्दा ज़ाँव।

इब्रानियों 12:10

तअ जे अमाँरे आप्णें संसारिक बाबा आँमों आप्णीं सह्म्झ के मुँताबिक ऐसी जीवन जीऊँणों खे डाँट-झ़ाड़ दियों, तअ पंण्मिश्वर भे अमाँरे भलाई अरह् कलयाण खे डाँट-झ़ाड़ दियों; किन्देंखे के से आँमों भे आप्णी पबित्रता दे भागीदार बंणाँणें चहाँव।

इब्रानियों 9:15

अरह् ऐसी ही कारण मसीया नुवें वाचा खे ऐक त्रींण चीज बंणा, जू तियों मंऊँत्ती के कारण जुण्जी आगले वाचा के बंख्त्ते अपराधों शा छ़ुट्कारा पाँणों खे कंरा गुवा थिया; जिन्दें लंई बंईदे अंदे लोग तेसी बाय्दे के मुँताबिक सदा खे हंकदार बंणाँऐ ज़ाँदे।

याकूब 1:27

परंम-पिता पंणमिश्वर के साम्णें साची अरह् शुद्ध भगत्ति सेजी ही असो, जू अनाँथों अरह् बिधवा के सु:ख-दु:ख दे मंदत करह्, अरह् आपु दा किऐ संईसारिक कल़ंक ने लागणों दियों।

2 पतरस 1:1

शमौन संत्त-पतरस की ढबे शी, जू प्रभू यीशू मसीया का दास अरह् चूंणा-छ़ाटा अंदा प्रभू यीशू का खास-चैला थिया, तिनू लोगो के नाँम जिन्ऐं अमाँरे पंण्मिश्वर अरह् बंचाँणों वाल़े प्रभू यीशू मसीया के धार्मिक्त्ता के जाँणें आँमों जेष्णाँ किम्त्ति बिश्वाष करी थुवा।

2 पतरस 3:13

परह् परमं-पिता पंण्मिश्वर के बाय्दे के मुँताबिक आँमें ऐक नुवों अस्माँन अरह् नऐं धर्ती का भूर्षा करह्, जिन्दा धार्मिक्त्ता बास कर्ली।

2 पतरस 3:9

प्रभू आप्णा बाय्दा पुरा कर्णो खे बैरियाँदे ने, जेष्णा के कुछ लोगो का बिचार असो, परह् से तुवाँरें बारे दा सबैर करह्, अरह् से ऐजो चहाँदा ने, के कुँऐं नाँष हों, परह् ऐजो चहाँव के सोभी खे आप्णें मंन बद्ल़ों का मुका भेटो।

1 यूहन्ना 2:25

सदा-सदा का अमर-जीवन का बाय्दा भे तिनके ही जाँणें आँमों आरी करा गुवा थिया।

1 यूहन्ना 3:2

हे प्यारों, ऐबे आँमें पंण्मिश्वर की अलाद असो, अरह् हेबी तोड़ी ऐजो पर्गट ने हऐ रई, के आँमें आँणों वाल़े बख्तो दे का हंदे! परह् आँमें ऐजो जाँणों ऐ, के जबे से पर्गट हले, तअ आँमें भे तिनके जिऐं हंदे, किन्देंखे के तिनू आँमें तैष्णें ही दे:ख्दे जैष्णें से असो ऐ।