2 पतरस 1:3 - Sirmouri

³ आप्णें जीवन खे, अरह् पंण्मिश्वर की सेवा खे, जुण्जो किऐ आँमों चैईं थियो, सेजो आप्णी दिब्य शक्त्ति शो तिन्ऐं आँमों खे सब-कुछ देऐ थो; किन्देंखे के आँमें तिनू जाँणों ऐ, जिन्ऐं आप्णी धार्मिक्त्ता अरह् बड़ियाऐ के जाँणें आँमों बय्दी थुऐ।

सिरमौरी नौवाँ नियम

³ पौरमेशवरे आपणै अनौखी शौकतै लैई आमु सैजौ सौब दैय राए जू आमु ऐशणा जीवन जिणौ कारिए चैंई। ऐजौ आसान औसौ जिथुकै आमै पौरमेशवर खै जाणुए औरौ सै सैजाई औसौ जैणै आमु आपणै महिमा औरौ सिध्द अच्छाई लैई आपणै लोग हौणौ कारिए चोणे राए।

2 पतरस 1:3 ပူးပေါင်းရင်းမြစ်များ

मत्ती 28:18

प्रभू यीशू ऐ तिन कैई आऐयों बुलो, “स्वर्गो अरह् धर्ती का बादा हंक-अधिकार मुँखे दिया गुवा।

रोमियों 8:32

जिन्ऐं आप्णा ऐकलता बैटा भे बंचाऐयों थंई ने, परह् तेसी भे अमाँरी पाप शे आँमों बंचाँणों खे बल़ीदाँण करी दिता; तअ ऐत्रों भहितों देणों गाशी भे से कियों आँमों खे सब-कुछ ऐई मुँझी देंदी ने?

रोमियों 9:24

मतल्व आँमों गाशी; जिनू तिन्ऐ सिर्फ यहूदियों ही मुझ्षे ने, परह् गऐर यहूदी मुँझ्शे भे बय्दी थुऐ।

1 कुरिन्थियों 1:9

पंणमिश्वर बिश्वाष कर्णो ज़ूगा असो जिन्ऐं तुँओं आप्णे बैटे अमाँरे प्रभू यीशू मसीया की संगत्ति दे बऐदी थुऐ।

2 कुरिन्थियों 12:9

परह् प्रभू ऐ मुँखे बुलो, “मेरी कृपा ताँव्खे बैजाऐ असो; किन्देंखे के तुवाँरी कंमजूरी दे ही मेरी शक्त्ति पुरे रूप शी पर्गट हों;” ईन्देंखे हाँव बड़े आँनन्द शी आप्णी कंमजूरी गाशी घमन्ड करूबा; के मसीया की शक्त्ति मुँह गाशी छया कर्दी रंह्।

इफिसियों 4:1

ईन्देंखे हाँव जू प्रभू खे कय्दी असो, तुँओं खे ढाल-अरज करू; के जेसी बुलावे शे तुँओं बय्दी थुऐ, तिन्दे ज़ूगी तुऐ चाल भे चालो,

इफिसियों 4:4

तुँऐं ऐक ही देह्-शरीर, अरह् ऐक ही पबित्र-आत्त्मा, अरह् ऐक ही भूर्षा जिन्देखे तुँओं बय्दी थुऐ।

फिलिप्पियों 3:8

ऐती ने, परह् हाँव आप्णें प्रभू मसीया यीशू पंह्छ़याँण्णों खे सोभी शा आछा फाय्दा जाँणू; अरह् ऐसी ज्ञाँन की बरा-बरी दी ऐक नाँम चींजो नुकसाँन ही जाँणू, तिनही के कारण मुँऐ हर ऐक च़ीज छ़ुड़ी दित्ती, अरह् सेजो सब-कुछ़ मुँऐ कुडा़-कर्क्ट जाँणों, जिन्दे लई मुँह मसीया भेटी सको;

फिलिप्पियों 4:8

ईन्देंखे हे भाऐ-बईणों जू-जू बातो साची असो, अरह् जू-जू बातो ईज्जत की असो, अरह् जू-जू बातो पबित्र असो, अरह् जू-जू बातो मंन लुभाणी असो, अरह् जू-जू बातो मंन दी भाँव, मतल्व जू भे सत्तगुण, अरह् तारीफ की बातो असो, तिन्दे गाशी ध्याँन लाव।

कुलुस्सियों 1:16

किन्देंखे के तेसी के जाँणें बादी चींजो के रंचणाँ हऐ, स्वर्गो की, अरह् धर्ती की, देखी भाँव ना देखी, का सिगाँस्ण, अरह् का हंक-अधीकार, राजा भाँव हाकम सब-कुछ़ तिनकी ही ताँईऐं बंणाँऐं थुओ।

1 थिस्सलुनीकियों 2:12

के तुँवारी चाल-ढाल पंण्मिश्वर ज़ूगी हों, जुण्जे तुँओं आप्णे राज अरह् बड़ियाई खे बईदो।

1 थिस्सलुनीकियों 4:7

किन्देंखे के पंण्मिश्वर आँमों बिचकै हणों खे ने, परह् पबित्र हंणों खे बय्दी थुऐ।

2 थिस्सलुनीकियों 2:14

जिन्दे खे तिन्ऐ तुँओं अमाँरी खुषख्बरी खे बय्दी थुऐ, के तुँऐं अमाँरे प्रभू यीशू मसीया दे बड़ियाऐं पाँव।

1 तीमुथियुस 4:8

किन्देंखे के देह्-शरीर के कसरत्त थोड़े देसो खे हों, अरह् ईन्दें लंई किऐ फ़ाय्दा ने हंदा; परह् पंण्मिश्वर की भगत्ति का लाभ सोभी बातो दा जीवन खे हिम्मत्त दियों; ऐसी बख्त्ते अरह् आँणों वाल़े जीवन का बाय्दा भे ईन्दीखे असो।

2 तीमुथियुस 1:9

जिन्ऐं आँमों खे छ़ुट्कारा दिता, अरह् पबित्र बुलावे लंई बईदे, ऐष्णों अमाँरी काँम-काज़ के कारण ने हई; परह् तिनके ईरादे अरह् तेसी कृपा के मुँताबिक असो, जू मसीया यीशू के कारण ज़ूगौ-ज़ूगौ शा ऊँबा आँमों गाशी हुआ।

इब्रानियों 1:3

सेजा बैटा पंण्मिश्वर की बड़ियाऐ का साच्चा अरह् तिनका सरूप-अंष असो; अरह् बादी चींजो से आप्णी बचन की शक्त्ति लई सभाल़ो; तिन्ऐं सोभी लोग पाप शे छुड़ोऐयों, अरह् आपु ऊगले स्वर्गो दे ज़ाऐयों, महाँ-प्रतापी परमं-पिता पंण्मिश्वर के सुऐं ढबे बऐठी गुऐं।

1 पतरस 1:15

परह् जेष्णाँ तुवाँरा बईद्णों वाल़ा पबित्र असो, तेष्णें ही तुँऐं भे आप्णे बादे चाल-चल़्ण दे पबित्र बणों।

1 पतरस 1:5

जुण्जा बिश्वाष के जाँणें पंणमिश्वर की शक्त्ति, लई ज़ूगौ के आखरी दा पर्गट होंणों खे छुट्कारे खे सुवाँ करियों थऐ थुवा स्वर्गो दा।

1 पतरस 2:21

अरह् तुँओं ईन्देखे बय्दी थुऐं, किन्देंखे के मसीया भे तुँवारी ताँईऐं दु:ख भूगियों तुँओं खेे ऐक शीख देऐ थऐ, के तुँऐ भे तिनके नंक्क्षे-कदम गाशी चालो।

1 पतरस 2:9

परह् तुँऐं ऐक चुणा-छाटा अंदा बंष अरह् राज-पाट लुऐं अंदे याजकों का समाज, अरह् पबित्र लोग, अरह् (पंणमिश्वर) की प्रभू यीशू के आप्णी परजा असो, ईन्देंखे के जिन्ऐं तुँओं ईनाँरे मुझ्शे आप्णी चंम्तकारी प्रकाष दे बय्दी थुऐ, तिनके गुण पर्गट करह्।

1 पतरस 3:9

बुराई के बद्ल़े बुराई ने करे, अरह् ना गाल़ी के बद्ल़े गाल़ी दिऐ; परह् गाल़ी के बद्ल़े आशिर्बाद दिऐ, किन्देंखे के तुँऐं आशिर्बाद के हंकदार हंणों खे बय्दी थुऐ।

1 पतरस 5:10

ऐबे पंणमिश्वर जू बादी कृपा का दाता असो, जिन्ऐं तुँओं मसीया दे आप्णी सदा की बड़ियाऐ खे बय्दी थुऐं, तुवाँरे ऐगड़ी खे दु:ख भूगणों पाछ़ी, आपु ही तुँओं साचे-पाके अरह् तागतबर कर्ले।

2 पतरस 1:10

ईन्देंखे हे भाऐ बंईणों आप्णे बईद्णों गाशी, अरह् चूणें-छ़ाटे अंदे खे साचे कर्णो खे आछ़ी-भली कोशिष कर्दे ज़ाव, किन्देंखे के जे तुऐं ऐष्णों कर्ले, तअ तुँऐं कद्दी भी ठूकर ने खाँदी;

2 पतरस 1:2

पंण्मिश्वर के अरह् अमाँरे प्रभू यीशू के ज्ञाँन शी कृपा अरह् शान्त्ति तुँओं दे बैजाऐ बड़दी ज़ाँव।

2 पतरस 1:5

ईन्दी के जाँणें तुँऐं साँत्त-भाँती कोशिष करियों आप्णे बिश्वाष गाशी आछा-पंण अरह् सद-गुण गाशी सम्झ,

2 पतरस 1:6

आप्णें ज्ञाँन की संयम शा, अरह् तुवाँरा संयम धीरज शा, अरह् तुवाँरा धीरज भग्त्ति शा,

2 पतरस 1:8

किन्देंखे के जे ऐजी बातो तुँओं मुँझी हंदी रंह, अरह् बड़्दी ज़ाव, तअ ऐ तुँओं अमाँरे प्रभू यीशू मसीया की पछ़याँण दे निकारे अरह् निषफल़ ने हणों देंदी।

2 पतरस 2:20

जुण्जा आदमी अमाँरे प्रभू मतल्व बंचाँणों वाल़े प्रभू यीशू मसीया पछयाँणियों, अरह् संईसारी के खोट् शे बंचियों निक्ल़ी ज़ाव, से हजो तिन्दे ही फशियों संईसारी के शैतान आरी ज़ाव, तअ तिनकी बुरी दशा तेसी आगली दशा शी भे जादा बुरी हों।

2 पतरस 3:18

परह् अमाँरें प्रभू अरह् बंचाँणों वाल़े, प्रभू यीशू मसीया की कृपा अरह् पछ़याँण दे बढ़्दे ज़ाव। तिन्ही की बड़ियाऐ ऐबे भे हों; अरह् सदा ज़ूगौ-ज़ूगौ तोड़ी हंदी रंह्। आमीन।