2 पतरस 1:21 - Sirmouri

²¹ किन्देंखे के कुँऐं भे बरंम्बाणीं आदमी की हिछ़या शी कोद्दी ने हंदी, परह् ऋषी जंण पबित्र-आत्त्मा की जाँणें ऊकसाऐ ज़ाँणों लई पंण्मिश्वर की ढबे शो बुलो।

सिरमौरी नौवाँ नियम

²¹ जिथुकै कुणजै बै भविष्यवाणी आदमीए आपी ना लैख रैई। पौरौ पवित्र आत्माए तिनु सैजै वचन लिखणौ दै मौदद कौरे जू पौरमेशवर चांव थिया कै सै लिखौ।

2 पतरस 1:21 ပူးပေါင်းရင်းမြစ်များ

मरकुस 12:36

परह् राजा दाऊद ऐ, पबित्र-आत्त्मा, दो मंगन हऐयों बुलो थियो: ‘प्रभू ऐ, मेरे प्रभू शो बुलो, मेरे सोऐं ढबे बऐठी ज़ा; जबे तोड़ी के हाँव तेरे बऐरी, तेरी लातो थाँई, के तेरे अधींन ने करी देऊँबा।’

लूका 1:70

जेष्णों तिन्ऐ आप्णे पबित्र ऋषियों के मुँह ज़ात्ती शो जुण्जे ज़ूगौ-ज़ूगौ शे ऊँबे हुऐ, अरह् आऐ; तिन्ऐं बुलो थियों।

प्रेरितो कै काम 1:16

“हे भाऐ-बंईणों! प्रभू यीशू थंहम्बड़ाणों खे यहूदा इसकरियोंती अगुवाँल़ बंणा; अरह् ईन्दें के बारे दो राजा दाऊद के कारण, पबित्र-आत्त्मा के जाँणें बुलो गुओं थियों; अरह् पबित्र-ग्रन्थों का सेजा बचन पुरा हंणाँ जरूर ही थिया।

प्रेरितो कै काम 28:25

जबे सेजे लोग जुण्जें आपु मुँझी संहमत्त ने हंई, सेजे लोग तेथै शे आगू ज़ाँदें लागे थिऐ; तअ संत्त-पौलुस ऐ तिनखे बुलो, “पबित्र-आत्त्मा ऐं ऋषी यशायाह के मुँख्ह शो तुओं लोगो के बुड़ाईकों खे ठीक ही बुलो थियो।

प्रेरितो कै काम 3:18

पंण्मिश्वर ऐ ऐशा दाँई आप्णाँ बुल्णाँ पुरा करा, जिन्दे के मुँताबिक तिनके मसीया खे दु:ख्ह भोगणाँ थिया; अरह् जेसी तिन्ऐं सोभी ऋषियों के मुँख्ह शा आगे ही घोषित्त करी थुवा थिया।

इब्रानियों 10:15

अरह् पबित्र-आत्त्मा भे आँमों खे ऐजी ही गुवाऐ-शाज़्त्त दिती: किन्देंखे के तिऐ सेजो आगे ही बुली थुओं थियों।

इब्रानियों 3:7

ईन्देंखे ठीक जेष्णाँ पबित्र-आत्त्मा का बुल्णाँ असो: के “जे तुँऐं ऐत्त्लो तिनकी धाव शुँणो,

इब्रानियों 9:8

ईन्दें लई पबित्र-आत्त्मा ऐजो ही देखाँव, के जाँव तोड़ी आगला ताँम्बू खह्ड़ा असो, ताँव-तोड़ी बैजाऐ पबित्र जागा के बाट् खुह्ली ने हंदी।

1 पतरस 1:11

तिनू ऋषिऐं जू मसीया की पबित्र-आत्त्मा के जाँणें सेजो जाँणों, जू मसीया गाशी दु:ख के बारे दो बुली लो थियों, अरह् सेजी बड़ियाऐ जू तिनू दु:खो पाछी पर्गट हली, तियों पबित्र-आत्त्मा ऐ तिन कैई बुली लो थियों। सेजी बातो ईयों संईसारी दी कद्दी हंदी अरह् तबे ईयों संईसारी को का हंदों।

प्रकाशितवाक्य 19:10

ईन्देंखे हाँव स्वर्गदूत्त खे नंमष्कार कर्णो खे लाँम्बा पसरियों तिनके लातो गाशी पड़ा। तिन्ऐ मुँखे बुलो, “देख, ऐष्णों ने करे, हाँव तेरा अरह् तेरे भाईयों का संगी दास असो, जू प्रभू यीशू की गुवाऐ-शाज़्त्त देंदा संईसारी दा आऐ रूवा। पंण्मिश्वर ही के लातो गाशी पसरियों नमंष्कार करह्;” किन्देंखे के प्रभू यीशू के गुवाऐ-शाज़्त्त ही ऋषियों के आत्त्मा असो।