2 पतरस 1:19 - Sirmouri

¹⁹ आँमों कैई जू ऋषी का बचन आया, से ईयों घट्णाँ शा पाक्का हुआ। तुँऐं ऐजो आछो करह्, जू ऐजो सम्झियों ईदा ध्याँन दियों, के ऐक ही दिवा असो, जू ईनाँरे जागा दा ताँव-तोड़ी प्रकाष देंदा रंह, जाँव तोड़ी धुरो ने ऊँक्क्षो; अरह् झ़ीषकी चिल्की ने लागो, अरह् झ़ीषका तारा बियाँणू तुवाँरे सासो दा ने चम्मकी ज़ाँव।

सिरमौरी नौवाँ नियम

¹⁹ आमै जाणुए कै मसीह कै बारै मुंजी पौरमेशवर कै बातौ बौताणौवाल़ै जू वचन लैख राए थिए, सै बिल्कुल साची औसौ। औरौ तैसकै पाछु आणौ कै बारै मुंजी तिनु वचन पांदी आमु पूरा भरोसा औसौ जू आमुए तुऔं शिखाए राए थिए। तुऔं तिनु वचनो खै आछी तरह शै शुण्णै चैंई, जिथुकै जैशैखै इनारै दा दिवा लोगौ खै सोही बाट दिखाणौ दै मौदद कौरौ, तैशैखैई ऐजै वचन तुऔं ऐजौ जाणणौ दै मौदद कौरौ कै साचौ का औसौ। अमारै प्रभु यीशु मसीह कै पाछु आणौ तौड़ी तुऔं तिनु वचनो खै आछै शै शुण्णै चैंई। तैसकौ आणौ ऐक नौवें दूस कै झीशो कै जैशणौ पेयाशो लांदौ, औरौ सै झीशो कै तारै कै जैशणौ हौन्दौ। तैसी सौमय तैसकौ पेयाशो तोंवारै दिलो दो चौमकदौ, औरौ पौरमेशवर कै साफ रुप शै तुऔं प्रगट कौरदौ।

2 पतरस 1:19 ပူးပေါင်းရင်းမြစ်များ

मत्ती 4:16

जुण्जे लोग ईनाँरें दे बऐठी रूऐ थिऐ, तिन्ऐ बड़ा प्रकाष दे:खा; अरह् जुण्जे मंऊँत्ती के देश अरह् छ़या दे बऐठी रूऐ थिऐ, तिनू गाशी प्रकाष चंम्का।”

यूहन्ना 5:35

संत्त-यूहन्ना नहाँण-कराँणों वाल़ा, ऐक बोल़्दा अरह् चंम्कोंदा दिवा थिया; जेस्के ऊँजाल़े लंई, तुओं किऐ बख्त्तों तोड़ी आनन्द-खुशी मंनाँणीं आछ़ी लागी।

यूहन्ना 5:39

“तुँऐं लोग पबित्र-ग्रन्थों दो ऐजो जुओं, के तिन्दा अमर जीवन बसा अंदा असो; सेजे बादे पबित्र-ग्रन्थ मेरे ही बारे दे गुवाऐ-शाज़्त्त दियों;

यूहन्ना 8:12

प्रभू यीशू ऐ हजो लोगो खे बुलो, “संईसारी खे ज्योंत्ति-प्रकाष हाँव असो; जुण्जा मुँह पाछी आला से ईनाँरे दा ने हाँड्दा, किन्देंखे के जीवन का प्रकाष ज्योत्ति हमेशा खे तेसी आरी रंह्दी।”

प्रेरितो कै काम 15:29

तुँऐं लोग मुर्त्तियों गाशी बल़ी चड़ाऐ अंदो माँस शे, अरह् लह्ऊँ के खाँन-पान शे, अरह् गल़ा घूटै अंदे बंईच़ियों के माँस शे, अरह् च़ूरी-जारी शा परेज करे; अरह् ईन्दें शे आपु बंचियों रंहणों शा तुवाँरा कल्याँण असो; ‘तुवाँरा भला हों’।”

प्रेरितो कै काम 17:11

ऐजे लोग तअ थिस्सलुनीकियों के यहूदियों शे जादा भले थिऐ, अरह् से बंडी हिछ़या शे प्रभू यीशू के बचन शुंणों थिऐ; अरह् तियों संच्चाई की जाँच-परख कंर्णों खे रोज पबित्र-ग्रन्थों का अध्यन कंरियों तिन्देंके खोज करह् थिऐ।

इब्रानियों 2:2

पंण्मिश्वर आप्णे स्वर्गोदूत्तो के जाँणें, इस्राएली लोगो खे आप्णी अज्ञाँ दिती, सेजी बादी अज्ञाँऐं बैजाऐ दब-दबे वाल़ी थी, परह् इस्राएली लोगे तिनकी सेजी अज्ञाँ ने माँनी, ईन्देंखे पंण्मिश्वर ऐ तिनखे ठीक संजा दिती;

याकूब 2:8

जे तुँऐं पबित्र-ग्रन्थों के मुँताबिक प्रभू यीशू के बचन के हिसाब शा ठीक पाल़ण करह्, जेष्णो के लिखों अंदो असो, के “तुँऐं आप्णे पड़ोसी शो आप्णें जेष्णों पियार करह्” जे तुँऐं सती तेसी निय्म पुरा करह्, तअ तुँऐं आछो करह्।

1 पतरस 1:10

तेसी ही छुट्कारे के बारे दो तिनू ऋषिऐं बैजाऐ छाँन-भींन जाँच-पड़ताल़ करी, जिन्ऐं तियों कृपा के बारे दी, जू तुँओं गाशी हंणों वाल़ी असो, तिन्दें के बरंम्बाणीं करी थऐ थी।

1 यूहन्ना 5:10

जुण्जा कुँऐं पंण्मिश्वर के बैटे गाशी बिश्वाष करह्, तैस्दी ऐजी गुवाऐ-शाज़्त तैस्के सासो भीत्री चुप्पी हों, अरह् जैस्का बिश्वाष पंण्मिश्वर दा ने आथी, तेने तिनू झूठे बंणाँऐं दिते, किन्देंखे के तेने पंण्मिश्वर के सेजी गुवाऐ-शाज़्त जुण्जी तिन्ऐं आप्णें बैटे के बारे दी दिती थी, तियों गुवाऐ-शाज़्त गाशी तेने बिश्वाष ने करी।

3 यूहन्ना 1:6

से कलीसिया के साम्णें तुवाँरे पियार के गुवाह्-शाज़्त असो, ठीक ऐजो असो, के तुँऐं ईनू ठीक-ढंग शे बिदा करह्, जुण्जो पंण्मिश्वर के माँन्णों ज़ूगौ हों।

प्रकाशितवाक्य 2:28

अरह् हाँव तेस्खे भेंयाँस्रोह् का तारा देऊँबा।

प्रकाशितवाक्य 22:16

“हाँव, यीशू, मुँऐ कलीसियाओं के बारे दी ऐजी बातो पर्गट कर्णो खे आप्णाँ दूत्त तुओं कैई डेयाल़ी थुवा; हाँव राजा दाऊद के बंष-गंड़ी का सोभी शी खास अलाद असो, अरह् झ़ीषौ बियाँणीं दा चंमम्कणों वाल़ा तारा असो।”