2 पतरस 1:13 - Sirmouri

¹³ हाँव आपु खे ऐजो ठीक जाँणू, के जबे तोड़ी हाँव ऐसी देह्-शरीर रूपी डेरे दा असो, ताँव-तोड़ी तुँओं कैई शो चींत्ते कराऐ कराऐयों होंस्ला देंदा रंऊँ।

सिरमौरी नौवाँ नियम

^13-14 अमारै प्रभु यीशु मसीहे मुखै स्पष्ट हौयौ बौताए दियु कै हांव तावल़ा ही मौरे जांदा। इथकारिए मैरै जाणियौए कै मैरै खातिर ऐजौ सोही औसौ जोबै कै हांव इबी जियुंदी औसौ तौ हांव तुऔं इनु चीज़ौ कै याद दियांदा रोऊं।

2 पतरस 1:13 ပူးပေါင်းရင်းမြစ်များ

2 कुरिन्थियों 5:8

ईन्देंखे आँमें हिम्मत्त थंह्, अरह् देह्-शरीर शे ज़ई रंऐयों, प्रभू आरी रंहणों आछ़ो जाँणों।

फिलिप्पियों 1:7

ठीक असो, के हाँव तुँओं सोभिखे ऐष्णा ही सोंच-बिचार करू, किन्देंखे के तुँऐं मेरे सासो दे बसी रूऐ; अरह् मेरी कय्दी दे अरह् खुषख्बरी खे जबाब अरह् नंतीजा देणों खे तुँऐं बाद्दे झुणे मेरी गईलो पंण्मिश्वर की कृपा के साथी असो।

फिलिप्पियों 3:10

हाँव ऐजो चहाऊँ, के हाँव मसीया जाँणी पाऊँ, अरह् तियों शक्त्ति का तजरबा करणा चहाऊँ, जिन्दे लई से मँरियों पाछु ऊबे जीऐं; अरह् मऊँदी दा तिनू जेष्णाँ बंणियों तिनके दु:ख भोगणों दा साथी बंण्णा चहाऊँ।

2 तीमुथियुस 1:6

ईन्देंखे हाँव ताँव कैई शो भे चित्ते कराऊँ, के तू पंण्मिश्वर का सेजा बरंदाँन जुण्जा मेरे हाँथ थंणों के कारण ताँव भेंटा तेसी चंम्काऐ दे।

इब्रानियों 13:3

कय्दी का ऐशा शुज़ा करह्, ऐशो जाँणियों के तुँऐं भे तिनकी गईलो कय्दी असो, अरह् जिनकी गईलो बुरा बर्ताव करा ज़ाँव तिनका ऐशा जाँणियों शुज़ा करह् के आँमें भे ईन्के ही जिऐ सुख्ह-दुख्ह भोगणों वाल़े लोग असो।

2 पतरस 1:12

ईन्देंखे जे तुँऐं ऐजी बातो जाणों ऐ, अरह् साचे बचन तुँओं भेंटी रूवे, अरह् तुँऐं तिन्दे पाक्के असो, तअ तबे भे हाँव तुँओं खे इन बातो चींत्ते कराँणों खे सदा तियार रंह्ऊँबा।

2 पतरस 1:14

किन्देंखे के हाँव ऐजो जाँणू ऐ के मेरे देह्-शरीर के डेरे ढाल़्णों का बख्त शिघा आँणों वाल़ा असो, जेष्णाँ के अमाँरे प्रभू यीशू मसीया ऐ मुँह गाशी पर्गट करी थुवा।

2 पतरस 3:1

हे प्यारे साथियों, ऐबे ऐजी दुज़ी पत्री असो, जू मुँऐं तुँओं खे लिखी लऐ, ईनू दुई पत्री दो ऐजो चित्ते कराऐयों मुँऐं तुवाँरे पबित्र मंन दो चित्ते कराणों का जत्तन करी थुवा,