2 यूहन्ना 1:6 - Sirmouri

⁶ अरह् पियार ऐजो असो, के आँमें पंण्मिश्वर की अज्ञाँ के मुँताबिक चालो; ऐजी सेजी ही अज्ञाँ असो; जू तुँऐं शुरू शी ही ऊबी शुणी थंऐ, अरह् से ऐजो असो, के तुँओं पियार की बाटो दो चाल़्णों पड़ो।

सिरमौरी नौवाँ नियम

⁶ औरौ साचा प्यार ऐजाई औसौ कै जोबै आमु पौरमेशवर कै आज्ञा कै मानदै बैई काम कौरु। तैसी सौमय शै जोबै तुऐं यीशु मसीह कै मानणा शुरु कौरा तोबै शै ही तुऐं शौणै राए कै पौरमेशवरे आज्ञा दैय राए कै तुऔं सौदा ऐकी दुजैआरी प्यार कौरणा चैंई।

2 यूहन्ना 1:6 ပူးပေါင်းရင်းမြစ်များ

यूहन्ना 14:15

“जे तुँऐं मुँह आरी प्यार कर्दे, तअ तुऐ मेरी अज्ञाँओं का पाल़्ण कर्दे।

यूहन्ना 14:21

सेजे जुण्जे मेरी अज्ञाँऐं माँनों, अरह् तिन्दे का पाल़्ण करह्; सेजै ही मुँह आरी प्यार करह्, अरह् जुण्जे मुँह आरी प्यार करह्; तिनू आरी बाबा प्यार करदा, अरह् हाँव भे तिनू आरी प्यार करदा; अरह् हाँव आपु आप्णें आप तेसी कैई पर्गट हंदा।”

यूहन्ना 14:23

प्रभू यीशू ऐ तेस्खे जबाब दिता, “जुण्जा कुँऐं मुँह आरी प्यार करला, से मेरे बचन का पाल़्ण करदा; अरह् मेरा बाबा तेसी आरी प्यार करदा, अरह् आँमें तेसी कैई आऐयों तेस्की गंईलो रंह्ऊँबे।

यूहन्ना 15:10

जे तुँऐं मेरे प्यार दे पाक्कै बंणें अंदे रंह्ले, तअ तुऐं मेरी अज्ञाँयों का पाल़्ण कर्ले; जेष्णाँ हाँव आप्णें बाबा की अज्ञाँयों का पाल़्ण करदा आऐ रूवा, अरह् तिनके प्यार दा पाक्का बंणाँ अंदा रंह्ऐ रूवा।

यूहन्ना 15:14

जे तुऐं मेरी अज्ञाँ का पाल़्ण करह्; तअ तुऐं मेरे दोस्त्त-साथी बँण्दे।

1 यूहन्ना 2:24

ईन्दें का ख्याल थुऐ, के तुँओं दी सेजी ही शिक्क्षा पाक्की रंऐ च़ेंई, जुण्जी तुँऐं आगे शुभी शुणीं थऐ, अरह् जे तुँऐं तियों ही शिक्क्षा दे पाके अट्ल़ रंह्ले; तअ तुँऐं बैटे अरह् स्वर्गो के पिता दे भे बंणें अंदे रंह्दे।

1 यूहन्ना 2:5

परह् जू कुँऐं तिनके बचन दे चालो, तअ तैस्दो सोतिखे पंण्मिश्वर को पियार साचो हुओ। ईन्दी लई आँमें जाँणी पाँव, के आँमें तिन्दे बंसे अंदे असो:

1 यूहन्ना 2:7

हे प्यारों, हाँव तुँओं खे किऐ नंऐं अज्ञाँ ने लिख्दा, परह् सेजी ही पुराँणी अज्ञाँ जू शुरू शी तुँओं भेटी रऐ; ऐजी पुराँणी अज्ञाँ सेजा बचन असो, जेसी तुँऐ शुणी थुवा।

1 यूहन्ना 5:15

तअ जबे आँमें ऐजो जाँणो, के आँमें जू भी किऐं तिनकी हिछ़या शो माँगो, सेजो से आँमों खे देऐ दियों, तअ आँमें ऐजो भे जाँणों ऐ, के आँमें जुण्जो किऐ बिश्वाष शो माँगो, सेजो आँमों भेटी ज़ाँव।

1 यूहन्ना 5:3

पंण्मिश्वर की अज्ञाँ का पाल़्ण करणा ही पंण्मिश्वर शो पियार कर्णों का परमाँण असो, परह् तिनकी अज्ञाँ कठींण ने आथी;

2 यूहन्ना 1:5

हे तिरंई, मेरी ताँव खे ऐजी ढाल-अरज असो: के आँमों मुँझी आपु आरी पियार हुवों चैई, ऐजी मुँऐं तुँओं खे किऐ नंऐं अज्ञाँ ने लिखी लई, परह् ऐजी सेजी ही अज्ञाँ असो, जुण्जी आँमों खे शुरू शी ही ऊबी देऐ थऐ।