2 यूहन्ना 1:1 - Sirmouri

¹ मुह ठग्ड़ै की ढबे शी तिनू चूणीं-छाँटी अंदी तिरंई अरह् नहाँन्ड़िया के नाव, जिन शो हाँव साच्चो पियार थंह्ऊँ; अरह् सिर्फ हाँव ही ने, परह् सेजे बादे भे पियार थंह् जू सच्चाऐ जाँणो ऐ;

सिरमौरी नौवाँ नियम

¹ मोऐं यूहन्नाए कलीसिया कै अगुवे इयौं चिट्ठी कै लैखै लौए। मोऐं ऐजै चिट्ठी पौरमेशवर कै चोणेयौंदी तियौं फोल़ाणी बोईणी औरौ तियांरै नानड़िया कारिए लैखै लौए जिनु आरी हांव साचा प्यार कौरु, औरौ सिरफ हांव ही नी पौरौ सैजै सौब जोणे बै प्यार कौरौ जू सौचाई खै जाणौ।

2 यूहन्ना 1:1 ပူးပေါင်းရင်းမြစ်များ

लूका 1:3

ईन्देंखे, मुँऐं आपु भी ऐजी बादी बातो ठीक-ठीक सुई करियों जाँणी, के तिनू बादी बातो का पुरा हाल शुरू ही शुबा सुवाँ करियों दे:खी-भाल़ियों तुओं खे लिखूँ,

यूहन्ना 8:32

तुँऐं सच्चाऐ जाँण्ले, अरह् सच्चाऐ तुँओं अजाद कर्लीं।”

प्रेरितो कै काम 11:30

तबे तिन्ऐं तेष्णों ही करो; बरनबास अरह् शाऊल के हाथे किऐ धंन राशी बुड़ाईकों खे तूफें के रूप दे डेयाल़ी।

रोमियों 16:13

रूफुस खे, जू प्रभू दा चूणाँ-छाँटा अंदा असो, अरह् तेस्की माँ खे, जू मेरी भे माँ असो, दुई खे नमंष्कार।

गलातियौं 2:14

परह् जबे मुँऐ दे:खो, के से खुषख्बरी दी सच्चाई के सिधी चाल ने चाल्दे; तअ मुँऐं सोभी के साँम्णिऐं पतरस खे बुलो, के जबे तू यहूदी हऐयों; गऐर यहूदी लोगो के जैष्णी चाल-चाले, अरह् यहूदियों के जेष्णाँ ने चाल्दा, तअ तू गऐर यहूदी लोगो खे कैई बुले; के तुँऐं भे यहूदियों के ऋषी-मूसा खे भेटे गुऐ, अज्ञाँ-निय्म जैष्णें चाल-चालो?

गलातियौं 2:5

ऐगड़ी खे तिनके बष दो हंणों, आँमें मानी ने; से ईन्देंखे के खुषख्बरी की सच्चाऐं तुँओं मुँझी बंणी अंदी रंह्।

गलातियौं 3:1

ओ, बै-अकले गलातियों के लोग, तुँओं कैथु ऐ भूचै? तुँवारी तअ आँ:खी के सहाम्णें प्रभू यीशू मसीया शुँल़ी-फ़ाँशी चड़ाऐयों दे:खाऐं थुऐ थिऐ!

गलातियौं 5:7

तुँऐं तअ आछे-भले बिच़ड़ी रूऐ थिऐ, ऐबे तुँओं कुँणे रूके, के सच्चाऐ ने माँने।

कुलुस्सियों 1:5

तुवाँरा बिश्वाष अरह् प्यार तियों भुर्षें गाशी असो, जू स्वर्गो दो तुँओं खे असो, अरह् जिन्दे के बारे दो तुँऐं साच्ची खुषख्बरी के प्रचारो दो शुँणी थो;

1 तीमुथियुस 2:4

जू ऐजो चहाँव के बादे आदमी खे छ़ुट्कारा भेंटो, अरह् से सच्चाई आच्छ़ी करियों फंह्छ़ियाणीं पाँव।

इब्रानियों 10:26

किन्देंखे के जे सच्चाऐ जाँण्णों गाशी भे आँमें जाँणी बुजियों पाप कर्दे रंह्ऊबे, तअ अमाँरे पापो खे ओका किऐ भे बल़ीदाँण ने आथी।

1 पतरस 1:2

अरह् परमं-पिता पंणमिश्वर के हंणों वाल़े ज्ञाँन के मुताबिक, पबित्र-आत्त्मा के पबित्र कर्णो के जाँणें, प्रभू खे ज़ई करी थुऐ, सेजे मसीया प्रभू यीशू के अज्ञाकारी बंणों, अरह् तिनके लह्ऊँ का छ़िड़काँव लों: अरह् तुओं कृपा, अरह् शाँन्त्ति बैजाऐ भेटदी रंह्।

1 पतरस 5:1

तुँओं मुँझी जुण्जे ठग्ड़ै आदमी असो, हाँव, तिनू जैष्णा ठग्डा अरह् मसीया के दु:खों का गुवाह्-शाज़्त अरह् पर्गट हंणों वाल़ी बड़ियाऐं दा साजी हऐयों तिनू ऐशे सम्झाऊँ

1 पतरस 5:13

जू बेबीलोन दे तुवाँरे जेष्णें चूंणें-छ़ाटे अंदे लोग असो, से अरह् मेरा बैटा मरकुस तुँओं खे नमंष्कार बुलो।

1 यूहन्ना 2:21

मुँऐं तुँओं खे ईन्देंखे ने लिखी थई, के तुँऐं सच्चाई ने जाँण्दे, परह् ईन्देंखे लिखी थो, के तुँऐं ऐजो जाणोंऐं, के झूठो, दी किऐ भे सच्चाऐ ने हंदी।

1 यूहन्ना 3:18

हे प्यारे नहाँन्ड़िया, अमाँरे पियार ज़ात्ती शो बुल़्णों लई ने; परह् अमाँरे कर्मो अरह् सच्चाई दो असो।

2 यूहन्ना 1:13

तुँवारी चूणीं-छाँटी अंदी बंईणों के नहाँन्ड़िया भे तुँओं खे नमंष्कार करह्।

2 यूहन्ना 1:5

हे तिरंई, मेरी ताँव खे ऐजी ढाल-अरज असो: के आँमों मुँझी आपु आरी पियार हुवों चैई, ऐजी मुँऐं तुँओं खे किऐ नंऐं अज्ञाँ ने लिखी लई, परह् ऐजी सेजी ही अज्ञाँ असो, जुण्जी आँमों खे शुरू शी ही ऊबी देऐ थऐ।

3 यूहन्ना 1:1

मुँह ठग्ड़ै की ढबे शे प्यारे गयुस के नाँम, जैच़्छ़ौ हाँव साच्चो पियार करू।