2 कुरिन्थियों 9:8 - Sirmouri

⁸ पंण्मिश्वर हर प्रकार की कृपा तुँओं खे बैजाऐ देऐ सको, जिन्दी हर बात दी अरह् हर बख्ते, सब-कुछ, जू तुँओं खे जरूरी हों, तुँओं कैई रंह्; अरह् हर ऐक भले काँम-काज़ खे तुँओं कैई किऐ बंच्ची ज़ाँव।

सिरमौरी नौवाँ नियम

⁸ पौरमेशवर सौब भान्त का अनुग्रह तुऔं तोंवारै जौरुरत शै जादा दैणौ दा शौकतीशाली औसौ जिथलैई हर बात दै औरौ हर सौमय, सौब किछै, जू तुऔं जौरुरी हौंव, तुऔं कैई रौंव ताकि तुऔं कैई भौलै काम कौरणौ कारिए जौरुरत सै जादा हौं।

2 कुरिन्थियों 9:8 ပူးပေါင်းရင်းမြစ်များ

प्रेरितो कै काम 9:36

याफा नंगर दा तबिथा मतलब् यूनानी भाषा दो दोरकास नाँव के ऐक बिश्वाषनी रंह् थी; से बैजाऐ भले-भले काँम-काज़ अरह् दाँण-पूनं करिया करह् थी।

1 कुरिन्थियों 15:58

ईन्देंखे हे मेरे प्यारे भाऐ बंईणों पाके, अट्ल़, डटेअंदे रूऐ, अरह् तुऐं प्रभू की काँम-काज़ कर्णो खे बड़दे ज़ाव, किन्देंखे के तुँऐं ऐजो जाँणों ऐ, के तुऐं जू प्रभू खे मेंह्नत्त करी लऐ से बै-कार ज़ाँदी ने।

2 कुरिन्थियों 13:3

किन्देंखे के तुँऐं तअ ईन्दें का नंतीजा जाँणोंऐं, के मसीया मुँह कैई बुलोऐ; जू तुँओं खे कंंमजोर ने परह् तुँओं दा शक्त्तिशाली असो।

2 कुरिन्थियों 8:19

अरह् ऐत्ती ने, परह् से कलीसियों दा जाँणा-गीणा असो; के ऐसी दाँण की काँम-काज़ खे अमाँरी गईलो डियाल़ा ज़ाँव। आँमें ऐजी सेवा ईन्देंखे करह्, के प्रभू के बड़ियाऐ अरह् सहाय्ता-मंद्दत कर्णो खे अमाँरे मंन की तियारी भे पर्गट हऐ ज़ाँव।

2 कुरिन्थियों 8:2

बैजाऐ दु:ख-क्ल़ेष के परख दी तिनकी बड़े आँनन्द अरह् बैजाऐ कंगाली दी देंण बंडी।

2 कुरिन्थियों 8:7

ईन्देंखे जैष्णें तुँऐं बादी बातो दे मतल्व बिश्वाष, बचन, ज्ञाँन, अरह् ओकी कोशिष दे, अरह् तेसी पियार दे जू आँमों आरी करह्, तैष्णें ही तुऐं मंद्दत कर्णो वाल़े दाँण देणों के काँम-काज़ दे भे बड़दें ज़ाव।

2 कुरिन्थियों 9:11

ऐशे दाँई तुँऐं हर प्रकार के धंन शे भरपुर हऐयों दिल-खुलियों देंणों ज़ुगे हले; अरह् तुवाँरे दिते दाँण, जू अमारे जाँणें बाँडियों पंण्मिश्वर खे धन्यबाद का कारण बंण्ला;

इफिसियों 2:10

किन्देखे के पंण्मिश्वर ऐं अमाँरी रंचणाँ करी, अरह् तिन्ऐं प्रभू यीशू मसीया आरी बादी संईसारी की रंचणा करी; जिन्दें लंई आँमें सेजे बादे आच्छ़े काँम-काज़ पुरे कंर्दे रंह्, जुण्जे पंण्मिश्वर ऐ आगे ही आँमों खे तैयार करी थुऐ।

इफिसियों 3:20

ऐबे जुण्जा ऐष्णा शँक्त्तिशाली असो, के अमाँरे ढाल-अरज अरह् सम्झ शे बैजाऐ बड़े काँम-काज़ करी सको, तियों शँक्त्ति के मुँताबिक जुण्जी आँमों दे काँम-काज़ करह्;

फिलिप्पियों 4:11

ऐजो ने के हाँव आप्णी जरूरत्त के कारण ऐजो बुलू, किन्देंखे के मुँऐ ऐजो शिखी थो, के जेसी दषा दा हाँव असो, तिदा ही खुशी भे रऊँ।

कुलुस्सियों 1:10

जू तुवाँरा चाल-चल़्ण प्रभू ज़ूगा हों, अरह् से हर तरेह् शे खुशी हों; अरह् तुँओं दे हर किस्म के भले काँम का फल़ लागो, अरह् पंण्मिश्वर के पछ़याण दे बढ़्दे ज़ाँव।

2 थिस्सलुनीकियों 2:17

तुवाँरे सासो दी शाँण्ति दियों, अरह् तुँओं ऐक नाँम आच्छ़े काँम-काज़ अरह् बचन दे पाक्कै करह्।

2 तीमुथियुस 2:21

ईन्देंखे जुण्जा कुँऐ आदमी आपु आप्खे ईनू गंन्दिगी शा साफ करी दीयों; तअ से आदर-ईज्जत्त को बाँसोंण, अरह् शुँच़ा-शाँख्ल़ा बंणों; अरह् से आप्णें माँलिक के काँम आँदा, अरह् बादे भले काँम-धाँन्धे कर्णो खे तैयार रंह्दा।

2 तीमुथियुस 3:17

जू पंण्मिश्वर का जंण सीद्ध बंणों, अरह् ऐक नाँम भले काँम कंर्णो खे संदा तैयार हों।

तीतुस 2:14

जिन्ऐं आपु-आप्खे अमाँरी ताँईऐं देऐ दिता, के आँमें हर प्रकार के पाप-अ-धर्म शे छुढ़ोऐ दियों, अरह् शुद्ध करियों आप्खे ऐक ऐशे लोग बाँणों, जू भले-भले काँम-काज़ खे तैयार रंह्।

तीतुस 3:14

अमाँरे लोग भे जरूर्तो पुरी कर्णो खे आच्छ़ी काँम-काज़ दो लागो रंहणो शिखो, जू नि-षफल़ ने रंह्।

तीतुस 3:8

ऐजी बात साच्ची असो, अरह् हाँव ऐशो चहाँऊ के तू ईनू बातों के बारे दो दीड़-हिम्मत करियों बुले, ईन्देंखे के जिन्ऐं पंण्मिश्वर गाशी बिश्वाष करा, के भले-भले काँम-काज़ दा लागे रंहणों का ख्याल थुऐ। ऐजी बातो भली अरह् आदमी के फाय्दे की असो।

1 पतरस 4:10

ऐकी नाँमों खे पंणमिश्वर के जाँणें खास बर्दाण भटी रूआ, ईन्देंखे से पंणमिश्वर के अपार कृपा के आछे भणडारी के रूप दे ओका ओकी की जरूर्तो पुरी कर्णो खे तिन्दें के ईसतेमाल करह्।