2 कुरिन्थियों 9:2 - Sirmouri

² किन्देंखे के तुवाँरे मंन के हिछ़्या हाँव जाँणू ऐ, जिन्दें के जाँणें मुँऐं मकिदुनि के रंहणों वाल़े लोगों के सहाम्णें भे तुँवारी तारीफ करी थी: के अखया के लोग ऐक साल शुभे तियार असो, अरह्, तुवाँरे होंस्ले ऐ ओके भे भहिते लोग तियार करे।

सिरमौरी नौवाँ नियम

² जिथुकै हांव तोंवारै दैणौ कै इछा कै जाणुए, जिथकै बौजैह शै, हांव तोंवारै बारै मुंजी मकिदुनिया प्रदेश कै बिशवाशियौं कै सामणै घमण्‍ड दिखोऊ, कै अखाया प्रदेश कै तुऐं लोग ऐकी सालो शै तैयार हौए रौवै, औरौ तुंआरी खुशीए हौजौ बौहितै खै उभारे राए।

2 कुरिन्थियों 9:2 ပူးပေါင်းရင်းမြစ်များ

प्रेरितो कै काम 18:12

जेसी बख्त्ते गल्लियों अखाया देश का हाकम थिया, तअ तबे यहूदी लोगे ऐ आपु मुँझी ऐका करियों संत्त-पौलुस गाशी च़ूटियों पड़े; अरह् तेसी नियाव के सिंगास्हणों के सहाम्णिऐ आँणियों बुल्दे लागे।

प्रेरितो कै काम 24:17

बैजाऐ साल्ह बित्त्णों गाशी, हाँव आप्णे लोगो खे दाँण देंदा, अरह् देऊँठी दी भेंट चड़ाँदा आऐ रूवा।

रोमियों 15:26

किन्देंखे के मकिदुनिया अरह् अखया के लोगो के ऐजो आछो लागो, के यरूशलेम के पबित्र लोगो मुँझी गरीब कंगालो खे किऐ चहाँदा कठा करू।

1 कुरिन्थियों 16:15

हे भाऐ बंईणों, तुँऐं स्तिफनास के घराना जाँणों ऐ, के से अखया ईलाके दे प्रभू गाशी बिश्वाष कर्णो वाल़े आगले फल़ असो, अरह् से पबित्र लोगो की सेवा कर्णो खे तियार रंह्।

2 कुरिन्थियों 1:1

संत्त-पौलुस के ढबे शा जू पंण्मिश्वर के हिछ़या शा मसीया यीशू का खास-चैला असो, अरह् अमाँरे भाऐ तीमुथियुस की ढबे शा पंण्मिश्वर की तियों कलीसिया के नाँम, जुण्जी कुरिन्थस नंगर असो, अरह् बादे अखया ईलाके के पबित्र लोगो के नाव:

2 कुरिन्थियों 7:14

ईन्देखे के जे मुँऐं तुवाँरे बारे दा तीतुस के साम्णें तारीफ दे:खाऐ, तअ हाँव बै-ईज्जता ने हई, परह् जैष्णी आँमें तुँओं कैई बादी बातो साच्चै-साच बुली थई थी, तैष्णा ही अमाँरा तारीफ दे:खाणी भे तीतुस के साम्णें भी साच्चा नींक्ल़ी।

2 कुरिन्थियों 7:4

मुँऐं तुँओं खे हिम्मत्त करियों बुली लुओं, के मेरे तुँओं गाशी बैजाऐ नाँज असो; हाँव शाँण्त्ति शा भरी रूआ। आप्णें बादे कंल़ेष दा हाँव आँनन्द शा बैजाऐ खुशी हऐ रूवा।

2 कुरिन्थियों 8:10

ईयों बातो दी मेरी ऐजी सलाह् असो: के तुँओं खे ऐजो आछो असो; के तुँऐं पाछ़ली साल दाँण देंणों की हिछ़या दे, भे सोभी शे आगे थिऐ, अरह् दाँण देणों खे भे सोभी शे आगे हुऐ चेंई।

2 कुरिन्थियों 8:11

ईन्देंखे ऐबे ऐजी टह्ल पुरी करह्, के जैष्णी दाँण देणों की हिछ़या दे तुँऐं तियार थिऐ; तैष्णी ही आप्णी आँम्दणी के हिसाब शी पुरी करह्।

2 कुरिन्थियों 8:19

अरह् ऐत्ती ने, परह् से कलीसियों दा जाँणा-गीणा असो; के ऐसी दाँण की काँम-काज़ खे अमाँरी गईलो डियाल़ा ज़ाँव। आँमें ऐजी सेवा ईन्देंखे करह्, के प्रभू के बड़ियाऐ अरह् सहाय्ता-मंद्दत कर्णो खे अमाँरे मंन की तियारी भे पर्गट हऐ ज़ाँव।

2 कुरिन्थियों 8:24

तअ: आप्णों पियार अरह् अमाँरे तारीफ जू तुवाँरे बारे दे असो, कलीसियों के साम्णें साच्चा करियों तिन कैई शा दे:खाव।

2 कुरिन्थियों 8:8

हाँव अज्ञाँ के हिसाब शे ने, परह् ओकी के होंस्ले शे तुवाँरे पियार की सच्चाई की परख खे बुलू।

1 थिस्सलुनीकियों 1:7

ऐथै तोड़ी के मकिदुनिया अरह् अख़ेया के बादे बिश्वाषी खे तुँऐं ऐक जाने-माँने बंणो।

इब्रानियों 10:24

अरह् प्यार, अरह् भले काँमों खे होस्ला देऐयों ओका ओकी के चिंन्ता-फिकर करिया करह्;