2 कुरिन्थियों 8:4 - Sirmouri

⁴ अरह् तैसी दाँण दो अरह् पबित्र लोगो की सेवा दे हिंस्सेदारी हंणों की कृपा के बारे दी, आँमों कैई बार-बार बैजाऐ ढाल-अरज करी,

सिरमौरी नौवाँ नियम

⁴ तिनुऐ तौ आमु कैईंदै बैजाए बिन्ती कौरेयौ मुं कैईंदै रजामंदी मांगै कै तिनु बै यरूशलेम शहर कै बिशवाशियौं कै मौदद कारिए सेवा-कै काम दा हिस्सा लोणो का मौका भैटौ।

2 कुरिन्थियों 8:4 ပူးပေါင်းရင်းမြစ်များ

मत्ती 10:42

जुण्जा कुँऐं ईनू आँम आदमी मुँझ्षा मेरा चैला जाँणियों तेस कैई शा ऐक गिलास शैल़ों पाँणी पींयाँव, तअ हाँव तुँओं खे खास बात बुलू, के से आप्णा प्रतिफल़ बिलकुल ने गुवाँदी।”

मत्ती 12:50

किन्देखे के जुण्जे कुँऐ मेरे स्वर्गो के पिता की हिछ़ा गाशी चालो, सेजे ही मेरे भाऐ, अरह् मेरी बऐणीं, अरह् मेरी माँ असो।”

मत्ती 25:40

राजा तिन्खे जबाब देला; ‘हाँव तुओं खे खास बात बुलू, के जुण्जो किऐ तुँऐं आप्णें भाई, बंऐणी, खे जुण्जे मेरे ईनू छोटे शे छोटे खे किऐ करो; तुऐं सेजो ईनखे ने परह् मुँखे करी थुओं।’

मरकुस 14:7

गरीब कंगाल तअ तुँवारी गईलो सदा रंह्दें, अरह् तुवाँरा जबे भे मंन करला, तबे तिनकी मंदत् करी सको, परह् हाँव तुँवारी गईलो सदा ने रंह्दा।

प्रेरितो कै काम 11:29

तबे चैले ऐ ऐजा फऐंस्ला करा, के ऐक नाँम आदमी आप्णी-आप्णी कंमाँई के मुँताबिक शा यहूदिया दे रंहणों वाल़े, बिश्वाषी भाऐ-बंईणों की सहाऐता खे किऐ डेयाल़ो।

प्रेरितो कै काम 16:15

जबे तिऐं आप्णे घराने सहमेंत्त नहाँण-नहाँव, तअ से आँमों ढह्लियाँदी लागी, के “जे तुऐ मुँह प्रभू की बिश्वाष्णी जाँणों, तअ मेरे कागी मेरे घरोह् दे रंह्,” अरह् तिऐं आँमों मंनाँऐयों तेथै शे आगू आप्णें कागी नीऐं।

प्रेरितो कै काम 24:17

बैजाऐ साल्ह बित्त्णों गाशी, हाँव आप्णे लोगो खे दाँण देंदा, अरह् देऊँठी दी भेंट चड़ाँदा आऐ रूवा।

रोमियों 15:31

के हाँव यहूदियों के बै-बिश्वाषियों शा बचा रंऊँ, अरह् मेरी सेजी सेवा जू यरूशलेम खे असो, पबित्र लोगो के भाँए;

1 कुरिन्थियों 16:1

ऐबे तेसी दाँण-चाँन्दें के बारे दो जू पबित्र लोगो खे कठा करा ज़ाँव, जैष्णी अज्ञाँ मुँऐ गलातियों की कलीसियों खे देऐ थऐ, तैष्णों ही तुँऐं भे करे।

1 कुरिन्थियों 16:15

हे भाऐ बंईणों, तुँऐं स्तिफनास के घराना जाँणों ऐ, के से अखया ईलाके दे प्रभू गाशी बिश्वाष कर्णो वाल़े आगले फल़ असो, अरह् से पबित्र लोगो की सेवा कर्णो खे तियार रंह्।

2 कुरिन्थियों 9:1

ऐबे तियों सेवा के बारे दी जू पबित्र लोगों खे करी ज़ाँव, मेरे तुँओं खे लिख्णों जरूरी ने आथी।

गलातियौं 2:10

तिन्ऐं सिर्फ ऐजो बुलो, के आँमें गरीब कंगालो का शुज़ा करूबे; अरह् हाँव आपु भे ऐजी काँम-काज़ कर्णी ने; परह् ईयों काँम-काज़ कर्णो के मेरी बेजाऐ हिछ़या भे थी।

गलातियौं 6:10

ईन्देंखे जेथै तोड़ी मोंक्का भेंटो, आँमें सोभी आरी भलाऐं करह्, प्रभू यीशू के करियों बिश्वाषी भाऐ-बऐणी आरी।

1 तीमुथियुस 5:10

अरह् जिऐं आप्णें भले काँम-काज़ लंई आपु खे नाँव कंमाँऐ थुवा हला, जिंऐ आप्णें नहाँन्ड़िया का आच्छ़ा पालना-पोष्ण करी थुवा हला; अरह् जिऐ पाँऊँणें-पंई का आच्छ़ा आदर-संत्तकार करी थुवा हला, अरह् जिऐं पबित्र लोगो के लात्त धोऐ थुऐ हंले; अरह् कोसी दींन, दु:खिया की मंद्दत्त करी थंऐ हली, अरह् जुण्जी सोभी आच्छ़ै काँम-काज़ दी मंगन रंह् हले।

इब्रानियों 6:10

किन्देंखे के पंण्मिश्वर अनियाँऐ कर्णो वाल़े ने आथी, के तुँवारी काँम-काज़, अरह् सेजो प्यार बिसरी ज़ाव, जुण्जो तुँऐं तिनके नाँव शो ऐशो ढंग शो देखाव, के पबित्र लोगो की सेवा करी, अरह् हजो भे सेवा करी लऐ।