2 कुरिन्थियों 8:3 - Sirmouri

³ तिनके बारे दी मेरी ऐजी गुवाऐ-शाज़्त असो, के तिन्ऐं आप्णी शरदा शो अरह् आप्णी शरदा शो भे जादा मंन खुलियों दितों।

सिरमौरी नौवाँ नियम

³ औरौ तिनकै बारै मुंजी मैरी ऐजी गवाही औसौ, कै तिनुकैईं जू किछै बै थियु, तिनुऐ तिथैशै बै जादा दान आपणै साची दिल शै दैय राए।

2 कुरिन्थियों 8:3 ပူးပေါင်းရင်းမြစ်များ

मरकुस 14:8

जू ईयाँरें किऐ करियों थियों, ईऐं सेजो ही करो, ईऐं मेरी दाब्णो के तियाँरी खे, आगे ही मेरी देह्-शरीर दो तेल लाऐ लो।

प्रेरितो कै काम 11:29

तबे चैले ऐ ऐजा फऐंस्ला करा, के ऐक नाँम आदमी आप्णी-आप्णी कंमाँई के मुँताबिक शा यहूदिया दे रंहणों वाल़े, बिश्वाषी भाऐ-बंईणों की सहाऐता खे किऐ डेयाल़ो।

रोमियों 10:2

किन्देंखे के हाँव तिनके ढबे शी ऐजी गुवाऐ-शाज़्त देऊँ, के से पंणमिश्वर की लगंन दे बैजाऐ मंगन रंह्, परह् से पंणमिश्वर के बचन दे टीके ने रंह्दे, अरह् ना तिन्दें दारमदार रंह्दे।

1 कुरिन्थियों 16:2

हफ्ते के आगले देसे तुँओं मुँझ्शे ऐक नाँम आदमी आप्णी आऊँद्णी के हिसाब शो किऐ आपु कैई थुऐ, के तुँओं मेरे आँवणों गाशी चाँन्दा ने कठा करणा पड़ो।

1 कुरिन्थियों 9:17

किन्देंखे के जे हाँव आप्णी हिछ़या शी खुषख्बरी प्रचार करू, तअ मुँह तिन्दे का प्रत्तिफल़ भेट्दा; अरह् जे हाँव आप्णी हिछ़या शा प्रचार ने करदा, तबे भे ऐजी मेरी जुमेंबारी असो।

गलातियौं 4:15

तअ तबे तुँवारी सेजी खुशी मंनाँणी केथै गऐ? हाँव तुवाँरा गुवाह्-शाज़्त असो; के जे हऐ सको, तअ तुँऐं आप्णी आँ:खी भे मुँखे गाड़ियों ऊँडी देंदे।

फिलिप्पियों 2:13

पंण्मिश्वर आप्णी आच्छ़ी हिछ़या पुरे कर्णो खे, तुँओं दी तेस्की हिछ़ा पय्दा करह्; अरह् तिन्दे के मुँताबिक शा काँम-काज़ कर्णो के तागत भे दियों।

कुलुस्सियों 4:13

हाँव तिन्देका गुवाह्-शाज़्त्त असो, के से तुँओं खे अरह् लौदीकिया नंगर अरह् हियरा-पुलिस नंगर वाल़े खे बड़ी मेंह्नत करदा रंह्।

1 थिस्सलुनीकियों 2:8

अरह् तैष्णी ही आँमें भे तुँवारी हिछ़या कर्दें ना सिर्फ पंण्मिश्वर की खुषख्बरी गाशी आप्णे-आप्णे प्राण भे तुँओं खे देणों खे तैयार थिऐ, ईन्देंखे के तुँऐं अमाँरे प्यारे ज़ाऐ रूऐ थिऐ।

फिलेमोन 1:14

परह् मुँऐ तेरी ईजाज्त के बिना, किऐ भे कर्णो ने चाई, के तेरी ऐजी कृपा दबाव शी ने परह् आँनन्द-खुशी शी हों।

1 पतरस 4:11

जे कुँऐं बचन बुलो, तअ तेष्णा बुलो, जेष्णाँ तेसी पंणमिश्वर कैई शा भेटियों तेने बुली लुवा; जे कुँऐं सेवा करह्, तअ तियों शक्त्ति शी करह्, जैष्णी पंणमिश्वर कैई शी भेटी रूऐ; जिन्दे लई बादी बातो दी प्रभू यीशू मसीया के जाँणें, पंणमिश्वर की बड़ियाऐ पर्गट हों; बड़ियाऐ अरह् शक्त्ति सदा-सदा तिनकी ही असो। आमीन।

1 पतरस 5:2

के पंणमिश्वर की हिछ़या दे पंणमिश्वर की मंडल़ी के दे:ख-भाल़ करह्—कोसी दबाव दी आऐयों ने, परह् आप्णी हिछ़या के मुँताबिक कोसी लाल़च की नंजरी शी ने परह् शुद्ध सेवा-भाव शी।