2 कुरिन्थियों 8:16 - Sirmouri

¹⁶ पंण्मिश्वर का धन्यबाद हों, जिन्ऐं सेजा होंस्ला तीतुस के सासो दा पाऐ थिया।

सिरमौरी नौवाँ नियम

¹⁶ पौरमेशवर का धन्यवाद हौं, जू फिकर मुखै तोंवारै खातिर औसौ सैजी खुशी तीतुस कै मन दै पाए राए।

2 कुरिन्थियों 8:16 ပူးပေါင်းရင်းမြစ်များ

2 कुरिन्थियों 7:12

खास करियों मुँऐ ऐजी पत्री ईन्दें खे लिखी, के मुँह अनियाँई कर्णों वाल़ा, अरह् अनियाँऐ संहणों वाल़ा, आदमी का जादा फिकर थिया, परह् ईन्देंख के तुऐं पंण्मिश्वर के साम्णें ऐजी हिछ़या संम्झी पाँव, के अमाँरी ताँईऐं तुवाँरा फिकर पर्गट हों।

2 कुरिन्थियों 7:7

अरह् सिर्फ तैस्के आँणों लई ने, परह् तैस्खे तैसी होंस्ले लई भे, जू तैसी तुँओं कैई शा भेटा। तेने तुँवारी हिछ़या, तुवाँरे दु:ख, अरह् मेरी ताँईऐं तुँवारी लगंन के खुषख्बरी भे शुणाँऐं, तिन्दे लई मेरी खुशी-आँनन्द बैगेही बड़ी।

2 कुरिन्थियों 8:23

जे कुँऐं तीतुस के बारे दो पुछो, तअ से मेरा साथी अरह् तुँवारी ताँईऐं मेरा साजी असो; अरह् जे अमाँरे भाऐ के बारे दो पुछो, तअ से कलीसियों के डियाल़े अंदे, अरह् मसीया की बड़ियाऐ असो।

2 कुरिन्थियों 8:6

ईन्देंखे आँमें भाऐ तीतुस खे भे ऐजी सलाह् दिती, के जैष्णों तुँऐं आगे शुरू करो थियों, तैष्णी ही तुँओं मुँझी भी दाँण देणों की टह्ल पुरी करह्।

फिलिप्पियों 2:20

किन्देंखे के मुँह कैई ऐष्णें आछे सभाव का कुँऐं ने आथी, जू शुद्ध मंन शी तुँवारी चिंन्त्ता-फिकर करह्।

कुलुस्सियों 3:17

तुँऐं भाँव किऐ बुलो, भाँव किऐ करह्, सब-कुछ प्रभू यीशू के नाँव शो करिया करह्, तुँऐं तिन्ही के जाँणें पिता पंण्मिश्वर खे धन्यबाद देंदे रंह्।

प्रकाशितवाक्य 17:17

किन्देंखे के पंण्मिश्वर तिनके मंन दो ऐजो पाऐ देला, के से तिनकी हिछ़या पुरी करह्, अरह् जबे तोड़ी पंण्मिश्वर के बचन पुरे ने हुऐ ताँव-तोड़ी ऐक मंन हऐयों आप्णें-आप्णें राज्य तेथू बुँणेंर खे देऐ दियों।