2 कुरिन्थियों 7:10 - Sirmouri

¹⁰ किन्देंखे के पंण्मिश्वर गुवाँर का दु:ख ऐशा पछ़ताव्णा पय्दा करह्, जिन्दें का नंतीजा छूट्कारा असो; अरह् तबे तिन्दो पछ़ताणों ने पड़्दो। परह् संईसारी का दु:ख मंऊँत्त पय्दा करह्।

सिरमौरी नौवाँ नियम

¹⁰ जिथुकै सैजा दुख जू पौरमेशवर कै ढौबौशा आंव, उध्दार दैणैवाल़ै पश्‍चाताप कै बौजैह बौणै जांव, जिथै दुख कारिए कुणजाई ठाँव ना रौंव। पौरौ सांसारिक दुख मौत पौयदा कौरौ।

2 कुरिन्थियों 7:10 ပူးပေါင်းရင်းမြစ်များ

मत्ती 26:75

तबे संत्त-पतरस के प्रभू यीशू की सेजी बात चींत्ते आऐ: के ऐतलो ही रात्ती तू “कुकड़े के बाँक देणों शा आगे तू च़ींई बई भाजी ज़ाँईदा के हाँव ने ऐसी जाँण्दा।” अरह् बाईडे ज़ाऐयों संत्त-पतरस फाटी-फाटियों रूदा लागा।

लूका 15:10

हाँव तुओं खे बुलू, के ऐष्णें पंण्मिश्वर के दूत्त भे तैसी पापी खे खुशी मंनाँदे; जुण्जा मंन बद्ल़ियों पसतावा करह्।”

लूका 18:13

“परह् सेजा चूँग्गी लणों वाल़ा दूरका ही खह्ड़ा हुवा, अरह् तेने स्वर्गो के ढबै भे आप्णों मुँह ऊँबो ने करी, अरह् तेने आप्णी छ़ात्ती पीटी-पीटियों ऐजो बुलो; के ‘हे, पंण्मिश्वर मुँह पापी गाशी दया-रंयम करह्!’”

प्रेरितो कै काम 11:18

ऐजी बातो शुँणियों यहूदी बिश्वाषी भाऐ-बंईणों शाँण्त्त हऐ गुऐ, अरह् तिन्ऐं पंण्मिश्वर के आरार्धना करी; के जबे “पंण्मिश्वर ऐ गऐर-यहूदियों खे भे ऐजा बरंदाँन देऐ थुवा, के ऐ भे आप्णाँ मंन बद्ल़ों अरह् ईनू भे नुवाँ जीवन भेटो।”

प्रेरितो कै काम 3:19

तअ तबे: तुऐं लोग पस्तावा करह्, अरह् आप्णा मंन बद्ल़ियों; पंण्मिश्वर कैई पाछू फीरियों आओं, जिन्दे लंई तुवाँरे पाप मिट्टी ज़ाँव।

2 कुरिन्थियों 12:21

कद्दी ऐशो ने हऐयों, के जबे हाँव पाछ़ू तुओं कैई आँऊ; तअ मेरा पंण्मिश्वर मुँह हजो तुवाँरे सहाम्णें शर्मिन्दा करह्; अरह् मुँह बैजाऐ लोगो खे शोक मनाणाँ पड़ो; जिन्ऐं आगे पाप करा; अरह् आप्णीं गंन्दगी, चूरी-जारी, अरह् लुचपंण करियों आप्णा मंन बद्ल़ियों पसतावा ने करी।

2 कुरिन्थियों 7:9

ऐबे हाँव खुशी असो, परह् ईन्देंखे ने, के तुँओं खे दु:ख भेटा, परह् ईन्देखे के तेसी दु:ख के कारण ही तुँऐं आप्णा मंन बद्ल़ा, किन्देंखे के तुवाँरा दु:ख पंण्मिश्वर के मुताबिक थिया, के अमाँरी ढबे शा तुँओं खे कोसी बातो दा किऐ नुकसाँन ने हों।

इब्रानियों 12:17

तुँऐं लोग जाँणों ऐ, के तिन्दें पाछ़ी से आप्णें बाबा कैई शा आशिर्बाद लंणाँ जहाँव थिया; परह् से तिन्दे ज़ुगा थी ने, अरह् तेने रूऐ-रूऐयों अरज करी, तबे भे से आप्णें बाबा का मंन बद्ल़्णों शा हारी गुवा।