2 कुरिन्थियों 6:4 - Sirmouri

⁴ परह् हर बातो दे पंण्मिश्वर के दासो की जिऐ आप्णें आछे गुण पर्गट करह्, बैजाऐ सबेर शे कल़ेष दे गरीब दे, कष्टो दे,

सिरमौरी नौवाँ नियम

⁴ पौरौ हर बात मुंजी आमै ऐजौ साबित कौरु कै आमै पौरमेशवर कै साची सेवक औसौ। आमु आपणै आछै गुण खै दिखायौ, दुखो, कौल़ेशौ, गरीबी औरौ पौरैशानी खै बौड़ै हिम्मत कै साथै सैहन कौरु।

2 कुरिन्थियों 6:4 ပူးပေါင်းရင်းမြစ်များ

लूका 21:19

आप्णी शाँण्त्ति-सबेर लई तुँऐं आप्णे पराँण बचाऐं पाँदे।

यूहन्ना 16:33

मुँऐं तुओं कैई ऐजो सब-कुछ़ ईन्देंखे बुलो, के तुँओं शाँण्त्ति भेटो; किन्देंखे के संईसारी दे तुओं खे सिर्फ दु:ख्ह अरह् कल़ेष असो; परह् आँनन्दित्त खुशी हुऐ, के मुँह संईसारी गाशी जींत्त भेंटी रंऐ।”

प्रेरितो कै काम 2:22

“हे इस्राएली भाऐ-बंईणों! मेरी ऐजी बातो सुई करियों शुँणों: तुऐं लोग आपु भे जाँणों ऐं; के पंण्मिश्वर ऐं नाँसरत गाँव के यीशू के जाँणें; तुँओं लोगों के बीच दे केत्रै शक्त्ति-शाली, अरह् हरानी कर्णों वाल़े च़ींह्न-चंम्त्तकार देखाऐ थुऐ थिऐ; ईन्दें लई ऐजो साबित्त हऐ ज़ाँव, के नाँसरत गाँव के सेजे यीशू पंण्मिश्वर के ढबे शे ही तुँओं लोगों कैई डेयाल़े थुऐ थिऐ।

प्रेरितो कै काम 20:34

तुँऐं लोग आपु भे जाँणों ऐ, के मुँऐं आप्णी अरह् आप्णें साथियों की जरूरत्त पुरी कर्णो खे आप्णें ईन ही हाथै काँम-काज़ करी थुऐ।

प्रेरितो कै काम 9:16

हाँव आपु तेस्खे बुलूबा, के तेसी मेरे नाँव के कारण केत्रा कष्ट भोगणाँ हंदा।”

रोमियों 14:18

जू कुँऐं ईयों रिती शी मसीया की सेवा करह्, तेसी पंणमिश्वर के भाँवऐं, अरह् आदमी मुँझी माँना-गिंणा ज़ाँव।

रोमियों 16:10

अरिस्तुबुलुस खे, जू मसीया दा साच्चा-पाका नींक्ल़ा, नमंष्कार। अरिस्तुबुलुस के घराने खे नमंष्कार।

रोमियों 3:5

ईन्देंखे जे अमाँरा पाप पंणमिश्वर के धार्मिक्त्ता दे:खाव, तअ मुँऐं आदमी के हिसाब शो बुली लो, के पंणमिश्वर अनियाँऐं कर्दें ने, जबे से आँमों खे सजा दियो?

रोमियों 5:8

परह् पंणमिश्वर आँमों गाशी आप्णे पियार के भलाऐ ऐशी दाँई पर्गट करह्, के जबे आँमें पापी ही थिऐ, तबे ही मसीया अमाँरी ताँईऐं मरे।

1 कुरिन्थियों 3:5

अपुल्लोस कुँण असो? अरह् पौलुस का असो? सिर्फ पंणमिश्वर के दास, जिनके जाँणें तुँऐं बिश्वाष करा, जैष्णी के सेवा कर्णो के जुम्मेबारी प्रभू ऐ आँमों खे दिती।

1 कुरिन्थियों 4:1

आदमी आँमों मसीया के दास अरह् पंणमिश्वर के भेद् के भडारी जाँणों।

1 कुरिन्थियों 9:11

तअ: जबे के आँमें तुँओं खे आत्त्मिक चींजो बऐ थई, तअ कियो ऐजी किऐ बड़ी बात असो, के आँमें तुँओं कैई शी अमाँरी शारीरिक जरूरतो पुरी कर्णी चाँव।

2 कुरिन्थियों 11:23

कियों सेही मसीया के दास असो; हाँव झाले को जैष्णों बुलू, हाँव तिन शा बड़ियों असो! जादा मेंह्नत्त कर्णो दा; बार-बार कय्द हंणों दा; कोड़े खाँणों दा; बार-बार मंऊँती के मुँहों दा;

2 कुरिन्थियों 11:27

मुँऐ कंऐयों रात्ती बीऊँजी रंऐयों; भूखे-पियासे रंऐयों, कंऐयों जुनों च़ूटी; शेल़ै-जाड़े ठीके खट्ंणों के बीना; बैजाऐ मेंह्नत करी, अरह् कंऐयों मुँषकिलो भुगत्ती।

2 कुरिन्थियों 11:9

अरह् जबे हाँव तुँवारी गईलो थिया, अरह् मेरे किऐ कम्मी पड़ी, तअ हाँव कोसी गाशी बोह्झ़ ने बंणी; किन्देंखे के बिश्वाषी भाऐं मकिदुनिया शे आऐयों मेरी कम्मी पुरी करह् थिऐ; अरह् मुँऐं हर बात दा आप्णा बोह्झ़ तुँओं गाशी ने पाई, अरह् ना कद्दी पाँदी।

2 कुरिन्थियों 12:10

ईन्देखे हाँव मसीया खे कंमजूरी दा, अरह् निदया दा, अरह् गरीबी दा, अरह् हारकुँण्जी दा, अरह् संकटो-असाँनीं दा खुशी असो; किन्देंखे के जबे हाँव कंंमजोर हंऊँ, तबे ही हाँव बलवाँन बंणू।

2 कुरिन्थियों 12:12

प्रभू यीशू के खास-चैले के जिऐं भे तुँओं मुँझी सात्त-भाँत्ते धीरज आरी चींन, अरह् चंम्तकार के काम, अरह् शक्त्ति के काम भे दे:खाऐं गुऐ।

2 कुरिन्थियों 2:17

किन्देंखे के आँमें ईनू भहीते जैष्णें ने आथी, जू पंण्मिश्वर के बचन दी मिलावट करह्; परह् मंन की सच्चाई शे अरह् पंण्मिश्वर की ढबे शे पंण्मिश्वर हाजिर जाँणियों मसीया दो बुलो।

2 कुरिन्थियों 3:6

जिन्ऐं आँमों नुऐं बाय्दे के दास बण्णों ज़ुगे भे करे, ऐजा बाय्दा ऋषी-मूसा खे भेटे गुऐ निय्म ने आथी, जैसी बाय्दे ना माँन्णों लई मंऊँत्त आँव; परह् पबित्र-आत्त्मा अमर-जीवन दियों।

2 कुरिन्थियों 4:17

किन्देखे के अमाँरा ऐगड़ी का दाँणिंक जिया कल़ेष आँमों खे बैजाऐ प्रभू यीशू के अरह् हमेशा की बड़ियाऐं पय्दा करदा ज़ाँव जिन्दें बरा-बरी ने करी ज़ादी;

2 कुरिन्थियों 4:2

परह् आँमें बै-शर्मी की अरह् चुप्पी की काँम-काज़ छ़ुड़ी दिती, ना चपलुसी शे चाल्दे, अरह् ना पंण्मिश्वर के बचन दी किऐं मिलावट कर्दे; परह् सच्चाऐ पर्गट करियों, पंण्मिश्वर के साम्णें ऐक नाँम आदमी के मंन दी आप्णी भलाऐ बईठाल़ो।

2 कुरिन्थियों 4:8

आँमें चौऊँ ढबे शे दु:ख-कल़ैष तअ भुगो ऐ, परह् संक्षटी दे ने पड़्दे; बिना ऊपाऐ के तअ असो ऐ, परह् निराष ने हंदी;

2 कुरिन्थियों 7:11

तुऐं दे:खी लो, की जुण्जा दु:ख पंण्मिश्वर की हिछ़्या शा तुऐं माँना; तैसी बद्ल़ाव लई, तुओं दी दे कै-तोड़ी हिम्मत्त पय्दा हऐ, आप्णी सफाई देंणों के पंराँव्णी, अरह् कैत्रा कुरोध, कैत्रा शंक, कैत्री हिच्छ़या! ऐतै ज़ुगी के आप्णें ऐसी मंस्लै दे, भे तुऐ हर ढंग शे बैकसूरबार हंणों का प्रमाँण दियों।

कुलुस्सियों 1:11

तिनके बड़ियाऐं के शक्त्ति के मुँताबिक शे हर तेरह् की तागत शे बलवाँन हंदे ज़ाव, ऐथै तोड़ी के खुशी आरी हर तरेह् शे सबैर, अरह् संह्ऐनशील्ता देखाऐं सको।

कुलुस्सियों 1:24

ऐबे हाँव तिनू दु:खो के जाँणें आँनन्द करू, जू हाँव तुँवारी ताँईऐं ऊठाऊँ; मसीया ऐ आप्णी देह्-शरीर मतल्व कलीसिया की ताँईऐं जू दु:ख भोगी थुवा, तिन्दी जुण्जी किऐ कंम्मीं-पैशी रंऐ रई, हाँव तियों आप्णी देह्-शरीर दी पुरी करूबा।

1 थिस्सलुनीकियों 3:7

ईन्देंखे हे भाऐ-बंईणों, आँमों भे आप्णे बादे दु:ख्ह, कल़ेष दी तुवाँरे बिश्वाष के जाँणें शाँण्त्ति भेंटी।

1 थिस्सलुनीकियों 5:14

हे भाऐ-बंईणों, आँमें तुँओं सम्झाओं के जू ठीक चाल ने चाल्दे तिनू सम्झाव; अरह् डराड़ो खे दीड़-हिम्मत दियों, कंमजोर संभाल़ो, सोभी आरी संय्नशिल्त्ता देखाव।

1 तीमुथियुस 2:15

परह् तिरंई खे नहाँन्ड़िया हंणों के कारण ही छ़ुट्कारा भेंट्दा, जे से होंष-सबैर आरी बिश्वाष, प्यार, अरह् पबित्रता दी अंट्ल़-पाक्कीं रंह्।

1 तीमुथियुस 4:6

जे तू कलीसिया के लोगों कैई शी ईनू बातो चित्ते कराँऐ, तअ तू मसीया यीशू का आछा दास बंणला; जेस्का पालण-पोष्ण, बिश्वाष के कारण, अरह् तेसी ही साच्ची शिक्क्षा के कारण हंला; जेसी तुँऐं माँनी थुवा।

1 तीमुथियुस 6:11

परह् हे पंण्मिश्वर के जंण, तू ईनू बातो शा भाग, अरह् धर्म, भगत्ति, बिश्वाष, प्यार, धीरज, अरह् नंरमाँऐं पाछी पड़।

2 तीमुथियुस 1:8

ईन्देंखे अमाँरे प्रभू के गुवाऐ-शाज़्त्त शे, अरह् मुँह शी जू तिनका कय्दी असो; सरमाऐं ने, परह् तेसी पंण्मिश्वर की शक्त्ति के मुँताबिक शी खुषख्बरी खे मेरी गईलो दु:ख्ह भोगणों खे मेरी गंईलो शामिल हऐ ज़ाव।

2 तीमुथियुस 2:24

किन्देंखे के प्रभू का दास-सेवक झोगड़ू ने हुआ चेंई, परह् से सोभी की गईलो, नंरम, अरह् शिक्क्षा देणों खे जाँणकार; अरह् संह्ऐनशील हुवा च़ेंई;

2 तीमुथियुस 4:5

परह् तू बादी बातो दा च़ौक्क्ष रूऐ, दु:ख संऐ पाऐ, अरह् खुषख्बरी का प्रचार के काँम-काज़ करे, अरह् जुण्जी सेवा ताँव कैई देऐ थऐ, तियों सेवा तू पुरी करे।

इब्रानियों 12:1

ईन्देंखे जबे अमाँरे चोंऊँ ढंबै गुवाह्-शाज़्त्त का ऐक बोड़ो बाद्ल़ जियों छ़ाँऐ रूओं; तअ आँमें भे रूकाव्ट देंणों वाल़ी चींज अरह् ऊल़्झ़ाँणों वाले पाप दूर करियों, सेजी दोऊँड़ जिन्दें अमाँरे दोऊँड़्णो ऐ तिन्दे आँमें धिरज शे दोऊँड़ो।

प्रकाशितवाक्य 1:9

हाँव यूहन्ना, जू तुवाँरा भाऐ अरह् प्रभू यीशू के कल़ेष अरह् राज्य अरह् धीरज दा तुवाँरा साजी असो, पंण्मिश्वर के बचन अरह् प्रभू यीशू की गुवाऐ-शाज़्त्त के कारण हाँव पतमुस नाँव के टापू दा थिया।

प्रकाशितवाक्य 3:10

तुँऐं मेरे धीरज के बचन थाँबी थुऐ, ईन्देंखे हाँव भे ताँव र्पख्णों के बख्त्ते बंचाऐयों थंऊँबा, जू धर्ती गाशी रंहणों वाल़े र्पखोंदा अरह् बादी संईसारी गाशी आँणों वाल़ा असो।