2 कुरिन्थियों 6:13 - Sirmouri

¹³ परह् आप्णें नहाँन्ड़िया जाँणियों तुँओं खे बुलू, के तुँऐं भे ईन्दें के बद्ल़े आप्णा मंन खुली दियों।

सिरमौरी नौवाँ नियम

¹³ पौरौ आपणै नानड़िया जाणैयौ तुऔं खै बुलू, कै तिथकै बौदलै तुऐं बै आपणै पूरै दिल शै प्यार कौरदै रौव।

2 कुरिन्थियों 6:13 ပူးပေါင်းရင်းမြစ်များ

मरकुस 11:24

ईन्देंखे हाँव तुँओं खे बुलू, के जू किऐ तुँऐं प्रार्थना करियों माँगो, अरह् बिश्वाष करह्, के जुण्जो हाँव बुलबा सेजो ही हंदो, तअ तेस्खे तेष्णों ही हलो।

गलातियौं 4:12

हे भाऐ बंईणों, हाँव तुँओं शी ढाल-अरज करू; के तुँऐं भे मुँह जैष्णे बंणों, अरह् हाँव भे तुवाँरे जेष्णाँ बंणी रूवा; हाँव ऐजी ढाल-अरज करू, परह् तुँऐं मेरो किऐं ने खुऐ थई।

गलातियौं 4:19

हे मेरे नहाँन्ड़िया! जाँव तोड़ी तुँऐं मसीया का रूप जिया ने बणे, ताँव-तोड़ी मुँऐं सुणों की जेई पिड़ो सह्ऐ लई।

1 थिस्सलुनीकियों 2:11

तुँऐं जाँणो ऐ के बाबा केष्णाँ आप्णे नहाँन्ड़िया की गईलो बरताव करह्, तेष्णा ही आँमें भे तुँओं मुँझ्षा, ऐकी नाँम खे शिक्क्षा दियों, अरह् शाँण्ति देंदे सम्झाँव थिऐ

1 यूहन्ना 2:1

मेरे प्यारे नहाँन्ड़िया, हाँव ऐजी बातो तुँओं खे ईन्देंखे लिखू, के तुँऐं पाप ने करह्; अरह् जे कुँऐं किऐ पाप करह्, तअ स्वर्गो के परमं-पिता पंण्मिश्वर के साम्णें अमाँरे पापो शा बचाव कर्णो वाल़ा ऐक असो; अरह् सेजा असो धर्मी प्रभू यीशू मसीया।

1 यूहन्ना 3:18

हे प्यारे नहाँन्ड़िया, अमाँरे पियार ज़ात्ती शो बुल़्णों लई ने; परह् अमाँरे कर्मो अरह् सच्चाई दो असो।

1 यूहन्ना 3:7

हे प्यारे नहाँन्ड़िया, कुँऐं तुँओं सच्चाई की बाटो शे भट्काऐ ने दियों; किन्देंखे के धरमाँत्त्मा सेजा ही असो, जैस्की चाल-ढाल ठीक हों; जैष्णें प्रभू यीशू मसीया धरमाँत्त्मा असो।

3 यूहन्ना 1:4

मेरे ईन्दें शी बड़ी किऐ खुशी ने आथी, के हाँव ऐजो शुणू, के मेरे नहाँन्ड़िया सच्चाई दे चालो।