2 कुरिन्थियों 5:14 - Sirmouri

¹⁴ किन्देंखे के मसीया को पियार आँमों मजबूर-बै-बस करी दियों; ईन्देंखे के आँमें ऐजो जाँणों के जबे ऐक सोभी की ताँईऐं मरे, तअ बादे मरी गुऐ।

सिरमौरी नौवाँ नियम

¹⁴ जिथुकै मसीह का प्यार आमुखै मोजबूर कौरे दैंव; इथकारिए कै आमु ऐजा पौता औसौ, कै ऐक आदमी सौबी लोगौ कै खातिर मौरे गौआ, इथकारिए सौबै लोग मौरे गौवै।

2 कुरिन्थियों 5:14 ပူးပေါင်းရင်းမြစ်များ

मत्ती 20:28

ठीक तेष्णा के आदमी का बैटा; ईथै ईन्देंखे ने आई, के आप्णीं सेवा कराँव; परह् से ईन्देखे आया, के सेवा करह्, अरह् भहिते लोग छुड़ोणों की ताईऐ आप्णा जीवन पराँण भे बल़ीदाँण करी दियों।”

लूका 15:24

किन्देंखे के मेरा ऐजा बैटा मंरी जिया रूवा थिया, ऐ पाऐ रूवा थिया; परह् ऐबे हजो पाछू भेटी गुवा, अरह् से आँनन्द-खुशी मंनाँदे लागें।’

लूका 15:32

परह् ऐबे खुशी मनाँणी पड़ो, किन्देंखे के तेरा काँण्छा भाऐ जू अमाँरी लेख्हे मंरी जिया रूवा थिया; परह् ऐ ऐबे जीऊँदा असो, जू पाँऐ रूवा थिया, से आँमों पाछू भेंटी गुवा।’”

लूका 24:29

परह् तिनू चैले ऐं तेसी बटाऊँ खे बुलो, के “आँमों आरी ईथी रंह्; किन्देंखे के ऐबे तअ संन्ध पड़ी रंऐ, ऐबे देस तअ ऊछाँऐ रूओं; तबे प्रभू यीशू तिनकी गईलो, तेसी घरह् दे भिटे हुटे।

यूहन्ना 1:29

दुज़ै देसे संत्त-यूहन्ना नहाँण-कराँणों वाल़े ऐ प्रभू यीशू आप्णे ढबे आँदे देखियों बुलो, “देखो, ऐजा पंण्मिश्वर का छैल़्टा असो; जुण्जा संईसारी के पाप टीपियों नींह्दा।

यूहन्ना 11:25

प्रभू यीशू ऐ बुलो, “दुज़ाल़िऐं ऊबो जीऊँणों अरह् जीवन ‘हाँव’ ही असो; जुण्जा कुँऐं मुँह गाशी बिश्वाष करला, सेजा मँर्णो गाशी भे जीऊँदी रंह्दा।

यूहन्ना 5:25

“हाँव तुँओं खे ऐक खास बात बुलू: के सेजा बख्त्त आँदा लागा, परह् आऐ गुवा; जबे मँरे अँदे लोग पंण्मिश्वर के बैटे की धाव शुँण्ल़े; अरह् जुण्जे सेजी धाव शुँण्ले, तिनखे जीवन भेट्ला।

प्रेरितो कै काम 18:5

जबे सीलास अरह् तीमुथियुस मकीदुनिया शे आऐ, तबे संत्त-पौलुस बचन शुँणाँणों की लगंन दा यहूदियों खे गुवाऐ-शाज़्त्त देंदा लागा, के यीशू ही मसीया असो।

रोमियों 2:2

आँमें जाँणों ऐं, के ऐष्णी-ऐष्णी काँम-काज़ कर्णो वाल़े, गाशी पंणमिश्वर की ढबे शी सही-सही सजा की अज्ञाँ भेटो।

रोमियों 5:15

परह् जेष्णी अपराध की दषा असो, तेष्णी कृपा के बर्दांण के दषा ने आथी, किन्देंखे के जबे ऐकी आदमी के अपराध के जाँणें बैजाऐ आदमी मरे; तअ पंणमिश्वर की कृपा अरह् जुण्जा दाँण ऐक आदमी खे, मतल्व यीशू मसीया की कृपा शा हुआ; से बैजाऐ लोगो गाशी जरूरी ही बैजाऐ हुआ।

रोमियों 6:13

तुँऐं आप्णी देह्-शरीर के अंग अ-धर्म की सेवा कर्णो खे पाप खे ने दिऐ, परह् तुँऐं आपु खे मरे अंदे मुँझ्शा जीऊँदा जाँणियों पंणमिश्वर खे देऐ दियों, अरह् आप्णें अंग पंणमिश्वर की नंजरी दे आछे काँम-काज़ की सेवा कर्णो खे देऐ दियों।

रोमियों 6:6

आँमें जाँणोंऐं, के अमाँरा पुराँणा सभाव तिनू आरी शुँल़ी-फ़ाँशी चढ़ाऐ पाँया, जू आँमें पाप के बष दे ने रंह्;

1 कुरिन्थियों 16:22

जे कुँऐं प्रभू शो पियार ने करह्, तअ से निर्भाग असो। हे अमाँरे प्रभू आव!

1 कुरिन्थियों 2:14

परह् बै-बिश्वाषी लोग पंणमिश्वर की आत्त्मा की बातो माँन्दें ने; किन्देंखे के सेजी बातो तिन के नंजरी दी बै-कार असो, अरह् ना तिनके सेजी बातो संम्झ आँदी किन्देंखे के सेजी बातो पबित्र-आत्त्मा की शक्त्ति शी ही सम्झ दी आँव।

2 कुरिन्थियों 3:7

जे मंऊँत्ती का सेजा बाय्दा जिन्दे के अक्षर पाथरो गाशी छ़िण्याँऐयों लिखी थुऐ थिऐ, से ऐते ज़ुगे चंम्कोंदे लागे, के ऋषी-मूसा के मुँहों का त्तेज-चंम्क जू घट्दी रंह थी, ऐते ज़ुगी के इस्राएली लोग ऋषी-मूसा के मुँहों की ढबे झ़ैठ भे पाँऐ ने सको थिऐ,

2 कुरिन्थियों 3:9

किन्देंखे के जबे दुषी बंणाँणों वाल़ा बाय्दा प्रकाषमाँन हों, तअ पंण्मिश्वर की नंजरी दा बै-कसूर बाँण्णों वाल़ा बाय्दा तिन्दें शा भे जादा प्रचंन्ड प्रकाषमाँन हंदी ने?

गलातियौं 2:20

किन्देंखे के मुँह मसीया की गईलो शुँल़ी-फ़ाँशी चड़ाया गुआ, परह् ऐबे हाँव जीऊँदी ने आथी, परह् मसीया मुँह्दें जीऊँदी असो; अरह् हाँव देह्-शरीर दा ऐबे जू जीऊँदा असो, तअ सिर्फ तेसी बिश्वाष दा जीऊँदा असो; जू पंण्मिश्वर के बैटे गाशी असो, जिन्ऐं मुँह शो पियार करह्; अरह् मेरी ताँईऐं आप्णी जीयाँन दिती।

इफिसियों 6:24

जुण्जा कुँऐ अमाँरे प्रभू यीशू मसीया शो साच्चो प्यार करह्, तिनू सोभी गाशी अपरंम-पार कृपा हंदी रंह्।

कुलुस्सियों 2:13

पंण्मिश्वर तुँओं भे, जू आप्णे देह्-शरीर के खतना के बिना मँरे अँदे जिऐ थिऐं, तिन्ऐं अमाँरे बादे पाप माँफ़ करियों तुँओं भे मसीया आरी ऊबे जीयाल़ी दिते।

कुलुस्सियों 3:3

किन्देंखे के तुँऐं तअ मँरी गऐ थिऐ, अरह् तुवाँरा जीवन मसीया आरी पंण्मिश्वर दा छुपा अंदा असो।

1 तीमुथियुस 2:6

जिन्ऐं आपु आप्खे सोभी की ताँईऐं छुट्कारा दियाणों खे आप्णाँ ही बंल़ीदाँण करी दिता, जू पंण्मिश्वर के गुवाह्-शाज़्त्त ठीक बख्तो दे देऐ ज़ाव।

1 तीमुथियुस 5:6

परह् जुण्जी बिध्वा भोग-बिलास दे पढ़ी गऐ, से जीऊँदी हंऐयों भे मँरी गंऐ।

तीतुस 3:3

किन्देंखे के आगे आँमें भे बै-अक्ले, अरह् अज्ञाँ ने माँनणों वाल़े थिऐ, धोखे अरह् ऊकी हिछ़या की सूख-विलास के कर्जदार थिऐ, बईर भाव, अरह् डाह-जल़ंन कर्णो दा जीवन बिताँव थिऐ, अरह् ओकी दे शंगाँव थिऐ, अरह् ओकी शो बईर करह् थिऐ।

इब्रानियों 2:9

परह् आँमें प्रभू यीशू जू स्वर्गोदूत्तों शे किऐ दाँणिक बख्त्तो खे ही कंम्म करे गुऐ थिऐ, मऊँती के दु:ख भुगणों के कारण बड़ियाऐं अरह् आदर-ईज्जत्त को मुँकुट-ताज लाव अंदो देखो; जू पंण्मिश्वर की कृपा शे से ऐक नाँम आदमी की ताँईऐ तियों मऊँत्ति का स्वाद भे चाखीं पाँव।

इब्रानियों 6:10

किन्देंखे के पंण्मिश्वर अनियाँऐ कर्णो वाल़े ने आथी, के तुँवारी काँम-काज़, अरह् सेजो प्यार बिसरी ज़ाव, जुण्जो तुँऐं तिनके नाँव शो ऐशो ढंग शो देखाव, के पबित्र लोगो की सेवा करी, अरह् हजो भे सेवा करी लऐ।

1 पतरस 1:8

तिनशो तुँऐं बिना दे:खी भे पियार करह्, अरह् ऐबे तअ तिनू गाशी बिना दे:खी भे बिश्वाष करियों ऐशे खुशी अरह् मंगन हों, जिन्दे का किऐं बखाँण ने करा ज़ाँव; अरह् से बड़ियाऐ शा भरा अंदा असो;

1 यूहन्ना 5:19

आँमें जाणो ऐ, के आँमें पंण्मिश्वर के असो; अरह् बादी संईसारी तैसी शैतान के बष दी असो।