2 कुरिन्थियों 5:11 - Sirmouri

¹¹ ईन्देंखे प्रभू के डरे, आँमें लोग सम्झाव; परह् पंण्मिश्वर कैई अमाँरे हाल का पता असो, अरह् मेरा भूर्षा ऐजा असो, के तुवाँरे मंन दा भे पर्गट हुआ चैई।

सिरमौरी नौवाँ नियम

¹¹ इथकारिए प्रभु का डौर मानैयौ आमु सौचाई पांदी बिशवाश कौरणौ कारिए बिन्ती कौरु औरौ पौरमेशवर जाणौए कै आमु सौथीखै का औसौ; औरौ मैरै आशा ऐजै औसौ, कै तुऐं आपणै दिल शै आमुखै सौथीखै जाणौ।

2 कुरिन्थियों 5:11 ပူးပေါင်းရင်းမြစ်များ

मत्ती 10:28

तेस्दे ने डरे, जुण्जा देह्-शरीर मारो, परह् तेस्दे डरे, जुण्जा आत्त्मा अरह् देह्-शरीर दुईनें नंरक दे नष्ट करी सको।

मत्ती 25:46

ऐजे बादे हमेशा की सजा ज़ूगै असो, परह् धर्मी लोग अमर-जीवन दे दाखिल हंदे।”

लूका 12:5

परह् हाँव तुँओं खे चिताऐयों बुलू, के कस्दो डोर्णो पड़ो; तैस्दे डरे, जेस कैई तुओं माँरियों नंरक दे पाँणों का हंक-अ-धिकार असो; होर, हाँव तुओं खे बुलू, के तेस्दे ही डरे।

लूका 16:31

परह् बाबा अब्राहम ऐ तैस्खे बुलो, ‘जबे से ऋषी मूसा, अरह् ओकी ऋषियों की ने शुँण्दें; तअ जे कुँऐं मंरे अंदे मुँझ्शा जीऊँदा हला; तअ से तैस्की भे शुँण्दी ने।’”

प्रेरितो कै काम 13:43

जबे सेजी खुम्ल़ी ओष्ड़ी गऐ, तअ बैजाऐ गऐर यूहदी लोग जुण्जे के यहूदी मंत्त दे नुँऐ आऐ रूऐ थिऐ; से संत्त-पौलुस, अरह् बरनबास पाछ़ी हुटे; तबे तिन्ऐ तिनू लोगो आरी बात करी, अरह् तिन शी ऐजी अरज करी; के तुऐं पंण्मिश्वर की कृपा दे बँणें अँदे रूऐ।

प्रेरितो कै काम 18:13

“ऐजा आदमी पंण्मिश्वर के ऐशी आरार्धना कर्णो का निय्म शिखाँव, जुण्जा ऋषी मूसा खे भेटे गुऐ अज्ञाँ निय्म के बिरूध दे असो।”

प्रेरितो कै काम 18:4

संत्त-पौलुस हर ऐक बिषाँव के देसे यहूदी च़ौत्रें दा बाद-बिबाद करह् थिया; अरह् यहूदियों अरह् यूनानियों के बादे लोग बिषाँव के देसे शंक दूर कर्णो खे सहम्झाँव थिया।

प्रेरितो कै काम 19:26

अरह् तुँऐं ऐजो देखी, शुँणीं लो, के ऐने पौलुस ऐ सिर्फ इफिसुस आसिया दे लोग संहम्झाऐ-बुझाऐयों बैजाऐ बंह्काऐ-दुरताऐ दिते; के हाथ के बंणाँऐ अंदे देव्ता, कंद्दी देव्ता ने हंदे।

प्रेरितो कै काम 26:26

राजा अग्रिपा! कैई ईनू सोभी बातो की जाँण कारी असो, ईन्देंखे ईनके सहाँम्णें नीडर हऐयों मुँऐ बूली लों; मुँह कैई ऐजा पता असो, के ईनू सोभी बातों का महाँराज कैई पता असो; किन्देंखे के ऐजी घट्णाँ केथी ईनाँरे दी ने घटी रंई।

प्रेरितो कै काम 28:23

तबे: यहूदियों ऐ संत्त-पौलुस की गईलो ऐक देस बंईठणों खे पाक्को करो, अरह् बैजाऐ लोग कंट्ठै हुऐ; अरह् तबे संत्त-पौलुस झ़ीषों शा पुंडा फ़ीरे तोड़ी तिनू आरी बात-चींत्त करदा रूवा; अरह् पंण्मिश्वर के राज्य के बारे दी आप्णीं गुवाऐ-शाज़्त्त देंदे रूवा; अरह् ऋषी मूसा खे भेटे गुऐ अज्ञाँ निय्म, अरह् ऋषियों के पबित्र-ग्रन्थों के मुँताबिक तिन कैई प्रभू यीशू के बारे दे संहम्झाँणों की कोशिष करदा रूवा।

2 कुरिन्थियों 2:17

किन्देंखे के आँमें ईनू भहीते जैष्णें ने आथी, जू पंण्मिश्वर के बचन दी मिलावट करह्; परह् मंन की सच्चाई शे अरह् पंण्मिश्वर की ढबे शे पंण्मिश्वर हाजिर जाँणियों मसीया दो बुलो।

2 कुरिन्थियों 5:20

ईन्देंखे आँमें मसीया के राज-दूत्त असो; सम्झों पंण्मिश्वर अमाँरे जाँणें बिन्नती करी लऐ। आँमें मसीया की ढबे शी बिन्नती करह्, के पंण्मिश्वर की गईलो मेल-मिलाप करी पाव।

2 कुरिन्थियों 6:1

आँमें जू पंण्मिश्वर के साजी असो, ऐजो भे सम्झों ऐ, के तिन्की कृपा जू तुँओं गाशी हऐ, तियों बै-कार ने ज़ाणों दियों

गलातियौं 1:10

कियों ईन्दें लई तुवाँरे ऐशो जाँणियों, के हाँव आदमी की सहाऐता चहाँऊ? के ऐजो, के मुँह पंण्मिश्वर के सहाऐता भेटी चेंई? के हाँव आदमी खुशी कर्णें चहाऊँ? परह् जे हाँव आदमी खुशी करदा तअ हाँव मसीया के दास जेष्णाँ ने हंदा।

इफिसियों 5:21

मसीया के आदर-ईज्जत दे ओका ओकी के बंष दे रंह्।

इब्रानियों 10:31

जीऊँदे पंण्मिश्वर के हाथो थाई पढ़णों बैजाऐ डराव्णी बात असो।

इब्रानियों 12:29

किन्देंखे के अमाँरा पंण्मिश्वर भसंस्म कर्णो वाल़ी आग जेष्णाँ असो।

यहूदा 1:23

अरह् भहीते लोग आगी मुझ्शे नीकाल़ियों बंचाऐ दियों, परह् प्रभू के डर-भऐ दे रह्दें, दया-रंय्म कर्दे चौक्क्ष रंह्, ऐथै तोड़ी के देह्-शरीर के ज़ाँणें कंल़न्कित खोट्णों दे शंगाऐ ज़ाव, जू तुँओं दा दाग ने लागो।

प्रकाशितवाक्य 20:15

अरह् जेसी कोसी को नाँव जीवन की कताबे दो लिखों अंदो ने भेंटी, तेसी तियों ही आगी की झ़ील दा पाऐ दिता।