2 कुरिन्थियों 4:8 - Sirmouri

⁸ आँमें चौऊँ ढबे शे दु:ख-कल़ैष तअ भुगो ऐ, परह् संक्षटी दे ने पड़्दे; बिना ऊपाऐ के तअ असो ऐ, परह् निराष ने हंदी;

सिरमौरी नौवाँ नियम

⁸ आमु सौबी पौरैशानी लैई घैरैयौंदे औसौ, पौरौ कौलोंई हार ना मानु। आमै पौरैशान तौ रोऊंए, पौरौ कौलोंई निराश ना होऊं।

2 कुरिन्थियों 4:8 ပူးပေါင်းရင်းမြစ်များ

यूहन्ना 14:18

हाँव तुँओं अनाँथ ने छुड़्दी; हाँव हजो तुँओं कैई पाछ़ू आँदा लागा।

1 कुरिन्थियों 10:13

कुऐं ऐशी परख तुँओं गाशी ने पढ़ो, जुण्जी सोभी खे ऐक भाँत्ती ने हों, पंणमिश्वर बिश्वाष ज़ूगै असो; से तुँओं कोसी ऐशी परख दे ने पढ़णों दियों, जुण्जी परख तुँवारी सहणों जूगी ने हों, परह् से परख आरी तिन्दा का ऊपाया भे कर्दे; जू तुऐं सह्ऐन करी सको।

2 कुरिन्थियों 12:10

ईन्देखे हाँव मसीया खे कंमजूरी दा, अरह् निदया दा, अरह् गरीबी दा, अरह् हारकुँण्जी दा, अरह् संकटो-असाँनीं दा खुशी असो; किन्देंखे के जबे हाँव कंंमजोर हंऊँ, तबे ही हाँव बलवाँन बंणू।

2 कुरिन्थियों 6:12

तुँओं खे अमाँरे मंन दा किऐ खोट ने आथी, परह् तुवाँरे ही मंन दा खोट असो।

2 कुरिन्थियों 6:4

परह् हर बातो दे पंण्मिश्वर के दासो की जिऐ आप्णें आछे गुण पर्गट करह्, बैजाऐ सबेर शे कल़ेष दे गरीब दे, कष्टो दे,

2 कुरिन्थियों 7:5

किन्देंखे के जबे आँमें मकिदुनिया दे आऐ थिऐ, तबे भे आँमों बिषाँव ने भेटी, परह् आँमें चौऊँ ढबे शे कल़ेष भेटै; बाऐर झगड़े थिऐं अरह् भितर भयानंक बातो थी।

गलातियौं 4:20

मेरी हिछ़या तअ ऐजी असो, के ऐबे हाँव तुँओं कैई आऐयों; परह् कई किस्म की बातो बुलू, किन्देंखे के हाँव तुँवारी बारे दा ऊल़झण दा असो; के ऐबे का करह् ज़ाँव।