2 कुरिन्थियों 2:14 - Sirmouri

¹⁴ परह् पंण्मिश्वर का धन्यबाद हों, जू मसीया दी सदा आँमों खे जय की खुशी दे नियों फिरह्, अरह् आप्णें ज्ञाँन की खुष्बू अमाँरे जाँणें ढिक्को हर जागे दी फईलाऐ दियो।

सिरमौरी नौवाँ नियम

¹⁴ पौरमेशवर का धन्यवाद हौं, जू मसीह कै साथै अमारै सौमबंध कै बौजैह बौणौ, सै हमैशा अमारै साथै जांव औरौ आमु जीत दियांव। इथका मतलब औसौ कै आमु जिथै बै जोऊं, आमै सुसमाचार का ऐलान कौरु ताकि सौबै लोग पौरमेशवर कै जाणौ औरौ शुणौ।

2 कुरिन्थियों 2:14 ပူးပေါင်းရင်းမြစ်များ

यूहन्ना 16:33

मुँऐं तुओं कैई ऐजो सब-कुछ़ ईन्देंखे बुलो, के तुँओं शाँण्त्ति भेटो; किन्देंखे के संईसारी दे तुओं खे सिर्फ दु:ख्ह अरह् कल़ेष असो; परह् आँनन्दित्त खुशी हुऐ, के मुँह संईसारी गाशी जींत्त भेंटी रंऐ।”

रोमियों 1:8

सोभी शा आगे हाँव तुँओं सोभी खे यीशू मसीया के जाँणें आप्णे पंणमिश्वर का धन्यबाद करू, किन्देंखे के तुवाँरे बिश्वाष के चर्चा बादी संईसारी दी हऐ रंऐ।

रोमियों 15:19

अरह् चींन-निशाँणी अरह् बड़े काँम-काज़ की शक्त्ति शी अरह् पबित्र-आत्त्मा की शक्त्ति शी मेरे जाँणें करी; ऐतै ज़ूगी के मुँऐ यरूशलेम शी ऊँडी चौऊँँ ढबे इल्लुरिकुम तोड़ी मसीया की खुषख्बरी का पुरा-पुरा प्रचार करा।

रोमियों 6:17

परह् पंणमिश्वर का धन्यबाद हों, के तुँऐं जू पाप के दास थिऐ, तबे भे ऐबे मंन शे तियों शिक्क्षा के माँन्णों वाल़े हऐ गुऐ, जुण्जी सही शिक्क्षा-मंत्त-शीख दे तुँओं चलाऐ गुऐ;

रोमियों 8:37

परह् ईनू बादी बातो दे आँमें तेसके जाँणें जिन्ऐं आँमों शो पियाँर करी थो; जिनके जाँणें आँमें ऐक शुभाल़ी-जींत्त दे जीत्त्दें लागे।

1 कुरिन्थियों 12:8

जैष्णी के ऐकी खे पबित्र-आत्त्मा के जाँणें बुद्धी की बातो देंई, अरह् ओकी खे तियों ही पबित्र-आत्त्मा के जाँणें ज्ञाँन की बातो देई ज़ाँव।

1 कुरिन्थियों 15:37

अरह् जू तू बोऐ ज़ाँव, से सेजी देह्-शरीर ने आथी, जू पय्दा हंणों वाल़ी असो, परह् से ऐक नाँजों को गुल़टू हों, भाँव गींऊँ को भाव कोसी ओकी नाँजो के हों।

1 कुरिन्थियों 15:57

परह् पंणमिश्वर का धन्यबाद हों, जू अमाँरे प्रभू यीशू मसीया के जाँणें आँमों जींताँव भेटा।

2 कुरिन्थियों 1:11

तुँऐं भे मीलियों प्रार्थना के जाँणें अमाँरी सहाय्ता कर्दे, के जू बर्दांण भहीते के जाँणें आँमों भेटा, तिन्दे के जाँणें बैजाऐ लोग अमाँरी ढबे शा पंण्मिश्वर का धन्यबाद करह्।

2 कुरिन्थियों 8:16

पंण्मिश्वर का धन्यबाद हों, जिन्ऐं सेजा होंस्ला तीतुस के सासो दा पाऐ थिया।

2 कुरिन्थियों 9:15

पंण्मिश्वर का, तिनके तेसी दाँण खे जिन्दें का बखाँण ने हऐ सक्दा। धन्यबाद हों।

इफिसियों 5:2

प्यार की बाटो दे चालो, जेष्णों मसीया ऐ तुँओं आरी प्यार कोरो, अरह् आच्छ़ी खुष्बू बणियों आपु अमाँरी ताँईऐं पंण्मिश्वर के साम्णिऐं भेंट बंणियों बल़ीदाँण करी दियों।

इफिसियों 5:20

अरह् सदा बादी बातो खे अमाँरे प्रभू यीशू मसीया के नाँव शे पंण्मिश्वर का धन्यबाद कर्दे रंह्।

फिलिप्पियों 4:18

मुँह कैई सब-कुछ असो, परह् बैजाऐ भे असो, जुण्जी चींजो तुँऐं भाई-इपफ्रुदीतुस कैई डियाल़ी थी, तिनू भेंटियों हाँव छ़क्की गुआ, से तअ सु:खदाय्क खुशबू-दार बंल़ीदाँण असो; जू पंण्मिश्वर के आछ़ा लागो।

कुलुस्सियों 1:23

तुँओं बिश्वाष दे पाक्के अरह् अट्ल बंणों अंदो रहणों पड़ो, जू तुँओं खे खुषख्बरी के जाँणें देऐ गऐ, सेजी खुषख्बरी अस्माँनों थाईली बादी संईसारी खे शुँणाऐं गऐ, अरह् हाँव पौलुस तिनका सेवक-दास असो।

कुलुस्सियों 1:6

जू तुँओं कैई पऐची रूआ, अरह् जेष्णाँ संईसारी दा भे फल़ लेआँव अरह् से बढ़दा ज़ाँव, तेष्णा ही जेस देसो शे तुँऐं तेसी बचन शुँणा अरह् सच्चाई शी पंण्मिश्वर की कृपा जाँणी, अरह् सोत्तिखे सम्झ़ी पाऐ।

कुलुस्सियों 2:15

अरह् पंण्मिश्वर ऐं हाकमों अरह् अधिकारियों लोग खाली करियों, तिनू आप्णीं जीत्त की खुशी दे खुल्म-खुलै हंस्णों खे करी दित्ते।

1 थिस्सलुनीकियों 1:8

किन्देंखे के तुवाँरे कागी शा ना के मकीदुनिया अरह् अख़ेया दा प्रभू का बचन शुँणाँया गुआ, परह् तुवाँरा बिश्वाष की जू पंण्मिश्वर गाशी असो, ढिको ऐजी ही चर्चा फऐली गऐ, के आँमों बुल्णों के जरूरत ही ने हई।

1 थिस्सलुनीकियों 3:9

अरह् जेष्णी खुशी आँमों तुवाँरें जाँणें आप्णे पंण्मिश्वर के सहाँम्णें असो, तिन्दे के बद्ल़े केशा दाँई आँमें तुवाँरें बारे दा पंण्मिश्वर का धन्यबाद करह्?

1 तीमुथियुस 2:8

ईन्देंखे हाँव ऐशो चहाऊँ, के ढीको मरोद्, बिना घीपी अरह् बिना बाद-बिबाद के आप्णें पबित्र हाथ खह्ड़े करियों प्रार्थना करिया करह्।

2 तीमुथियुस 2:2

अरह् जू बातो तुँऐं भहीते गुवाह्-शाज़्त्त के सहाँम्णें मुँह कैई शी शुँणी थई, तिनू बातो तेसी ईमाँनदार बिश्वाषी भाई कैई दे; जू ओकी कैई शे भे शिखाँणों ज़ूगा हों।

प्रकाशितवाक्य 7:12

“आमीन! अमाँरें पंण्मिश्वर के स्तुति अरह् बड़ियाऐं अरह् ज्ञाँन अरह् धन्यबाद अरह् आदर अरह् पराकर्म अरह् शक्त्ति ज़ूगौ-ज़ूगौ तोड़ी बंणी रंह्। आमीन!”