2 कुरिन्थियों 13:5 - Sirmouri

⁵ आपु-आप्खे जाँच्चो-पर्खो के तुँऐं बिश्वाष दे असो ऐ के आथी ने। आपु-आप्खे जाँच्चो-पर्खो। कियो तुँऐं आप्णें बारे दो ऐजो जाँण्दें ने, के यीशू मसीया तुँओं दे असो? ना तअ तुँऐं जाँच्च-परख दे नि-काँम्में निक्ल़ी रूऐ।

सिरमौरी नौवाँ नियम

⁵ आपी खै पोरखौ, कै बिशवाश दै औसौए कै ना; आपी खै पोरखौ, ऐजौ दैखणौ कारिए कै तोंवारा बिशवाश साचा औसौए कै ना, का तुऐं आपणै बारै मुंजी ऐजौ ना जाणौ, कै यीशु मसीह तुऔं दा औसौए? नही तौ तुऐं बैकार निकल़ै रौवै।

2 कुरिन्थियों 13:5 ပူးပေါင်းရင်းမြစ်များ

यूहन्ना 14:23

प्रभू यीशू ऐ तेस्खे जबाब दिता, “जुण्जा कुँऐं मुँह आरी प्यार करला, से मेरे बचन का पाल़्ण करदा; अरह् मेरा बाबा तेसी आरी प्यार करदा, अरह् आँमें तेसी कैई आऐयों तेस्की गंईलो रंह्ऊँबे।

यूहन्ना 15:4

तुँऐं मुँह्दे पाक्कै बंणें अँदे रंह्, तअ हाँव तुँओं दा बसा अँदा रँह्ऊबा; किन्देंखे के जे बाली-शाँऐं डाल़ी दी ने जुड़ी अंदी रँह्दी, तअ तिन्दे किऐ भे फल़ ने लागी सक्दे; तेष्णें ही जे तुऐं भे मुँह्दे जुड़े अँदे ने रँह्, तअ तुओं दे भे किऐ फल़ ने लागी सँक्दे।

यूहन्ना 17:23

तुऐं मुँह्दे, अरह् हाँव तिनदा, जू से पुरे ढंग शे ऐक हंऐ ज़ाँव; जिन्दें लई ईयों संईसारी दो ऐजो साफ़ हंऐ ज़ाँव, के तुऐं ही मुँह डेयाल़ी थुवा थिया; अरह् तुऐं ईनू आरी भे तेष्णों ही प्यार करह्, जेष्णों प्यार तुऐं मुँह आरी करह्।

यूहन्ना 17:26

मुँऐ तुओं तिनू गाशी पर्गट करी पाऐ, अरह् पर्गट करदा रंह्ऊँबा; के जेसी प्यार शो तुऐं मुँह आरी प्यार करी थों, तेष्णों ही प्यार तिन मुँझीं भे बंसी ज़ाँव, अरह् हाँव भे तिन दा बास करू।”

यूहन्ना 6:56

अरह् जुण्जा मेरी देह्-शरीर खाँव, अरह् मेरो लह्ऊँ पीयों, से सदा मुँदा बास करदा, अरह् हाँव तेस्दा बसा अंदा रंह्दा।

यूहन्ना 6:6

प्रभू यीशू ऐ फिलिप्पुस पर्ख्णों खे ऐजी बात बुली, किन्देंखे के से ऐजो जाँणों थिऐ, के से का कर्णो वाल़े असो।

रोमियों 1:28

जबे तिन्ऐ पंणमिश्वर पछयाँण्णा ने चहाँई, तअ पंणमिश्वर भे तिनू तिन्के निंकाँमें-बुरे मंन गाशी छुड़ी दिते, के से सेजे काँम-काज़ करह्, जुण्जी कर्णी ने पड़ो थी।

रोमियों 8:10

पाप के जाँणें तुवाँरा देह्-शरीर मंरा अंदा असो; तबे भे मसीया तुँओं दा बास करह्, जे मसीया तुँओं दा बास करह्; तअ तुँऐं पंणमिश्वर की नंजरी दे बै-कसूर बंण्णों के जाँणें जींऊँदे असो।

1 कुरिन्थियों 11:28

ईन्देंखे जे कुँऐ भे आदमी तिरंऐ, के मंरोद् ऐजी रोटी खाँव; के तेसी बैलुऐ शो पीयों; तअ से आगें आप्णी जाँच परख आपु करह्।

1 कुरिन्थियों 11:31

जे आँमें आप्णी परख आपु कर्दे तअ आँमें ऐजी सजा ने पाँदे।

1 कुरिन्थियों 3:16

कियों तुँऐं जाँण्दे ने के तुँऐं पंणमिश्वर के देऊँठी असो; अरह् पंणमिश्वर के आत्त्मा तुँओं दी बास करह्?

1 कुरिन्थियों 6:15

कियों तुँऐं जाँण्दे ने, के तुँओं सोभी की देह्-शरीर मसीया का अंग असो? तअ कियो हाँव मसीया का अंग पाऐयों बैष्या के अंग का हिस्सा बंणाऊँ? बिलकुल भी ने!

1 कुरिन्थियों 6:19

कियों तुँऐं ऐजो जाँण्दे ने, के तुँवारी देह्-शरीर पबित्र-आत्त्मा की देऊँठी असो; जू तुवाँरे भितरा बास करह्, जुण्जी आत्त्मा तुँओं पंणमिश्वर कैई शी भेंटी रंऐ; अरह् ईन्दा तुवाँरा किऐ भे हंक-अधिकार ने आथी?

1 कुरिन्थियों 6:2

कियों तुँऐं ऐजो जाँण्दे ने? के पबित्र लोग ही संईसारी का नियाँव कर्दें? तअ कियों जबे तुवाँरे संईसारी का नियाँव करणा तअ कियो? तुऐं ईनू छुटे-मुटे झगड़े का नियाँव भे करीने सक्दे?

1 कुरिन्थियों 9:24

कियों तुँऐं जाँण्दे ने के रेस-दऊँड़ दे तअ बैजाऐ दऊँड़ो, परह् ईनाँम ऐके झोंणाँ नियों? परह् तुँऐं भे तियों रेस-दऊँड़ दे तिऐं दऊड़ो जू जित्ती ज़ाँव।

1 कुरिन्थियों 9:27

परह् हाँव आप्णी देह्-शरीर खे कष्ट देऐयों तियों आप्णें बष दी थंऊँ; के कोदी ऐशो ने हईयों के हाँव ओकी खे प्रचार करियों अरह् आपु तेसी प्रचारो के प्रत्तिफल़ शा बाँईडा ने होऊँ।

2 कुरिन्थियों 6:16

अरह् मुर्तियों आरी पंण्मिश्वर की देऊँठी का नाँता का असो? किन्देंखे के आँमें तअ जीऊँदें पंण्मिश्वर की देऊँठी असो; जैष्णों पंण्मिश्वर बुलो, “हाँव तिनू दा बास करूबा; अरह् तिनू मुझी चाला फिरा करूबा; अरह् हाँव तिनका पंण्मिश्वर हंऊँबा; अरह् से मेरे लोग हंदे।”

गलातियौं 2:20

किन्देंखे के मुँह मसीया की गईलो शुँल़ी-फ़ाँशी चड़ाया गुआ, परह् ऐबे हाँव जीऊँदी ने आथी, परह् मसीया मुँह्दें जीऊँदी असो; अरह् हाँव देह्-शरीर दा ऐबे जू जीऊँदा असो, तअ सिर्फ तेसी बिश्वाष दा जीऊँदा असो; जू पंण्मिश्वर के बैटे गाशी असो, जिन्ऐं मुँह शो पियार करह्; अरह् मेरी ताँईऐं आप्णी जीयाँन दिती।

गलातियौं 4:19

हे मेरे नहाँन्ड़िया! जाँव तोड़ी तुँऐं मसीया का रूप जिया ने बणे, ताँव-तोड़ी मुँऐं सुणों की जेई पिड़ो सह्ऐ लई।

गलातियौं 6:4

परह् ऐक नाँम आदमी आप्णी काँम-काज़ के जाँच परख करह्, अरह् तबे अंण-जाँण के बारेदे ने, परह् आप्णें ही बारे दा तेसी तारीफ कर्णो का मोका भेट्ला।

इफिसियों 3:17

अरह् बिश्वाष के जाँणें मसीया तुवाँरे दिल-सासो दे बंसो, अरह् हाँव तुवाँरी ताँईऐं ऐजी प्रार्थना करू, के तुँऐं प्यार दे ज़ड़ पाक्ड़ियों आप्णी पह्-नींव पाक्की करह्,

कुलुस्सियों 1:23

तुँओं बिश्वाष दे पाक्के अरह् अट्ल बंणों अंदो रहणों पड़ो, जू तुँओं खे खुषख्बरी के जाँणें देऐ गऐ, सेजी खुषख्बरी अस्माँनों थाईली बादी संईसारी खे शुँणाऐं गऐ, अरह् हाँव पौलुस तिनका सेवक-दास असो।

कुलुस्सियों 1:27

जिन कैई पंण्मिश्वर ऐ पर्गट करणा चाया, के तिन कैई ऐजा ज्ञाँन हों, के गऐर यहूदी कैई तेसी भेद् की बड़ियाऐ का मोल का असो, अरह् से ऐजो असो, के मसीया जेस्दा बड़ियाऐ का भूर्षा असो, से तुँओं दे बास करह्।

कुलुस्सियों 2:19

ऐष्णाँ आदमी सेजो मुँढ पाक्कों ने थाँम्बड़ियों थंदा, जिन्दें लंई बादी देह्-शरीर जोड़ अरह् माँस आरी, साँस लंणों वाल़े अंग के जाँणें पाल़्ण-पौष्ण लंई सब कंट्ठै हंऐयों पंण्मिश्वर की तरफ़ शे बड़्दे ज़ाँव।

कुलुस्सियों 2:7

अरह् तिनही दे तुऐं जुड़े अंदे, अरह् मसीया दे बड़्दे, अरह् आप्णें बिश्वाष दे पाक्कै हंऐ ज़ाव; ठीक तेष्णें ही जेष्णीं तुओं खे शिक्क्षा देऐ थंऐ, अरह् तुऐं धन्यबाद की हिछ़या दे जादा शे जादा बंड़्दे ज़ाँव।

1 तीमुथियुस 2:15

परह् तिरंई खे नहाँन्ड़िया हंणों के कारण ही छ़ुट्कारा भेंट्दा, जे से होंष-सबैर आरी बिश्वाष, प्यार, अरह् पबित्रता दी अंट्ल़-पाक्कीं रंह्।

2 तीमुथियुस 3:8

जेष्णें ताँत्रिक यन्नैस अरह् यम्ब्रेस जुण्जे ऋषी-मूसा का बिरोध करह् थिऐ, तैष्णाँ ही ऐजे लोग भे संच्चाई का बिरोध करो; किन्देंखे के ऐष्णें लोगों के बुद्धी भर्ष्ट हंऐ ज़ाँव, अरह् तिनका बिश्वाष सिर्फ़ देखाँवे का हों,

तीतुस 1:13

ऐजी गुवाह्-शाज़्त्त साची असो, ईन्देंखे के तिनखे शक्त्ताई शी चिताँवणी देया करह्, के से बिश्वाष दे पाक्कै हऐ ज़ाँव,

तीतुस 1:16

से ऐशो बुलो, के आँमें पंण्मिश्वर जाँणो ऐ, परह् से आप्णे काँम-काज़ लई तैष्णों पर्गट ने कर्दे; किन्देंखे के से शंगाव्णें अरह् अज्ञाँ ना-माँनणों वाल़े असो, अरह् किऐ भे आच्छ़ै काँम-काज़ कर्णो ज़ुगे भे आथी ने।

तीतुस 2:2

मतल्व बुड़े मरोद् सकन्नै, धीरज-बाँन, अरह् आपु आप्णे बष दे रंह्; तिनका बिश्वाष, प्यार अरह् धीरज-सबैर पाका हों।

इब्रानियों 12:15

ईयों बातो का ख्याल थुऐ, के पंण्मिश्वर के कृपा शा कुँऐं भे छुटा ने चेंई, अरह् तेस्के मंन के कड़वाट तुँवारा बिरूध अरह् झगड़ा खह्ड़ा करह्, अरह् ओके भे बैजाऐ लोग तेसी आरी मीलियों तेष्णें ही अशुद्ध बंणी ज़ाँव।

इब्रानियों 4:1

ईन्देंखे आँमें ऐसी बारे दे खास करियो च़ौक्क्ष रंह, के जाँव तोड़ी तिनके बिषाँव देसो का बाय्दा माँना ज़ाँव; ताँव तोड़ी तुओं मुँझ़्शा कुँऐं भे हाजीर हंणों शा पाछ़ू ने छुटी ज़ाँव।

इब्रानियों 6:8

परह् जे तियों जीम्मीं दे झालो-झाड़ी ही जाँमों फईलो, तअ: सेजी जीम्मीं बै-कार-निकारी अरह् निरभाग हों, तियों जीम्मीं दी तबे आग ही लाँऐ ज़ाँव।

याकूब 4:4

ओ कू-कर्मी बिगड़े अंदे लोगो, कियों तुँऐं जाँण्दें ने, के संईसारी शी मित्रता कर्णी, पंणमिश्वर आरी बईर कर्णो असो? अरह् जुण्जा कुँऐं संईसारी का मित्र-दोस्त्त बंण्णा चाँव; से आपु आप्खे पंमिश्वर का बऐरी बाँणों।

1 पतरस 5:9

बिश्वाष दे पाक्के हऐयों, अरह् ऐशो जाँणियों तैसका साँम्णा करह्, के तुवाँरे भाऐ बंईणों भी जू संईसारी दे असो, से ऐष्णें ही दु:ख संह्।

प्रकाशितवाक्य 2:5

ईन्देंखे चींत्ते करह् के तू केथै शा रिड़ी रूआ, अरह् आप्णा मंन बदल़, अरह् आगले जिऐ काँम-काज़ करह्। जे तू आप्णाँ मंन ने बद्ल़े, तअ हाँव ताँव कैई आऐयों तेरा दिय्ट तेसी जागे शा आगु गाड़ी देऊँबा।