2 कुरिन्थियों 13:4 - Sirmouri

⁴ से तिनू कंमजूरी के कारण शुँल़ी-फ़ाँशी तअ चढ़ाऐ तअ गुऐ; तबे भी पंण्मिश्वर की शक्त्ति शे जीऊँदी असो। आँमें भे तिन्दें कंंमजोर असो, परह् पंण्मिश्वर की शक्त्ति शे जू तुँओं खे असो, तिनकी गईलो जींऊँबे।

सिरमौरी नौवाँ नियम

⁴ सौथी कै सै कमजोरी कै हालत दा क्रूसो पांदी चौढ़ाया तौ गौआ, तोबै बै पौरमेशवर कै शौकतै शै जियुंदा औसौ, आमै बै तौ तैशणै ही कमजोर औसौ जैशै मसीह थिया; पौरौ पौरमेशवर कै अनौखी शौकतै लैई आमु तुऔंआरी बर्ताव कौरणौ कारिए तैसकै साथै जियुंदी रौंदै।

2 कुरिन्थियों 13:4 ပူးပေါင်းရင်းမြစ်များ

यूहन्ना 10:18

कुँऐ भे मेरी जीयाँन-प्राण मुँह कैई शी आगु ने करी-द्ड़ी सक्दा, परह् मुँऐ आप्णीं जियाँन-प्राँण आप्णीं ही हिछ़या शे भेंट करी लऐं, अरह् मुँखे हजों आप्णीं जीयाँन-प्राण पाँछ़ू लणों का हंक-अधिकार भे बाबा ऐ आपु ही देऐ थुवा; जुण्जा के मुँह बाबा की ही तरफ़ शा भेटी रूवा।”

प्रेरितो कै काम 2:36

“इस्राएल का बादा घराना ऐजो पाक्को जाँणी पाँव, के जिनू यीशू तुऐं लोगे ऐ शुँल़ी-फ़ाँषी गाशी चड़ाऐ; तिनू ही पंण्मिश्वर ऐ प्रभू अरह् मसीया बंणाँऐ दित्ते।”

प्रेरितो कै काम 3:16

प्रभू यीशू के नाँव दा, बिश्वाष कर्णो के कारण; तिन्ही के नाँम शा ऐसी आदमी खे जेसी तुऐं देखी लुवा, अरह् जेसी तुऐं जाँणों ऐ, ऐसी ऐजी शक्त्ति-ताक्त्त तिन्ही शी भेटी रंऐ, अरह् तेसी ही बिश्वाष ऐ ऐसी तुवाँरे सहाम्णें भला चाँग्गा करी दिता।

रोमियों 1:4

अरह् पबित्र-आत्त्मा के जाँणें से मरे अंदे मुंझ्शा ऊबे जीऊँणों के जाँणें शक्त्ति आरी पंणमिश्वर का बैटा माँना गुवा।

रोमियों 14:9

किन्देंखे के मसीया ईन्दी ही की ताँईऐं मंरा, अरह् ऊबे भे जींऐं के से मरे अंदे अरह् जींऊदे दुई के प्रभू असो।

रोमियों 6:4

आँमें यीशू मसीया की मऊँत्ती दे नहाँण-नहाँणों शो आँमें भे तिनू आरी ईन्देंखे दाबी थुऐ, के जेशे दाँई यीशू मसीया परमं-पिता पंणमिश्वर की बड़ियाऐ वाल़ी शक्त्ति शे मरे अंदे मुझ्शे ऊबे जीऐं, तेष्णें ही आँमें भे ऐक नुवा जीवन पाऐ थुवा।

1 कुरिन्थियों 1:25

किन्देंखे के पंणमिश्वर के मुरूख्ता आदमी के ज्ञाँन शी ज्ञाँनवान असो, अरह् पंणमिश्वर के कंमजूरी आदमी की तागत्ती शी बैजाऐ तागतबर असो।

1 कुरिन्थियों 15:43

तियों बिना आदर दी बऐ ज़ाँव, अरह् त्तेज-प्रकाषो आरी ऊभी जींयों; अरह् कंम्जूरी आरी बऐ ज़ाँव अरह् से शक्त्ति आरी ऊबे जींयों।

1 कुरिन्थियों 2:3

हाँव कंमजूरी अरह् डरियों, अरह् बैजाऐ काँम्ब्लियों तुँवारी गईलो रूआ;

1 कुरिन्थियों 6:14

पंणमिश्वरे आप्णी शक्त्ति लई सिर्फ प्रभू ही ने जियाल़ी, परह् से आँमों भे तियों ही शक्त्ति लई पाछु ऊबे जियाल़्दे।

2 कुरिन्थियों 10:10

किन्देंखे के कुछ लोग बुलो, “के पौलुस की चीट्ठी-पत्री गहीरी अरह् असरदार असो; परह् जबे से साम्णें हों, तअ से देह्-शरीर शा कंंमजोर अरह् बात-चींत्त कर्दे हल़्का जाँणियों।”

2 कुरिन्थियों 12:10

ईन्देखे हाँव मसीया खे कंमजूरी दा, अरह् निदया दा, अरह् गरीबी दा, अरह् हारकुँण्जी दा, अरह् संकटो-असाँनीं दा खुशी असो; किन्देंखे के जबे हाँव कंंमजोर हंऊँ, तबे ही हाँव बलवाँन बंणू।

2 कुरिन्थियों 13:9

जबे आँमें कंंमजोर असो, अरह् तुँऐं बलवाण असो, तअ आँमें आँन्दित्त-खुशी हों, अरह् ऐजी प्रार्थना भे करह्, के तुँऐं शुद्ध हऐ ज़ाँव।

फिलिप्पियों 3:10

हाँव ऐजो चहाऊँ, के हाँव मसीया जाँणी पाऊँ, अरह् तियों शक्त्ति का तजरबा करणा चहाऊँ, जिन्दे लई से मँरियों पाछु ऊबे जीऐं; अरह् मऊँदी दा तिनू जेष्णाँ बंणियों तिनके दु:ख भोगणों दा साथी बंण्णा चहाऊँ।

इब्रानियों 5:7

प्रभू यीशू ऐ आप्णें आदमी के सरूप दो रंह्दें बख्त्ते जुराल़ो लेरो-माँरी-माँरियों अरह् आशुवों बुवाऐ-बुवाऐयों तिन कैई जुण्जें तिनू मऊँत्ती शे बंचाऐ सको थिऐ, तिन शी तिन्ऐ प्रार्थनाँऐं अरह् बिनंत्ती करी, अरह् तियों भगत्ति के कारण तिनकी शुँणीं भी गंई।

1 पतरस 3:18

किन्देंखे के मसीया ऐ भी अमाँरे पापों की ताँईऐं ऐकी बंई दु:ख भूगा, मतल्व जू बै-कसूर थिऐ, तिन्ऐं आँमों पापियों की ताँईऐं ऐकी बई मंऊँत्त कबूल करी, जू आँमों पंणमिश्वर के साम्णें नीयों, शरीर के भाव शे तअ से माँरी गुऐ, परह् पबित्र-आत्त्मा के भाव शे तिनू ऊबे जीयाल़े गुऐं।

1 पतरस 3:22

प्रभू यीशू स्वर्गो दे ज़ाऐयों पंणमिश्वर के सोऐं ढबे बऐठी गुऐ; अरह् स्वर्गदूत्त अरह् अधिकारी अरह् शक्त्तिशाली तिनके बष दे करे गुऐ।