2 कुरिन्थियों 13:14 - Sirmouri

¹⁴ प्रभू यीशू की कृपा अरह् पंण्मिश्वर को पियार अरह् पबित्र-आत्त्मा की संगत्ति तुँओं सोभी आरी हंदी रंह।

सिरमौरी नौवाँ नियम

¹⁴ प्रभु यीशु मसीह का अनुग्रह औरौ पौरमेशवर का प्यार औरौ पवित्र आत्मा का साथ तुऔं सौबी कै साथै हौंदा रौंव।

2 कुरिन्थियों 13:14 ပူးပေါင်းရင်းမြစ်များ

मत्ती 6:13

आँमों पाप कर्णो की परख दे ने पाऐ, परह् बुराई पाप शे बंचाऐ; (किन्देखे के राज्य अरह् प्राकर्म अरह् बड़ियाऐं सदा-सदा तेरी ही असो।’ आमीन।)

यूहन्ना 4:10

प्रभू यीशू ऐ तियों खे जबाब दिता, “जे तू पंण्मिश्वर के बरदाँन पंह्छ़याँदी, अरह् ऐजो भे जाँण्दी के ऐजा कुँण असो; ‘जेने मुँह कैई शो पाँणी माँगी लो’, तअ तू तेसी कैई शो माँगदी अरह् से ताँव्खे अमर जीवन को जल देंदा।”

यूहन्ना 4:14

परह् जुण्जा कुँऐं मेरो दितो अंदो ऐजो जल पीला, तेसी हजो कोद्दी भे च़ीष ने लागदी; अरह् जुण्जों जल हाँव तेस्खे देऊँबा, सेजो जल तेस्दो फट्वाँणी जियों फाट्लो, जुण्जो हमेशा के अमर-जीवन खे बड़्दो रंह्लो।”

यूहन्ना 7:38

अरह् जुण्जा कुँऐं मुँह गाशी बिश्वाष करह्, से आप्णी च़ींष बुझाँव; जेष्णों के पबित्र-ग्रन्थों दो लिखी थो: के ‘तेस्के सासो शी जीवन के जल की नंदियाँ बंह्दी’।”

प्रेरितो कै काम 15:11

होर, ऐजो तअ पाक्को असो; के जेशे दाँई ऐ प्रभू यीशू की कृपा शा छुट्कारा पाँदें; तेष्णा ही आँमें भे पाँदे ऐं।”

रोमियों 1:7

तिनू सोभी के नाँव जू रोम दे पंणमिश्वर के प्यारे असो, अरह् पबित्र लोग बण्णों खे बय्दी थूऐ: अमाँरे परमं-पिता पंणमिश्वर अरह् प्रभू यीशू मसीया की ढबे शी तुँओं खे कृपा अरह् शाँण्त्ति भेट्दी रंह्।

रोमियों 16:20

शाँण्त्ति का पंणमिश्वर शैतान तुँवारी लातो थाँई शिघा घिंज्णों खे पाँदा। अमाँरे प्रभू यीशू मसीया की कृपा तुँओं गाशी हंदी रंह्।

रोमियों 16:23

गयुस जू मेरी अरह् कलीसिया का पाऊँणाई कर्णो वाल़ा असो, तेस्का तुँओं खे नमंष्कार। इरास्तुस जू नगर का भडारी असो, अरह् भाऐ क्वारतुस का तुँओं खे नमंष्कार।

रोमियों 16:27

तेसी ही सिर्फ ऐक बुद्धीमाँन पंणमिश्वर की यीशू मसीया के जाँणें; ज़ूगौ-ज़ूगौ तोड़ी बड़ियाऐं हंदी रंह्। आमीन।

रोमियों 5:5

अरह् भूर्षें दी निराषा ने हंदी, किन्देंखे के पबित्र-आत्त्मा जू आँमों खे देऐ थऐ, तिन्दे लई पंणमिश्वर को पियार अमाँरे मंन दो पाँऐ थो।

रोमियों 8:39

अरह् ना पताल़ौ की किऐं शक्त्ति, अरह् ना बादी संईसारी मुँझ्शी किऐ भे बात, आँमों पंणमिश्वर के पियारो शे जुण्जा अमाँरे प्रभू यीशू मसीया के जाँणें भेटी रूवा, तेसी पियार शे आँमों कुँऐं भे ज़ंई ने करी सक्दा।

रोमियों 8:9

जे पंणमिश्वर की आत्त्मा सत्तिखे तुँओं दा बास करह्, तअ तुँऐं आप्णें पाप वाल़े सुभाव के मुताबिक ने, परह् पबित्र-आत्त्मा के मुताबिक जींयों। अरह् जेसी आदमी दी मसीया की आत्त्मा ने बस्दी से मसीया का जंण ने आथी।

1 कुरिन्थियों 12:13

किन्देंखे के आँमें सभिऐं भाँव यहूदी भाँव यूनानी, भाँव दास भाँव अजाद, ऐकी पबित्र-आत्त्मा के जाँणें ऐक देह्-शरीर हंणों खे नहाँण-नहाँऐं थो, अरह् आँमों सोभी कैई शी ऐक ही आत्त्मा पियाऐं थऐ।

1 कुरिन्थियों 14:16

ना, तअ जे तू आत्त्मा ही शा पंणमिश्वर का धन्यबाद करला, तअ तबे अजाँण्दे लोग तेरे धन्यबाद गाशी आमीन किया-किया बुल्दे? किन्देंखे के सेजे लोग तअ जाँण्दे ने के तुँऐं का बुली लो?

1 कुरिन्थियों 16:23

प्रभू यीशू की कृपा तुँओं गाशी हंदी रंह्।

1 कुरिन्थियों 3:16

कियों तुँऐं जाँण्दे ने के तुँऐं पंणमिश्वर के देऊँठी असो; अरह् पंणमिश्वर के आत्त्मा तुँओं दी बास करह्?

1 कुरिन्थियों 6:19

कियों तुँऐं ऐजो जाँण्दे ने, के तुँवारी देह्-शरीर पबित्र-आत्त्मा की देऊँठी असो; जू तुवाँरे भितरा बास करह्, जुण्जी आत्त्मा तुँओं पंणमिश्वर कैई शी भेंटी रंऐ; अरह् ईन्दा तुवाँरा किऐ भे हंक-अधिकार ने आथी?

2 कुरिन्थियों 8:9

तुँऐं अमाँरे प्रभू यीशू मसीया की कृपा जाँणों ऐ, के से धनी-सेठ हऐयों भे तुँवारी ताँईऐं कंगाल बणे, जू तिनके कंगाल हणों शे तुँऐं सैठ बंणी ज़ाँव।

गलातियौं 5:22

परह् पबित्र-आत्त्मा का फल़ पियार, खुशी, शाँण्त्ति, धीरज, कृपा, भलाऐ, बिश्वाष,

इफिसियों 2:18

किन्देंखे के तिन्ही के जाँणें आँमों दुन्नै डूँग ऐक पबित्र-आत्त्मा दे मीलियों स्वर्गो के परमं-पिता पंण्मिश्वर कैई पऊँची सको।

इफिसियों 2:22

अरह् तिनही के जाँणें तुँऐं लोग भे पबित्र-आत्त्मा दे पंण्मिश्वर खे ऐक रंहणों की जागा बंणों।

इफिसियों 5:9

(किन्देंखे के त्तेज-प्रकाश का फल़ साँत्त-भाती भलाई, अरह् धार्मिक्त्ता, अरह् सच्चाऐ असो),

इफिसियों 6:23

परमं-पिता पंण्मिश्वर अरह् प्रभू यीशू मसीया के ढबे शी भाऐ, बईणों खे शान्त्ति अरह् बिश्वाष आरी प्यार भेटो।

फिलिप्पियों 2:1

तअ: जे तुँओं मसीया के नाँव दा किऐ होंसला असो, अरह् प्यारो शी पय्दा हऐ अंदी किऐ ढैह्ट, अरह् पबित्र-आत्त्मा दी किऐ हिस्सेदारी अरह् प्यारो के किऐ भावना के हिछ़या,

1 यूहन्ना 1:3

जू किऐ आँमें दे:खो, अरह् शुणी थुओ, तिन्दे की खुषख्बरी तुँओं खे भे दियों, ईन्देंखे के तुँऐं भे अमाँरी गईलो अमाँरे साजी बंणों; अरह् अमाँरो ऐजो साथ सर्गो के परमं-पिता पंण्मिश्वर अरह् तिनके बैटे प्रभू यीशू मसीया आरी असो।

1 यूहन्ना 3:16

पियार का असो? ऐजो आँमें ईन्दें लई जाँणों: के मसीया प्रभू यीशू ऐ अमाँरी ताँईऐं आप्णी जीयाँन-प्राण की कुरबाँणी दिती, ईन्देंखे अमाँरा ऐजा फरज बंण्दा ने, के आँमों खे भे आप्णें भाई-बंईणों की ताँईऐं आप्णें प्राण-जीयाँन कुरबाँण कर्णे ठीक आथी ने।

1 यूहन्ना 3:24

जुण्जा तिनकी अज्ञाँ का पाल़्ण करह्, से तिन्दा पाक्का अट्ल़ रंह्: अरह् तैस्दा पंण्मिश्वर बसा अंदा रंह्; ईन्दें का पता आँमों कैई पबित्र-आत्त्मा के जाँणें लागो, जुण्जी पबित्र-आत्त्मा आँमों खे पंण्मिश्वर देऐ थऐ।

यहूदा 1:21

सदा-सदा के अमर-जीवन पाँणों खे अमाँरे प्रभू यीशू मसीया की कृपा बड़े भुर्षे आरी सबेर मारियों आपु-आप्खे पंण्मिश्वर के पियार दे पाके अट्ल़ बंणे अंदे रंह्।