2 कुरिन्थियों 13:11 - Sirmouri

¹¹ तअ: हे भाऐ, बंईणों, आँन्दित्त-खुशी रंह्; साच्चै बण्दे ज़ाव; हिम्मत थुऐं; ऐक ही मंन थुऐ; मेल शे रूऐ। अरह् पियार अरह् शाँण्त्ति का दाता पंण्मिश्वर तुँवारी गईलो हला।

सिरमौरी नौवाँ नियम

¹¹ इथकारिए ओए रै बिशवाशी भाईयों, खुशी रौंव; मोजबूत बौणदै जाव; मैरी सलाह कै शुणौ; ऐकैई मन राखौ; मैल-मिलाप शै रौव, औरौ प्यार औरौ शान्तै का दाता पौरमेशवर तोंवारै साथै हौंदा।

2 कुरिन्थियों 13:11 ပူးပေါင်းရင်းမြစ်များ

मत्ती 1:23

“दे:खो, ऐक कुवाँरी-कंन्याँ पेट्भारी हंदी, अरह् तियाँरे ऐक बैटा पय्दा हंदा, अरह् तेस्को नाँव इम्मानुएल थुओं ज़ाँदो”, जिन्दें का मतल्व असो-पंणमिश्वर आँमों आरी असो।

मत्ती 5:48

ईन्देंखे ऐशो चेंई के जेष्णाँ तुवाँरा स्वर्गो का पिता साच्चा-पाक्का असो, तेष्णें ही तुँऐं भे साच्चै-पाक्कै बंणों।

मरकुस 10:49

तबे प्रभू यीशू मसीया खड़े रूऐ, “अरह् बुलो” ऐसी ईथै मुँह कैई आँणों, लोगे तेस्खे बुलो, “आप्णें सासो दे ढेठ-हिम्मत थह्, बिऊँज! तिन्ऐ ताँव बऐदी लुवा।”

मरकुस 9:50

खारो जीवन दी ऐक जरूरी चींज असो, परह् जे खारे का सुवाद बिगड़ी ज़ाँव, तअ ऊको किदे लई खँरयाल़ों बण्दों? आपु खारे जेष्णें शाँण्त्ति शे मिली-चालियों रूऐ।”

लूका 9:61

तबै कोसी ओकिऐ बुलो, “हे प्रभू! हाँव तुँओं पाछी आँदा, परह् मुँह आगे ज़ाँणों दियो, जू हाँव आप्णे घईले कैई शी बिदाई लह्ऊँ।”

यूहन्ना 17:23

तुऐं मुँह्दे, अरह् हाँव तिनदा, जू से पुरे ढंग शे ऐक हंऐ ज़ाँव; जिन्दें लई ईयों संईसारी दो ऐजो साफ़ हंऐ ज़ाँव, के तुऐं ही मुँह डेयाल़ी थुवा थिया; अरह् तुऐं ईनू आरी भे तेष्णों ही प्यार करह्, जेष्णों प्यार तुऐं मुँह आरी करह्।

प्रेरितो कै काम 15:29

तुँऐं लोग मुर्त्तियों गाशी बल़ी चड़ाऐ अंदो माँस शे, अरह् लह्ऊँ के खाँन-पान शे, अरह् गल़ा घूटै अंदे बंईच़ियों के माँस शे, अरह् च़ूरी-जारी शा परेज करे; अरह् ईन्दें शे आपु बंचियों रंहणों शा तुवाँरा कल्याँण असो; ‘तुवाँरा भला हों’।”

प्रेरितो कै काम 18:21

अरह् ऐजो बुलियों तिनू् कैई शा बिदा हुवा, के “जे पंण्मिश्वर ऐ चहाँव तअ हाँव तुँओं कैई हजो पाछू आँऊबा।” तबे से इफिसुस शो जहाज खुलियों चाली पड़ा;

प्रेरितो कै काम 23:30

जबे मुँह कैई ऐजा पता लागा, के ऐसी आदमी के बारे दा माँर्णो का कैड़ा, अरह् किऐ रंच्णा रंचीं लंऐ; तअ मुँऐं ऐसी तेख्णीं ताँव कैई डेयाल़ी दिता, अरह् मुँऐं ऐस्के मुदोई खे भे ऐजी अज्ञाँ देऐ थंऐ; के तुऐं भे हाकमं फेलिक्स के सहाँम्णें ही आप्णा मुकदमा करह्।”

रोमियों 12:16

आपु मुँझी मिली-चालियों रूऐ; तारीफ ने करे, परह् गरीब आरी संग्त्ति करे; आप्णी नंजरी दे बुद्धीमान ने बंणें।

रोमियों 12:18

जेथै तोड़ी हऐ सको, तुँऐं बादे आदमी आरी मिली-चालियों रूऐ।

रोमियों 14:19

ईन्देंखे आँमें ईनू बातो दे लागे रंह्, जिन्दे लई मेल-मिलाप अरह् ओका ओकी के भे बिश्वाष दी बढ़्त्री हों।

रोमियों 15:13

पंणमिश्वर जू भुर्षे का दाता असो, से तुँओं खे बिश्वाष के जाँणें साँत्त-भात्ते आँनन्द अरह् शाँण्त्ति शे भरपुर करह्, जिन्दें लई पबित्र-आत्त्मा की शक्त्ति शा तुवाँरा भुर्षा शुरा-पुरा हों।

रोमियों 15:33

शान्त्ति का पंणमिश्वर तुँओं सोभी आरी रंह्। आमीन।

रोमियों 16:20

शाँण्त्ति का पंणमिश्वर शैतान तुँवारी लातो थाँई शिघा घिंज्णों खे पाँदा। अमाँरे प्रभू यीशू मसीया की कृपा तुँओं गाशी हंदी रंह्।

1 कुरिन्थियों 1:10

हे मेरे भाऐ बंईणों, हाँव तुँओं शी अमाँरे प्रभू यीशू मसीया के नाँव शी ढाल-अरज करू, के तुँओं मुझी फुट् ने पड़ो, तुऐं ऐक ही मंन अरह् ऐक ही बात अरह् ऐक ही मत्त दे मिली-झुलियों रंह्।

2 कुरिन्थियों 1:4

से अमाँरे ऐक नाँम दु:ख-कल़ैष दी शाँण्त्ति दियों; जू आँमें तियों शाँण्त्ति के जाँणें जू पंण्मिश्वर आँमों खे दियों, तिनू ओकी खे शाँण्त्ति देऐ सको; जू साँत्त-भाँत्ते दु:ख-कल़ैष दे पड़े अंदे असो।

2 कुरिन्थियों 13:14

प्रभू यीशू की कृपा अरह् पंण्मिश्वर को पियार अरह् पबित्र-आत्त्मा की संगत्ति तुँओं सोभी आरी हंदी रंह।

2 कुरिन्थियों 13:9

जबे आँमें कंंमजोर असो, अरह् तुँऐं बलवाण असो, तअ आँमें आँन्दित्त-खुशी हों, अरह् ऐजी प्रार्थना भे करह्, के तुँऐं शुद्ध हऐ ज़ाँव।

इफिसियों 4:12

जिन्दें लंई पबित्र लोग सीद्ध बंणीं ज़ाव, अरह् सेवा का काँम-काज़ करा ज़ाँव; अरह् ईन्दें लंई मसीया की देंह्-शरीर बंड़ोत्री पाँव,

इफिसियों 4:3

अरह् मेल-मेल के बंधणों दे पबित्र-आत्त्मा की ऐक्त्ता दी रंहणों के कोशिष करह्।

इफिसियों 6:23

परमं-पिता पंण्मिश्वर अरह् प्रभू यीशू मसीया के ढबे शी भाऐ, बईणों खे शान्त्ति अरह् बिश्वाष आरी प्यार भेटो।

फिलिप्पियों 1:27

सिर्फ ऐतड़ो करह्, के तुवाँरा चाल-चल़्ण मसीया के खुषख्बरी के ज़ुगा हों, के हाँव आऐयों तुँओं देखू, भाँव ना देखू; परह् हाँव तुवाँरे बारे दो ऐजो ही शुणू, के तुँऐं ऐक ही आत्त्मा दे अट्ल़ असो, अरह् ऐक मंन हऐयों खुषख्बरी के बिश्वाष खे मेंह्नत कर्दे रंह्,

फिलिप्पियों 3:16

ईन्देंखे तेथै तोड़ी आँमें पह्ऊची रूऐ, आँमों तिदो ही चालणों पड़ो।

फिलिप्पियों 4:2

हाँव बंईण-यूओदिया अरह् बंईण-सुन्तुखे, ईनू दु:ई खे ढाल-अरज करू; के तुँऐं प्रभू दी ऐक च़ीत्त-मंन रूऐ।

फिलिप्पियों 4:4

प्रभू दे सदा खुशी रंह्, हाँव हजो बुलू, के खुशी रंह्।

फिलिप्पियों 4:9

जुण्जी बातो तुँऐं मुँह कैई शी शिखी अरह् तुऐ माँनी, अरह् शुँणीं अरह् मुँदी देखी, तिन्दी का पाल़्ण करिया करह्, तबे पंण्मिश्वर जू शाँण्त्ति का दाता असो, से तुँवारी गईलो रह्दा।

1 थिस्सलुनीकियों 3:10

आँमें रात्ती देसो बैजाऐ प्रार्थना करह्, के आँमें तुवाँरा मुँह देखो अरह् तुवाँरे बिश्वाष की कंम्मी पुरी करह्।

1 थिस्सलुनीकियों 4:1

ईन्देंखे हे भाऐ-बंईणों, आँमें तुँओं खे ढाल-अरज करह्, अरह् तुँओं प्रभू यीशू दे सम्झाँव, के जैष्णी तुँऐं आँमों शी आच्छ़ी चाल चाल्णी अरह् पंण्मिश्वर खुशी करणा शिखा, अरह् जैष्णें तुँऐं चालो भे ऐ, तेष्णे ही हजो भे बढ़्दे रंह्।

1 थिस्सलुनीकियों 4:18

ऐशा ही दाँई ईनू बातो लंई ओका ओकी खे होंस्ला देऐया करह्।

1 थिस्सलुनीकियों 5:13

अरह् तिनकी काँम-काज़ के जाँणें प्यारो आरी, तिनू बैजाऐ आदर-ईज्ज्त्त ज़ूग्गै ज़ाँणों; अरह् आपु आरी मिली-झ़ुलियों रूओं।

1 थिस्सलुनीकियों 5:16

सदा खुशी रंह्।

1 थिस्सलुनीकियों 5:23

शाँण्त्ति का दाता पंण्मिश्वर आपु ही तुँओं पुरी रित्ती शे पबित्र करह्; अरह् तुँवारी आत्त्मा अरह् जीयाँन-प्राँण अरह् देह्-शरीर अमाँरे प्रभू यीशू मसीया के आँणों तोड़ी शुरे-पुरे अरह् नीर्दोष आछे थों।

2 थिस्सलुनीकियों 2:16

अमाँरा प्रभू यीशू मसीया आपु ही, अरह् अमाँरा परंम-पिता पंण्मिश्वर, जिन्ऐं आँम शो प्यार करह्, अरह् कृपा शे सदा की शाँण्त्ति अरह् पबित्र भोर्षा देऐ थुवा।

2 थिस्सलुनीकियों 3:1

आखरी दी, हे भाऐ-बंईणों, आँमों खे प्रार्थना करिया करह्, के प्रभू का बचन ऐशा झट् फईलो, अरह् बड़ियाऐ पाँव, जेष्णाँ तुँओं मुँझी फईला,

2 थिस्सलुनीकियों 3:16

ऐबे प्रभू जू शाँण्त्ति का दाता असो, आपु ही तुँओं खे सदा अरह् साँत्त-भाँत्ती शाँण्त्ति दियों, अरह् प्रभू तुँओं सोभी आरी रंह्।

2 तीमुथियुस 2:22

परह् तू जवाँनी की हिछ़याओं शा दुरका भाग; अरह् जुण्जी बात पंण्मिश्वर के आच्छ़ी लागो, तिन्दे पाछ़ी चाल। जेष्णें के बिश्वाष, प्यार, अरह् मेल-झोल तिनू आदमी आरी करह्; जुण्जे पंण्मिश्वर कैई साफ़ मंन शी पुकार करह्।

इब्रानियों 12:14

सोभी आरी शाँण्त्ति शे रंहणों अरह् पबित्रत्ता के खोजी बंणों, किन्देंखे के ईन्देंके बिना कुँऐ भे आदमी प्रभू का दर्शण ने करी सक्दा।

इब्रानियों 13:20

जिन्ऐं भैड़ो का सेजा बड़ा भैड़वाल़ा मतल्व अमाँरा प्रभू यीशू मसीया के हमेशा के वाचा को लह्ऊँ के कारण मँरे अंदे मुँझ्शे आँमों ऊबे जीयाल़े तेसी सदा के बाय्दे गाशी मुहर लाऐयों सेजा शाँण्त्ति का दाता पंण्मिश्वर ही असो,

याकूब 1:4

अरह् ईयों ढेठ-हिम्मत दे डटे अंदे रंह्, तबे तुँओं दे कियोंही बातो के कमी-घटी ने रंह्, तअ तुँऐं नीरदोष बंण्ले।

1 पतरस 3:11

परह् बुराई का साथ छुड़ो, अरह् भलाऐ ही करह्; सेजी शाँण्त्ति की खोज करह्, अरह् तिन्दे का पालन करह्।

1 पतरस 3:8

तअ: बादे के बादे ऐक मंन अरह् दया-बंत भाईचारे को पियार थणों वाल़े, कृपा, अरह् दीन-नीम्ताई वाल़ा बणों।

1 पतरस 5:10

ऐबे पंणमिश्वर जू बादी कृपा का दाता असो, जिन्ऐं तुँओं मसीया दे आप्णी सदा की बड़ियाऐ खे बय्दी थुऐं, तुवाँरे ऐगड़ी खे दु:ख भूगणों पाछ़ी, आपु ही तुँओं साचे-पाके अरह् तागतबर कर्ले।

प्रकाशितवाक्य 22:21

प्रभू यीशू के कृपा तुओं सोभी गाशी बंणीं अंदी रंऐ चैंई।