2 कुरिन्थियों 12:4 - Sirmouri

⁴ स्वर्गो दा ऊबा टिपा गुवा, अरह् तेथै तेने ऐशी पबित्र बात्तो शुणीं; जिनू बातो के बारे दो किऐ बुलो ने ज़ाँदो; अरह् सेजी पबित्र बातो आदमी खे आप्णें मुँह ज़ात्ती शी बुल्णों के भे अज्ञाँ ने आथी।

सिरमौरी नौवाँ नियम

⁴ कै स्वर्ग दा ऊबा निया, औरौ ऐशणी बातौ शुणी जू बौलणै की ना थी औरौ ऐशणी बातौ जिथकै बारै मुंजी ओकी कै बौताणौ कै इजाज़त ना आथी।

2 कुरिन्थियों 12:4 ပူးပေါင်းရင်းမြစ်များ

लूका 23:43

प्रभू यीशू ऐ तैस्खे बुलो, “हाँव ताँव्खे खास बात बुलू, कि ऐत्त्लो ही तू मेरी गंईलो स्वर्गो दा हंईला।”

प्रेरितो कै काम 8:39

अरह् जबे से पाँणी मुँझ्षे बाईडे आऐ, तअ तबे प्रभू की आत्त्मा ऐ तेसी फ़िलिप्पुस ऊबा थागा; अरह् तबे तेने खोज़े ऐं तेसी हंजों दुज़ाल़िऐ ने देखी: तबे से आँनन्द-खुशी शा आप्णें बाटे हुटा।

1 कुरिन्थियों 13:1

जे हाँव आदमी अरह् स्वर्गदूत्तो की बुली बुलू, परह् पियार ने करू, तअ हाँव ठंणठणाँदों पीतल, अरह् छण-छणाँदी खाँजरी असो।

2 कुरिन्थियों 12:2

हाँव मसीया का ऐक भगत्त जाँणू, जेसी च़ौऊँदो साल आगे च़ींज़ै स्वर्गो तोड़ी ऊबा टीपा गुवा; देह्-शरीर दा के बिना देह्-शरीर का; ऐजो हाँव ने जाँण्दा, परह् पंण्मिश्वर जाँणों।

1 थिस्सलुनीकियों 4:17

तबे आँमें जू जीऊँदे अरह् बंचे अंदे असो, आँमों भे तिनकी गईलो बाद्ल़ो मुझी ऊबे टिप्दे, के बाद्ल़ो दे प्रभू कैई शे भेंटिऊँबे; अरह् तेषे दाँई आँमें प्रभू आरी संदा रह्ऊबे।

प्रकाशितवाक्य 12:5

तियों तिरंई के ऐक टंड्का पय्दा हुआ, जुण्जा सोभी राज्य गाशी लोहे के मुँगरे लंई सोभी राज्य गाशी राज करदा थिया; परह् सेजो नहाँन्ड़िया ऊँबे थागियों, पंण्मिश्वर अरह् तिनके सिगाँस्णों तोड़ी पंईचाल़ी दितो।

प्रकाशितवाक्य 2:7

जिनके काँन हों से शुँणी पाव, के पबित्र-आत्त्मा कलीसियों खे का बुलो। के जुण्जा जींत्ती ज़ाँव, हाँव तैस्खे तेसी जीवन के बड़े डाल़-पेड़ मुँझ्शो जू पंण्मिश्वर के स्वर्गो दा असो, तिन्दें के फल़ खाणों देऊँबा।”