2 कुरिन्थियों 12:21 - Sirmouri

²¹ कद्दी ऐशो ने हऐयों, के जबे हाँव पाछ़ू तुओं कैई आँऊ; तअ मेरा पंण्मिश्वर मुँह हजो तुवाँरे सहाम्णें शर्मिन्दा करह्; अरह् मुँह बैजाऐ लोगो खे शोक मनाणाँ पड़ो; जिन्ऐं आगे पाप करा; अरह् आप्णीं गंन्दगी, चूरी-जारी, अरह् लुचपंण करियों आप्णा मंन बद्ल़ियों पसतावा ने करी।

सिरमौरी नौवाँ नियम

²¹ औरौ कोदी ऐशैखै ना हौं कै जोबै हांव पाछु आन्दा, तौ मैरा पौरमेशवर मुखै शर्मिंदा कौरौ। औरौ मुखै बौहितौ कारिए हौजौ शोक कौरणा पौड़ौ, जिनुवै आगै पाप कौरे राए थिए, औरौ तिनु गौन्‍दै काम औरौ गौलत सौमबंध औरौ शर्मनाक जैशणै कामौ कारिए पश्‍चाताप ना कौरी।

2 कुरिन्थियों 12:21 ပူးပေါင်းရင်းမြစ်များ

रोमियों 13:13

जेष्णों देसो खे आछो लागो, तेष्णी ही आँमें साची चाल-चालो, ना के लिला-क्रिढ़ा अरह् ना पियाक्ड़पण दे, ना चोरी-जारी, अरह् ना लुच-पंण दे, अरह् ना झगड़े, डाह् दे।

रोमियों 9:2

के मेरे बैजाऐ दु:ख असो, अरह् मेरा मंन सदा दु:ख्दा रंह्,

1 कुरिन्थियों 5:1

ऐथै तोड़ी शुण्णों दो आऐ रूओ के तुँओं मुझी बिचकी-टह्ली हंदी लागी, मतल्व ऐशी बिचकी-टह्ली जैष्णी की ओकी गऐर यहूदी मुझी भी कद्दी हंदी ने; के ऐक आदमी आप्णें बाबा की घरवाल़ी मतल्व आप्णी ही सोतेली माँ आप्णें थंह् अरह् तियोंआरी गलत बिचकै-काँम करह्।

2 कुरिन्थियों 10:6

जबे तुऐं अज्ञाँ का पाल़्ण कर्णो तियार रंह्; तअ हर प्रकार की अज्ञाँ टाल़्णों की सजा खे भे तियार रंह्।

2 कुरिन्थियों 12:7

ईन्देंखे के हाँव भहिते दिब्यप्रकाष्णों के जाँणें शिंयाँगिए ने ज़ाऊँ; मेरी देह्-शरीर दा ऐक काँडा चुभाऐ थुआ, मतल्व शैतान का ऐक दूत्त जू मुँदी मुकिऐं लाँव; जू हाव बैगेही ने शियाँगिऊँ।

2 कुरिन्थियों 13:2

जेष्णाँ हाँव जबे दुज़ाल़िऐं तुँआँरी गईलो थिया, तेष्णा ही ऐबे दुरका रंह्दे, तिनू लोगो शा जिन्ऐं आगे पाप करा, अरह् ओके बादे लोगो खे ऐबे आगे ही बुली देऊँ, के जे हाँव हजो तुँओं कैई आँऊबा तअ हाँव सेजे पापी छुड़्दी ने;

2 कुरिन्थियों 8:24

तअ: आप्णों पियार अरह् अमाँरे तारीफ जू तुवाँरे बारे दे असो, कलीसियों के साम्णें साच्चा करियों तिन कैई शा दे:खाव।

गलातियौं 5:19

देह्-शरीर की बुरी हिछा तअ पर्गट असो, मतल्व चुरी-जारी काँम-काज़, कू-कर्मं, चाप्लुषी,

कुलुस्सियों 3:5

ईन्देंखे आप्णे सेजे अंग माँरी दियो, जू धर्ती के असो, जेष्णाँ मतल्व चुरी-जारी गंन्दगी, बुरी हिछ़या, अरह् लोभ-लाल़्च जू मुर्ती पूजा के बराबर असो।

इब्रानियों 13:4

विवाह-जाज्डा सोभी मुँझी आदर-ईज्जत के बात सम्झी ज़ाँव, अरह् विवाह का बिछाँन्द्रा नीषकंल़क रंह्, किन्देंखे के पंण्मिश्वर चुरी-जारी कर्णो वाल़े, अरह् ओकी पराई तिरंई आरी चुरी-जारी कर्णो वाल़े का नियाँव करदा।

2 पतरस 2:18

से बै-कार के तारीफ की बातो करी-करियों चप्लूसी की काँम-काज़ के जाँणें, तिनू लोग देह्-शरीर की हिछ़या दे फशाँऐं दियों, जू भट्के अंदे मुझ्शे हेभी नीकल़ी ही ने रंई।

यहूदा 1:23

अरह् भहीते लोग आगी मुझ्शे नीकाल़ियों बंचाऐ दियों, परह् प्रभू के डर-भऐ दे रह्दें, दया-रंय्म कर्दे चौक्क्ष रंह्, ऐथै तोड़ी के देह्-शरीर के ज़ाँणें कंल़न्कित खोट्णों दे शंगाऐ ज़ाव, जू तुँओं दा दाग ने लागो।

यहूदा 1:7

जैशे दाँई सदोम अरह् अमोरा अरह् तिनके ऊँडे-पूँडे के नंगर, जुण्जे तिनके जिऐ कू-कर्मी बंणी रूऐ थिऐं, अरह् पराई देह्-शरीर पाछी लागी रूऐ थिऐ, तिनू लोग आगी की सजा दे भस्मं हऐयों ओकी खे अनाँणों बंणें।

प्रकाशितवाक्य 21:8

परह् डराड़ो, अरह् बै-बिश्वाषियों, नींच़ हत्त्याँरे, अरह् च़ूर-जार, अरह् जादू-टूण्णें कर्णों वाल़े, मुँर्त्ती पूज्णों वाल़े, अरह् हर किस्समं के झूठों बुल्णों वाल़े, का नाँष हंदा, अरह् तिनू भभ्कदीं आग, अरह् गंन्धक की झ़ील, दे पाऐ देईदें, जुण्जी के दुज़ी मंऊँत्त हंदी!”

प्रकाशितवाक्य 22:15

परह् कुत्ते, जादू-टूँणें, अरह् चुरी-जारी कर्णों वाल़े, अरह् हत्त्यारे, अरह् मुँर्त्ती पुज्णों वाल़े, अरह् ऐक नाँम झ़ूट्ठै शे प्यार कर्णों वाल़े बाऐर ही रंह्दें।

प्रकाशितवाक्य 22:20

ईनू बातो की गुवाऐ-शाज़्त्त देणों वाल़ा ऐजो बुलो, “हाँव जरूर शीघा ही आँदा लागा।” आमीन! हे प्रभू यीशू आओ!