2 कुरिन्थियों 12:15 - Sirmouri

¹⁵ हाँव तुँवारी आत्त्मा खे बैजाऐ आँनन्द शा खर्च करूबा, परह् आपु भे बिक्की ज़ाँऊबा। कियों जेतोड़ो बैजाऐ हाँव तुँओं आरी पियार करू, तेती ही कंम तुँऐं मुँह आरी पियार थह्ले?

सिरमौरी नौवाँ नियम

¹⁵ हांव तोंवारै खातिर बैजाए खुशी शै आपणौ सौबै ठुँ तुऔं दैय दैंदा, यानी कै आपणै जिन्दगी बै दैय दैंदा। जिथुकै हांव तुऔंआरी बैजाए प्यार कौरु, पौरौ मैरै ऐशै जाणियौ कै तुऐं मुं आरी कम प्यार कौरौ।

2 कुरिन्थियों 12:15 ပူးပေါင်းရင်းမြစ်များ

रोमियों 9:3

किन्देंखे के हाँव ऐते ज़ुगौ चहाँऊ, के इस्राएली लोग जू मेरे देह्-शरीर के भाव शे भाऐ-बंईण, अरह् मेरे कुढ़्बे के असो, तिनकी भलाई खे हाँव मसीया का श्राँप-फींटकारा आपु गाशी लंणों खे; अरह् तिन्दें शा ज़ई रंहणों खे भे तियार असो।

2 कुरिन्थियों 1:14

जैष्णों तुँओं मुझ्शो कंई ऐ मानी पाव, के आँमें तुवाँरे तारीफ का कार्ण असो, तैष्णें ही तुँऐं भे प्रभू यीशू के देसे अमाँरे बारे दा तारीफ का कारण बणले।

2 कुरिन्थियों 1:6

जे आँमों दु:कल़ैष भेटो, तअ से तुँवारी शाँण्त्ति अरह् छुट्कारे की ताँईऐं असो; जिन्दें का असर लई तुँऐं धीरज-सबैर करियों सेजे दु:ख-कल़ैष संऐ पाव, जुण्जे आँमों भे सहणें पड़ो।

2 कुरिन्थियों 11:11

कियो? का ईन्देंखे के हाँव तुँओं आरी पियार ने करदा? पंण्मिश्वर ऐजो जाँणोंऐं के हाँव तुँओं शो पियार करू।

2 कुरिन्थियों 12:14

दे:खो, हाँव तुँओं कैई च़ीज़ाल़िऐं आँणों खे तियार असो; अरह् हाँव तुँओं गाशी किऐ भे भार-बोझ़ ने थंह्दी, किन्देंखे के हाँव तुँवारी घरोऊँचीं ने, परह् तुँओं ही चहाँऊ। किन्देंखे के नहाँन्ड़िया माँ-बाबा खे धंन कठो ने कर्णो पड़्दो, परह् माँ-बाबा ही नहाँन्ड़िया खे धंन कठो कर्णो पड़ो।

2 कुरिन्थियों 12:9

परह् प्रभू ऐ मुँखे बुलो, “मेरी कृपा ताँव्खे बैजाऐ असो; किन्देंखे के तुवाँरी कंमजूरी दे ही मेरी शक्त्ति पुरे रूप शी पर्गट हों;” ईन्देंखे हाँव बड़े आँनन्द शी आप्णी कंमजूरी गाशी घमन्ड करूबा; के मसीया की शक्त्ति मुँह गाशी छया कर्दी रंह्।

2 कुरिन्थियों 2:3

अरह् मुँऐ ऐजी ही बात तुँओं खे ईन्देखे लिखी, के कद्दी ऐशो ने हऐयों के मेरे आँणों गाशी, जिन कैई शी मुँह खुशी-आँनन्द भेटा चैई, हाँव तिन्ही शा ही उदास हंऊँ; किन्देंखे के मुँह तुँओं सोभी गाशी ईयों बातो का भूर्षा असो, के जू मेरा आँनन्द-खुशी असो, सेजी ही तुँओं सोभी के भे हऐ चेंई।

2 कुरिन्थियों 4:12

ऐशा दाँई मंऊँत्त आँमों गाशी असर पाँव, अरह् जीवन तुँओं गाशी।

2 कुरिन्थियों 7:2

आँमों खे आप्णे सासो दी जागा दियों। आँमें ना कोसी आरी अनियाँऐं करी थई, ना कोसी को किऐ बिगाड़ी थई, अरह् ना कोसी ठग्गी थई।

2 कुरिन्थियों 7:3

हाँव तुँओं नींचो दे:खाँणों खे ऐजो ने बुल्दा। किन्देंखे के मुँऐं आगे ही बुली थो, के तुँऐं अमाँरी सासो दे ऐशे बसी रूऐ, के आँमें तुँओं आरी मंर्णों जीऊँणों खे तियार असो।

गलातियौं 4:10

तुँऐं आपु खे कुँऐ खास देस, अरह् कुँऐं खास भीना, अरह् कुँऐ खास पर्भे, अरह् कुँऐ खास बर्ष कैई माँनों।

फिलिप्पियों 2:17

तुँवारा बिश्वाष ऐक बल़ी के रूप दा असो, अरह् जे मेरो लह्ऊँ तुँवारी बल़ी गाशी पेरी देईलो तअ हाँव भे तुँवारी खुशी आरी खुशी असो।

कुलुस्सियों 1:24

ऐबे हाँव तिनू दु:खो के जाँणें आँनन्द करू, जू हाँव तुँवारी ताँईऐं ऊठाऊँ; मसीया ऐ आप्णी देह्-शरीर मतल्व कलीसिया की ताँईऐं जू दु:ख भोगी थुवा, तिन्दी जुण्जी किऐ कंम्मीं-पैशी रंऐ रई, हाँव तियों आप्णी देह्-शरीर दी पुरी करूबा।

1 थिस्सलुनीकियों 2:8

अरह् तैष्णी ही आँमें भे तुँवारी हिछ़या कर्दें ना सिर्फ पंण्मिश्वर की खुषख्बरी गाशी आप्णे-आप्णे प्राण भे तुँओं खे देणों खे तैयार थिऐ, ईन्देंखे के तुँऐं अमाँरे प्यारे ज़ाऐ रूऐ थिऐ।

2 तीमुथियुस 2:10

ईन्देंके कारण हाँव च़ूंणें-छाटे अंदें लोगो की ताँईऐं सब-कुछ सऐन करू, के से भे तेसी छ़ुट्कारा जुण्जा के मसीया यीशू दा असो; से तेसी भे सदा की बड़ियाई आरी पाँव।

इब्रानियों 13:17

आप्णे अगुऐ के अज्ञाँ माँनों, अरह् तिनके बष दे रंह्, किन्देंखे के से तिनके जैष्णें तुवाँरे पराँणों खे बीऊँजी रंह्, जैष्णें के तिनकी ताँईऐं जिनू आप्णा लेखा-ज़ोखा देणा पड़ो, तिनकी अज्ञाँ माँनों जिन्दे लई तिनखे आँनन्द-खुशी भेटो, ऐशो ने के से तिनखे बोझ़ बंणों। किन्देंखे के तिन्दे लई तुँवारी किऐ भलाऐ ने हंदी।