2 कुरिन्थियों 12:14 - Sirmouri

¹⁴ दे:खो, हाँव तुँओं कैई च़ीज़ाल़िऐं आँणों खे तियार असो; अरह् हाँव तुँओं गाशी किऐ भे भार-बोझ़ ने थंह्दी, किन्देंखे के हाँव तुँवारी घरोऊँचीं ने, परह् तुँओं ही चहाँऊ। किन्देंखे के नहाँन्ड़िया माँ-बाबा खे धंन कठो ने कर्णो पड़्दो, परह् माँ-बाबा ही नहाँन्ड़िया खे धंन कठो कर्णो पड़ो।

सिरमौरी नौवाँ नियम

¹⁴ ऐबै, हांव तिजाल़ियों तोंवारै धोरे आणौ खै तैयार औसौ, औरौ औटेयौ हांव तुऔं कैईंदै कुणजै मौदद ना माँगदा। जिथुकै हांव तोंवारै जायदात नी, पौरौ तुऔं ही खै चोऊं। जिथुकै नानड़िया खै माँ-बापू कारिए धन कौठा नी कौरणा चैंई, पौरौ माँ-बापू खै नानड़िया कारिए धन कौठा कौरणा चैंई।

2 कुरिन्थियों 12:14 ပူးပေါင်းရင်းမြစ်များ

प्रेरितो कै काम 20:33

मुँऐ कद्दी भे कोसी के सुन्नें के चाँदी के खोट्णों का लोभ-लाल़्च ने करी थंई।

1 कुरिन्थियों 10:24

तुऐं आप्णी ही भलाऐ ने, परह् ओकी की भलाऐ कर्णो का भे ख्याल थुऐ।

1 कुरिन्थियों 10:33

जेष्णें हाँव सोभी बातो दे बादे लोग खुशी थंऊँ, अरह् आप्णा ही भला ने, परह् ओकी भहिते लोगों के फाय्दे का ख्याल थंऊँ, के तिनू सोभी खे छुट्कारा भेटो।

1 कुरिन्थियों 11:34

अरह् जे कुँऐं आप्णीं भूख सह्ऐन ने करी सको, तअ से आप्णे घरे शा खाऐ-पियों आँव, जू कोद्दी ऐशो ने हईयों के तुवाँरो कोठों हणों तुँओं खे सजा का जाँणें ने बंणों, बाकी बादी बातो हाँव आऐयों ठीक करूबा।

1 कुरिन्थियों 16:5

हाँव मकिदुनिया बाटी तुँओं कैई आँऊबा, किन्देंखे के मेरे मकिदुनिया बाटी ज़ाँणों ही ऐ।

1 कुरिन्थियों 4:19

जे प्रभू ऐ चहाँव, तअ हाँव तुँओं कैई शीघा ही आँदा, अरह् तिनू शियाँगीअंदे की बातो ने, परह् तिन्की शक्त्ति जाँणी पाऊँबा।

1 कुरिन्थियों 9:12

जबे ओकी का तुँओं गाशी ऐजा हंक-अधिकार असो, तअ कियों अमाँरा तुँओं गाशी इन शा जादा हंक-अधिकार आथी ने? परह् आँमें ऐजा हंक-अधिकार जताँदे ने; परह् आँमें सब-कुछ सह्ऐन करह्, के अमाँरे कारण मसीया की खुषख्बरी दी किऐ रूकाव्ट ने आँव।

1 कुरिन्थियों 9:18

तअ मुँखे कुँण्जा प्रत्तिफल़ असो? ऐजा के खुषख्बरी शुणाँणों खे प्रभू यीशू मसीया का प्रचार हाँव ऐई मुँझी मुफ्त शुणाँऊ; ऐथै तोड़ी के खुषख्बरी शुणाँणों का जू मेरा हंक-अधिकार असो, कियों हाँव सेजा भे सुवाँ करियों शुणाँऊ ने।

1 कुरिन्थियों 9:19

किन्देंखे के हाँव कोसी के बंष दा ने आथी, अजाद असो; तबे भे हाँव सोभी का दास-बैठू बंणाँ; किन्देंखे के हाँव भहिते लोग खीचियों लियाँऊ।

2 कुरिन्थियों 1:15

तैसी ही भूर्षे शो हाँव चहाऊँ थिया, के आगे तुँओं कैई आँऊ, के तुँओं आँमों दे:ख्णों का ऐक ओका मोंका भेंटो,

2 कुरिन्थियों 11:9

अरह् जबे हाँव तुँवारी गईलो थिया, अरह् मेरे किऐ कम्मी पड़ी, तअ हाँव कोसी गाशी बोह्झ़ ने बंणी; किन्देंखे के बिश्वाषी भाऐं मकिदुनिया शे आऐयों मेरी कम्मी पुरी करह् थिऐ; अरह् मुँऐं हर बात दा आप्णा बोह्झ़ तुँओं गाशी ने पाई, अरह् ना कद्दी पाँदी।

2 कुरिन्थियों 12:13

तुँऐं कियों बातो दे ओकी कलीसियों शे कंम थिऐ, सिर्फ ईन्देखे मुँऐ तुँओं गाशी आप्णा भार-बोझ़ ने पाई। मेरी ऐजी अ-नियाऐं माफ करह्।

गलातियौं 4:19

हे मेरे नहाँन्ड़िया! जाँव तोड़ी तुँऐं मसीया का रूप जिया ने बणे, ताँव-तोड़ी मुँऐं सुणों की जेई पिड़ो सह्ऐ लई।

फिलिप्पियों 4:1

ईन्देंखे हे मेरे प्यारे भाऐ-बईणों, जिंदा मेरा जिऊँ लागी रंह्, जू मेरा आनन्द, अरह् शीर का ताज असो, हे मेरे दोस्तो, प्रभू दे ऐष्णें ही अट्ल़ रंह्।

फिलिप्पियों 4:17

ऐजो ने के हाँव दाँण चहाँऊ, परह् हाँव ऐशा फल़ चहाऊँ; जुण्जा तुवाँरे फाय्दे खे बढ़दा ज़ाओं।

1 थिस्सलुनीकियों 2:11

तुँऐं जाँणो ऐ के बाबा केष्णाँ आप्णे नहाँन्ड़िया की गईलो बरताव करह्, तेष्णा ही आँमें भे तुँओं मुँझ्षा, ऐकी नाँम खे शिक्क्षा दियों, अरह् शाँण्ति देंदे सम्झाँव थिऐ

1 थिस्सलुनीकियों 2:8

अरह् तैष्णी ही आँमें भे तुँवारी हिछ़या कर्दें ना सिर्फ पंण्मिश्वर की खुषख्बरी गाशी आप्णे-आप्णे प्राण भे तुँओं खे देणों खे तैयार थिऐ, ईन्देंखे के तुँऐं अमाँरे प्यारे ज़ाऐ रूऐ थिऐ।