2 कुरिन्थियों 12:11 - Sirmouri

¹¹ हाँव मुरूख-ज़गर तअ बणा, परह् तुँऐं ही मुँह ऐष्णों कर्णो खे मंज्जबूर करा। तुँओं तअ तेरी तारीफ कर्णी पड़ो थी; किन्देंखे के जे हाँव किऐं भी ने आथी, तबे भे तिनू बड़े शे बड़े प्रभू यीशू के खास-चैले की बातो शा कंम ने आथी।

सिरमौरी नौवाँ नियम

¹¹ हांव मूर्ख तौ बौणा, पौरौ ऐजै तुऐं ही औसौ जिनुवै मुखै ऐशै कौरणौ कारिए मजबूर कौरा: तुऐं तौ मैरी तारीफ कौरणै चैंई थी, जिथुकै हांव कियौंई बै लायक ना आथी, तोबै बै तिनु चोणेयौंदे चैलै दा कोसी बात दा कम ना आथी।

2 कुरिन्थियों 12:11 ပူးပေါင်းရင်းမြစ်များ

लूका 17:10

अरह् तुँऐं भे ऐष्णें ही असो; बादी अज्ञाँ का पाल़्ण कर्णों पाछ़ी तुओं भे बुल्णों पड़ो, के आँमें नीलाऐक दास असो! के जुण्जो आँमों कर्णों पड़ो थियों, सेजा ही आँमें आप्णा फर्ज ही पुरा करा।”

1 कुरिन्थियों 13:2

अरह् जे हाँव बरंम्बाणीं करी सकू, अरह् बादे भैद् अरह् साँत-भाँते ज्ञाँन जाँणू सम्झू, अरह् मुँह ऐथै तोड़ी पुरा बिश्वाष हों, के हाँव धार-टिम्बड़ी भे हटाऐ देऊँ, अरह् हाँव पियार ने करू, तअ हाँव किऐ ने आथी।

1 कुरिन्थियों 3:22

का पौलुस, का अपुल्लोस, का कैफा, का संईसारी, का जीवन, का मंरण, का ऐजो जू होंदो लागो, अरह् का सेजो जू हंणों वाल़ो असो; ऐजो सब-कुछ तुवाँरो असो,

2 कुरिन्थियों 1:6

जे आँमों दु:कल़ैष भेटो, तअ से तुँवारी शाँण्त्ति अरह् छुट्कारे की ताँईऐं असो; जिन्दें का असर लई तुँऐं धीरज-सबैर करियों सेजे दु:ख-कल़ैष संऐ पाव, जुण्जे आँमों भे सहणें पड़ो।

2 कुरिन्थियों 11:1

जे मेरी दाँणिक मुरूख्ताऐं सह्ऐन कर्दे, तअ भलो होंदो; होर, मेरी सह्ऐन भी करो।

2 कुरिन्थियों 11:5

हाँव तअ ऐशो जाँणू, के हाँव कोसी बातो दा बडे़ शे बड़े प्रभू यीशू के खास-चैले शा कंम ने आथी।

2 कुरिन्थियों 12:12

प्रभू यीशू के खास-चैले के जिऐं भे तुँओं मुँझी सात्त-भाँत्ते धीरज आरी चींन, अरह् चंम्तकार के काम, अरह् शक्त्ति के काम भे दे:खाऐं गुऐ।

2 कुरिन्थियों 12:6

किन्देंखे के जे हाँव तारीफ कर्णी चहाऊँ भी तअ हाव मुरूख-ज़गर ने हंदी, किन्देंखे के साचे बुल़्णों खे; भे ढह्कनीं ज़ाँऊँ, के कद्दी ऐशो ने हईयों, जू कुँऐं मुँह दे:खो ऐ, के मेरी शुणों ऐ, से मुँह मेरे बुल़्णों शा भे जादा ने सम्झो।

2 कुरिन्थियों 3:1

कियों आँमें हजो आप्णी बड़ियाऐं कर्दें लागें? के आँमों ओकी लोगो की जेई सुपारिष की चिट्ठी तुँओं कैई लियाँणी, के तुँओं कैई शी लोंणी पढ़्दी?

2 कुरिन्थियों 5:13

जे आँमें बै-शुद्ध असो, तअ पंण्मिश्वर खे असो, अरह् जे संकन्नै असो, तअ तुँओं खे असो।

गलातियौं 6:3

किन्देंखे के जे कुँऐं कैथी ज़ूगा ने आथी, अरह् तबे भे आपु खे किऐ जाँणों, तअ से आपु आपु खें धोखा दियों।

इफिसियों 3:8

मुँखे जू पंण्मिश्वर के लोगो मुँझ्शा सोभी शा छुटा असो, मुँखे ऐजा बरंदाँण भेटी रूआ, के हाँव गऐर यहूदी खे मसीया की अपरंम-पार कृपा के खुषख्बरी शुँणाँऊ;