2 कुरिन्थियों 12:10 - Sirmouri

¹⁰ ईन्देखे हाँव मसीया खे कंमजूरी दा, अरह् निदया दा, अरह् गरीबी दा, अरह् हारकुँण्जी दा, अरह् संकटो-असाँनीं दा खुशी असो; किन्देंखे के जबे हाँव कंंमजोर हंऊँ, तबे ही हाँव बलवाँन बंणू।

सिरमौरी नौवाँ नियम

¹⁰ ऐसी बौजैह शै हांव मसीह कारिए कमजोरी दा, औरौ नेंदैया दा, औरौ कोष्टो दा, औरौ कौल़ेशौ दा, खुशी औसौ; जिथुकै जोबै हांव कमजोर होऊं, तौबी हांव मसीह कै शौकतै दा बलवान होऊं।

2 कुरिन्थियों 12:10 ပူးပေါင်းရင်းမြစ်များ

लूका 6:22

भाग्ईंत असो! तुँऐं जू आदमी के बैटे के ताँईऐंँ, लोग तुँओं आरी बईर कर्ले, अरह् तुवाँरी नीदया-चुगली लाँव, अरह् तुवाँरो नाँव बुरो जाँणियों काटी देले।

यूहन्ना 15:21

से ऐजो सब-कुछ तुवाँरी गंईलो मेरे कारण कर्दे, किन्देंखे के से मुँह डेयाल़्णों वाल़ा ने जाँण्दे।

प्रेरितो कै काम 5:41

खास-चैले आँन्दित्त-खुशी हऐयों तियों बड़ी खुम्ल़ी के च़ौत्रें शे आगु हुटे, के आँमों प्रभू यीशू के नाँम शे बै-ईज्त्ते करे गुऐ; ईन्देंखे आँमें बै-जाऐ भागोंईत्त असो!

रोमियों 5:3

सिर्फ ऐजो ही ने, परह् आँमें दु:ख कल़ेषो दा भे आँन्द करह्, ऐजो जाँणियों के कल़ेष शा धीरज,

1 कुरिन्थियों 4:10

आँमें मसीया खे ज़ोगर मुरूख असो, अरह् तुँऐं मसीया दे ऐक हऐयों बुद्धी-मान असो! आँमें कंमजोर असो, अरह् तुँऐं बलवान असो! तुँओं आदर-ईज्जत भेंटो, अरह् अमाँरी बैस्त्ति हों।

2 कुरिन्थियों 1:4

से अमाँरे ऐक नाँम दु:ख-कल़ैष दी शाँण्त्ति दियों; जू आँमें तियों शाँण्त्ति के जाँणें जू पंण्मिश्वर आँमों खे दियों, तिनू ओकी खे शाँण्त्ति देऐ सको; जू साँत्त-भाँत्ते दु:ख-कल़ैष दे पड़े अंदे असो।

2 कुरिन्थियों 10:18

किन्देंखे के जू आप्णी बड़ियाऐ करह् से ने; परह् जैस्की बड़ियाऐ प्रभू करह्, तैसी ही माँना ज़ाँव।

2 कुरिन्थियों 12:9

परह् प्रभू ऐ मुँखे बुलो, “मेरी कृपा ताँव्खे बैजाऐ असो; किन्देंखे के तुवाँरी कंमजूरी दे ही मेरी शक्त्ति पुरे रूप शी पर्गट हों;” ईन्देंखे हाँव बड़े आँनन्द शी आप्णी कंमजूरी गाशी घमन्ड करूबा; के मसीया की शक्त्ति मुँह गाशी छया कर्दी रंह्।

2 कुरिन्थियों 13:4

से तिनू कंमजूरी के कारण शुँल़ी-फ़ाँशी तअ चढ़ाऐ तअ गुऐ; तबे भी पंण्मिश्वर की शक्त्ति शे जीऊँदी असो। आँमें भे तिन्दें कंंमजोर असो, परह् पंण्मिश्वर की शक्त्ति शे जू तुँओं खे असो, तिनकी गईलो जींऊँबे।

2 कुरिन्थियों 13:9

जबे आँमें कंंमजोर असो, अरह् तुँऐं बलवाण असो, तअ आँमें आँन्दित्त-खुशी हों, अरह् ऐजी प्रार्थना भे करह्, के तुँऐं शुद्ध हऐ ज़ाँव।

2 कुरिन्थियों 4:17

किन्देखे के अमाँरा ऐगड़ी का दाँणिंक जिया कल़ेष आँमों खे बैजाऐ प्रभू यीशू के अरह् हमेशा की बड़ियाऐं पय्दा करदा ज़ाँव जिन्दें बरा-बरी ने करी ज़ादी;

2 कुरिन्थियों 4:5

किन्देंखे के आँमें आपु खे ने, परह् मसीया यीशू का प्रचार करह्, के से प्रभू असो; अरह् आप्णें बारे दो ऐजो बुलो, के आँमें यीशू के जाँणें तुवाँरे दास असो।

2 कुरिन्थियों 5:15

अरह् से सोभी की ताँईऐं मरे, जू जीऊँदें असो, से हजो आपु खे ने जींयों, परह् तिनखे जू तिनकी ताँईऐं मरे, अरह् हजो पाछु ऊबा जींयों।

2 कुरिन्थियों 5:20

ईन्देंखे आँमें मसीया के राज-दूत्त असो; सम्झों पंण्मिश्वर अमाँरे जाँणें बिन्नती करी लऐ। आँमें मसीया की ढबे शी बिन्नती करह्, के पंण्मिश्वर की गईलो मेल-मिलाप करी पाव।

2 कुरिन्थियों 6:4

परह् हर बातो दे पंण्मिश्वर के दासो की जिऐ आप्णें आछे गुण पर्गट करह्, बैजाऐ सबेर शे कल़ेष दे गरीब दे, कष्टो दे,

2 कुरिन्थियों 7:4

मुँऐं तुँओं खे हिम्मत्त करियों बुली लुओं, के मेरे तुँओं गाशी बैजाऐ नाँज असो; हाँव शाँण्त्ति शा भरी रूआ। आप्णें बादे कंल़ेष दा हाँव आँनन्द शा बैजाऐ खुशी हऐ रूवा।

इफिसियों 6:10

आखरी दो हाँव तुँओं खे ऐजो बुल्णों चहाँऊ; के प्रभू दे पाक्के हऐयों, प्रभू की पुरी शक्त्ति आरी आपु आपु खे शक्त्तिशाली बणाँओं।

फिलिप्पियों 1:29

किन्देंखे के मसीया के जाँणें तुँओं गाशी ऐजी कृपा हऐ रऐ, तेस गाशी सिर्फ बिश्वाष ही ने करे, परह् तिनकी ताँईऐं दु:ख भे भूगो,

कुलुस्सियों 1:24

ऐबे हाँव तिनू दु:खो के जाँणें आँनन्द करू, जू हाँव तुँवारी ताँईऐं ऊठाऊँ; मसीया ऐ आप्णी देह्-शरीर मतल्व कलीसिया की ताँईऐं जू दु:ख भोगी थुवा, तिन्दी जुण्जी किऐ कंम्मीं-पैशी रंऐ रई, हाँव तियों आप्णी देह्-शरीर दी पुरी करूबा।

2 थिस्सलुनीकियों 1:4

ऐथै तोड़ी के आँमें आपु पंण्मिश्वर की कलीसिया दो तुवाँरे बारे दा तारीफ करह्, के जै-तोड़े कल़ेष अरह् कठणाँऐं तुँऐं सऐन करी, तिन्दे लई तुवाँरा धीरज अरह् बिश्वाष पर्गट हों।

2 तीमुथियुस 3:11

अरह् तुओं कैई ऐजा पता हला, के अन्ताकिया ईलाके दे, अरह् इकुनियुम अरह् लुस्त्रा नंगर दे मुँह गाशी, कैष्णें-कैष्णें अत्त्याचार हुऐ, तबे भी तिन्दें मुँझ़्शा प्रभू ऐ मुँह बंचाऐ दिता।

याकूब 1:2

“हे भाऐ बंईणों, जबे तुँऐं ओकी बातो की परख-अजमाँऐषों दे पड़ो तअ ऐजी बादी बातो मंजे की ही बातो जाणों।

प्रकाशितवाक्य 2:3

तुऐं धीरज-सबेर थुऐ, अरह् मेरे नाँव खे दु:ख्ह भोग्दे-भोग्दे तुँऐं खड़िन्दें ने आथी।