2 कुरिन्थियों 10:8 - Sirmouri

⁸ किन्देंखे के जे हाँव तेसी हंक-अधिकार के बारे दा किऐं जादा शियाँगीऊँ, के किऐ दे:खावा करू, जुण्जा प्रभू ऐ तुँओं बिगाड़्णों खे ने, परह् तुँओं बंणाँणों खे आँमों खे देऐ थुवा; तअ हाँव तिन्दा शर्मिन्दा ने हंदी।

सिरमौरी नौवाँ नियम

⁸ जिथुकै जै हांव तैसी औधिकार कै बारै मुंजी हौजौ बै घमण्‍ड दिखोऊ, जू प्रभुए तोंवारै बिशवाश खै नाश कौरणौ कारिए नी पौरौ तोंवारै बिशवाश खै बौढ़ाणौ दै मौदद कौरणौ कारिए आमु दैय राखा, तौ शर्मिंदा ना हौंदा।

2 कुरिन्थियों 10:8 ပူးပေါင်းရင်းမြစ်များ

2 कुरिन्थियों 1:24

ऐजो ने के आँमें बिश्वाष के बारे दा तुँओं गाशी हंक-अधिकार जमाँणा चहाँव; परह् तुवाँरे आँनन्द-खुशी के साथी असो, किन्देंखे के तुँऐं बिश्वाष दे ही पाक्कै रंह।

2 कुरिन्थियों 10:4

किन्देंखे के अमाँरी लड़ाई के हथ्यार देह्-शरीर के ने आथी, परह् गढ़ ढाल़्णों खे पंण्मिश्वर के कारण शक्त्तिशाली असो।

2 कुरिन्थियों 10:9

ऐजो ईन्देंखे बुलू, के चिट्ठी-पत्री के जाँणें तुँओं डराँणों वाल़ा ने बंणू।

2 कुरिन्थियों 12:19

तुँऐं हेभी तोड़ी समझी रूऐ हले, के आँमें तुँओं कैई सफाऐ देऐ लऐ। आँमें तअ पंण्मिश्वर हाजिर जाँणिंयों मसीया दो बुलो; अरह् हे प्यारे, भाऐ बंईणों बादी बातो तुँवारी ही बड़ोत्री खे करह्।

2 कुरिन्थियों 12:6

किन्देंखे के जे हाँव तारीफ कर्णी चहाऊँ भी तअ हाव मुरूख-ज़गर ने हंदी, किन्देंखे के साचे बुल़्णों खे; भे ढह्कनीं ज़ाँऊँ, के कद्दी ऐशो ने हईयों, जू कुँऐं मुँह दे:खो ऐ, के मेरी शुणों ऐ, से मुँह मेरे बुल़्णों शा भे जादा ने सम्झो।

2 कुरिन्थियों 13:10

मुँऐं दुर्के रंऐयों ऐजी बातो ईन्देखे लिखी लई, के तेथै हाजीर हणों गाशी मुँह प्रभू के जाँणें दिते गुऐ हंक-अधिकार ईसत्तेमाल़ शक्त्ती शा ने करणा पड़ो; ऐसी हंक-अधिका का मंतलव बड़ोत्री असो, नाष करणा ने आथी।

2 कुरिन्थियों 13:8

किन्देंखे के आँमें सच्चाई के बिरूध दो किऐ ने करी सक्दे, परह् सच्चाई खे ही करी सको।

2 कुरिन्थियों 7:14

ईन्देखे के जे मुँऐं तुवाँरे बारे दा तीतुस के साम्णें तारीफ दे:खाऐ, तअ हाँव बै-ईज्जता ने हई, परह् जैष्णी आँमें तुँओं कैई बादी बातो साच्चै-साच बुली थई थी, तैष्णा ही अमाँरा तारीफ दे:खाणी भे तीतुस के साम्णें भी साच्चा नींक्ल़ी।

2 कुरिन्थियों 7:4

मुँऐं तुँओं खे हिम्मत्त करियों बुली लुओं, के मेरे तुँओं गाशी बैजाऐ नाँज असो; हाँव शाँण्त्ति शा भरी रूआ। आप्णें बादे कंल़ेष दा हाँव आँनन्द शा बैजाऐ खुशी हऐ रूवा।

गलातियौं 1:1

संत्त-पौलुस के जू ना आदमी के ढबे शा, अरह् ना आदमी के जाँणें, परह् यीशू मसीया अरह् परंम-पिता पंण्मिश्वर के जाँणें, जिन्ऐं तेसी मरे अंदे मुझ्षा जियाल़ा प्रभू यीशू के खास-चैला असो,

2 तीमुथियुस 1:12

ऐजा ही कारण असो, के हाँव दु:ख्ह भे संऐन करू, परह् तिन्दा हाँव सरमाँदा ने आथी; किन्देंखे के हाँव ऐजो जाँणू ऐं के मुँऐ कंस्दा बिश्वाष करी थुवा, अरह् मेरे ऐजी पुरी ढैठ असो, के से तेसी देसो तोड़ी मेरी रंक्षा पुरी कर्णों ज़ूगै शक्त्ति शाली असो।