2 कुरिन्थियों 10:2 - Sirmouri

² हाँव ऐजी ढाल-अरज करू, के तुवाँरे साम्णें मुँह निडर हऐयों हिम्मत्त कर्णी ने पड़ो, जैष्णाँ हाँव कुछ लोगो गाशी जू आँमों देह्-शरीर के मुताबिक चाल्णों वाल़े जाँणों, तिनखे हाँव शक्त्ताई दे:खाँऊ तैष्णों मुँह तुँओं आरी ने कर्णो पड़ो।

सिरमौरी नौवाँ नियम

² हांव ऐजी बिन्ती कौरु, कै किछै लोगै बौल़ौ कै आमु इयौं दुनिया कै लोगौ कै जैशणै काम कौरु। इथकारिए जोबै हांव आन्दा तौ मुखै उम्मीद औसौ कै मुखै तिनकै साथै सख्त हौणौ पौड़दौ। हांव मोजबूती शै हौयौ बिन्ती कौरु कै जोबै हांव आन्दा तौ मुखै तोंवारै साथै ऐसी दुनिया कै लोगौ कै जैशणा बर्ताव ना कौरणा पौड़ौ।

2 कुरिन्थियों 10:2 ပူးပေါင်းရင်းမြစ်များ

रोमियों 8:1

तअ: ऐबे जू मसीया यीशू के असो, तिनू् गाशी पंणमिश्वर की सजा के अज्ञाँ ने आथी। (किन्देंखे के से देह्-शरीर के मंन की बुरी हिछ़ा शे ने, परह् पबित्र-आत्त्मा की हिछ़ा शे चालो।)

रोमियों 8:4

ईन्देंखे के ऋषी-मूसा खे भेटे गुऐं निय्म आँमों दे अमाँरे पापी सुभाव के मुताबिक ने, परह् पबित्र-आत्त्मा के मुताबिक चालो, से पुरी करी ज़ाँव।

रोमियों 8:5

जुण्जे आदमी आप्णें पाप के सुभाव शे जीयों, सेजे आदमी आप्णा मंन, पापी सुभाव की बातों दा लाँव, परह् जुण्जा आदमी पबित्र-आत्त्मा के हिसाब शा जीयों, सेजा आदमी पबित्र-आत्त्मा की बातों दा आप्णा मंन लाँव।

2 कुरिन्थियों 1:17

ईन्देंखे मुँऐ जे ऐजी हिछ़या करी, तअ कियो मुँऐ किऐ याँणीं मंत्त-शीख दे:खाऐ? के जुण्जो किऐ कर्णो चहाऊँ, कियों देह्-शरीर के मुँताबिक कर्णो चहाऊँ, के हाँव बातो दी “हाँ के हाँ” भे करू, अरह् “नहाँ के नहाँ” भे करू?

2 कुरिन्थियों 11:21

मेरा बुल़्णों बैस्ती कर्णी जेऐ असो; ऐशो जाँणों के आँमें ईन्देंखे कंंमजोर जिऐ थिऐ। परह् जियों कोसी बातो दी कुऐं हिम्मत्त करह् हाँव मुँरूख्ता शो बुलू, तअ हाँव भे हिम्मत्त करू।

2 कुरिन्थियों 13:10

मुँऐं दुर्के रंऐयों ऐजी बातो ईन्देखे लिखी लई, के तेथै हाजीर हणों गाशी मुँह प्रभू के जाँणें दिते गुऐ हंक-अधिकार ईसत्तेमाल़ शक्त्ती शा ने करणा पड़ो; ऐसी हंक-अधिका का मंतलव बड़ोत्री असो, नाष करणा ने आथी।

2 कुरिन्थियों 13:2

जेष्णाँ हाँव जबे दुज़ाल़िऐं तुँआँरी गईलो थिया, तेष्णा ही ऐबे दुरका रंह्दे, तिनू लोगो शा जिन्ऐं आगे पाप करा, अरह् ओके बादे लोगो खे ऐबे आगे ही बुली देऊँ, के जे हाँव हजो तुँओं कैई आँऊबा तअ हाँव सेजे पापी छुड़्दी ने;