2 कुरिन्थियों 1:7 - Sirmouri

⁷ अमाँरा भूर्षा तुवाँरे बारे दा पाक्का असो, किन्देंखे के आँमें जाँणोंऐं, के तुँऐं जैष्णें अमाँरे दु:ख-कल़ैष दे, तैष्णें ही अमाँरी शाँण्त्ति दे भे बराबर के हिस्सेदार असो।

सिरमौरी नौवाँ नियम

⁷ औरौ अमारै आशा तोंवारै बारै मुंजी मोजबूत औसौ, जिथुकै आमु जाणुए कै जैशैखै तुऐं अमारै दुखो दै शामिल औसौ, तैशैखैई अमारै तसल्ली दै बै शामिल हौंदै।

2 कुरिन्थियों 1:7 ပူးပေါင်းရင်းမြစ်များ

मत्ती 23:30

‘जे आँमें आप्णे नाना-बाबा के बख्तो दे हंदे, तअ पंणमिश्वर की बरंम्बाणीं कर्णो वाल़े, की हंत्त्या कर्णो खे तिनके लह्ऊँ के साजी ने बंण्दी थी।’

1 कुरिन्थियों 10:13

कुऐं ऐशी परख तुँओं गाशी ने पढ़ो, जुण्जी सोभी खे ऐक भाँत्ती ने हों, पंणमिश्वर बिश्वाष ज़ूगै असो; से तुँओं कोसी ऐशी परख दे ने पढ़णों दियों, जुण्जी परख तुँवारी सहणों जूगी ने हों, परह् से परख आरी तिन्दा का ऊपाया भे कर्दे; जू तुऐं सह्ऐन करी सको।

2 कुरिन्थियों 1:14

जैष्णों तुँओं मुझ्शो कंई ऐ मानी पाव, के आँमें तुवाँरे तारीफ का कार्ण असो, तैष्णें ही तुँऐं भे प्रभू यीशू के देसे अमाँरे बारे दा तारीफ का कारण बणले।

2 कुरिन्थियों 12:20

किन्देंखे के मुँह डरह् असो, कद्दी ऐशो ने हईयों के हाँव आऐयों जेष्णों चहाँऊ, तेष्णें तुँओं ने दे:खू; अरह् मुँह भी जेष्णाँ तुँऐं ने चहाँदें तेष्णा ही दे:खो; अरह् तुँओं मुंझी झगड़ा, डाह, कोरूध, बिरोध, रीष, चुगली, घमन्ड, अरह् बखैड़ा हों;

2 कुरिन्थियों 7:9

ऐबे हाँव खुशी असो, परह् ईन्देंखे ने, के तुँओं खे दु:ख भेटा, परह् ईन्देखे के तेसी दु:ख के कारण ही तुँऐं आप्णा मंन बद्ल़ा, किन्देंखे के तुवाँरा दु:ख पंण्मिश्वर के मुताबिक थिया, के अमाँरी ढबे शा तुँओं खे कोसी बातो दा किऐ नुकसाँन ने हों।

2 तीमुथियुस 2:12

जे आँमें दु:ख्ह सबैर माँरियों संह्दे भे रंऊँबे: तअ तिनकी गईलो आँमें राज भे जरूर कर्दे; जे आँमें तिनू छुड़ी देऊँबे, तअ से भे आँमों छुड़ी देंदे।

2 तीमुथियुस 3:11

अरह् तुओं कैई ऐजा पता हला, के अन्ताकिया ईलाके दे, अरह् इकुनियुम अरह् लुस्त्रा नंगर दे मुँह गाशी, कैष्णें-कैष्णें अत्त्याचार हुऐ, तबे भी तिन्दें मुँझ़्शा प्रभू ऐ मुँह बंचाऐ दिता।

याकूब 1:12

भागोईत असो! सेजा आदमी जू परख दा डटा अंदा रंह्, अरह् से परख दा पास हऐयों सेजो जीवन को मुँकुट-ताज लंह्दा, जिन्दे का बाय्दा प्रभू ऐ आप्णें पियार कर्णो वाल़े आरी करी थुवा।

प्रकाशितवाक्य 1:9

हाँव यूहन्ना, जू तुवाँरा भाऐ अरह् प्रभू यीशू के कल़ेष अरह् राज्य अरह् धीरज दा तुवाँरा साजी असो, पंण्मिश्वर के बचन अरह् प्रभू यीशू की गुवाऐ-शाज़्त्त के कारण हाँव पतमुस नाँव के टापू दा थिया।