2 कुरिन्थियों 1:20 - Sirmouri

²⁰ किन्देंखे के पंण्मिश्वर के जै-तोड़े बाय्दे असो, से ईन्दी ही “हाँ” आरी हों। ईन्देंखे तिनके जाँणें आमीन भे हऐ, के अमाँरे जाँणें पंण्मिश्वर के बड़ियाऐं हों।

सिरमौरी नौवाँ नियम

²⁰ जिथुकै पौरमेशवर कै जैतरै वादै औसौ, सैजै सौबै मसीह दै पूरै हौंव, इथकारिए आमै आमीन बुलू, कै अमारै दवारा पौरमेशवर कै महिमा हौंव।

2 कुरिन्थियों 1:20 ပူးပေါင်းရင်းမြစ်များ

मत्ती 6:13

आँमों पाप कर्णो की परख दे ने पाऐ, परह् बुराई पाप शे बंचाऐ; (किन्देखे के राज्य अरह् प्राकर्म अरह् बड़ियाऐं सदा-सदा तेरी ही असो।’ आमीन।)

लूका 2:14

“अस्माँनों दे पंण्मिश्वर के बड़ियाऐं, अरह् धर्ती गाशी तिनू आदमी गाशी जिन शे से खुशी असो, तिनू शाँण्त्ति भेंटली।”

यूहन्ना 1:17

ज्ञाँन-निय्म जरूर ऋषी-मूसा के जाँणें भेटे थिऐ; परह् कृपा अरह् संच्चाऐ यीशू मसीया के जाँणें पंह्ऊँच़ीं।

यूहन्ना 14:6

प्रभू यीशू ऐ तेस्खे जबाब दिता, “हाँव ही बाट्, सच्चाऐ अरह् जीवन असो; मेरे बीना कुँऐ भे बाबा कैई ने ज़ाँऐ सक्दा।

यूहन्ना 3:5

प्रभू यीशू ऐ तेस्खे जबाब दिता, के “हाँव ताँव्खे ऐक खास बात बुलू; के जाँव तोड़ी कुँऐं आदमी पाँणी अरह् आत्त्मा शा जन्म ने लंह्दा, ताँव-तोड़ी से पंण्मिश्वर के राज्य दा हाजिर ने हऐ सक्दा।

रोमियों 11:36

किन्देंखे के तिनकी ही ढबे शे, अरह् तीनी ही के जाँणें, अरह् तीनी हीं खे ही सब-कुछ असो। तिनकी बड़ियाऐ ज़ूगौ-ज़ूगौ दी हंदी रंह्: आमीन!

रोमियों 6:23

किन्देंखे के पापो की मजदूरी तअ मंऊँत्त असो, परह् पंणमिश्वर का बर्दांण अमाँरे प्रभू यीशू मसीया दा अमर-जीवन असो।

1 कुरिन्थियों 14:16

ना, तअ जे तू आत्त्मा ही शा पंणमिश्वर का धन्यबाद करला, तअ तबे अजाँण्दे लोग तेरे धन्यबाद गाशी आमीन किया-किया बुल्दे? किन्देंखे के सेजे लोग तअ जाँण्दे ने के तुँऐं का बुली लो?

2 कुरिन्थियों 4:15

किन्देंखे के बादी चींजो तुँओं खे असो, जू कृपा भहिते के जाँणें बैजाऐ हऐयों पंण्मिश्वर की बड़ियाऐ खे धन्यबाद भी बढ़ाव।

2 कुरिन्थियों 4:6

किन्देंखे के पंण्मिश्वर ही असो, जिन्ऐं बुलो, “ईनाँरें मुँझ्शी ज्योत्ति-चंम्को,” अरह् सेही अमाँरे सासो दी चंम्की, के पंण्मिश्वर की बड़ियाऐ की पंछ़याँण की चंम्क यीशू मसीया के मुँख्ड़े शी प्रकाषमाँन हऐ।

गलातियौं 3:22

परह् पबित्र-ग्रन्थों दे ऐजी घोष्णा करी थऐ, के बादी संईसारी पाप के बष दी असो; जू ऐजा निय्म, जिन्दें का हिस्सा यीशू मसीया दा बिश्वाष का करणा असो; से बिश्वाष कर्णो वाल़े खे पुरा हऐ ज़ाँव।

इफिसियों 1:6

के तिनकी अपार बड़याई के कृपा स्तुत्ति हों; सेजी कृपा आँमों खे तिनके बैजाऐ प्यारे बैटे के जाँणें ऐई मुँजी भेंटी।

इफिसियों 2:7

पंण्मिश्वर ऐ आँमों खे जुण्जी दयालुत्ता यीशू मसीया दे देंखाऐ, तिन्दें लंई आँमों खे आँणों वाल़े ज़ूगौ दे आप्णी अपार कृपा के मुँताबिक देखाऐ दिती;

कुलुस्सियों 1:27

जिन कैई पंण्मिश्वर ऐ पर्गट करणा चाया, के तिन कैई ऐजा ज्ञाँन हों, के गऐर यहूदी कैई तेसी भेद् की बड़ियाऐ का मोल का असो, अरह् से ऐजो असो, के मसीया जेस्दा बड़ियाऐ का भूर्षा असो, से तुँओं दे बास करह्।

2 थिस्सलुनीकियों 1:10

ऐजो तेसी देसे होंदो, जबे से आप्णे पबित्र लोगो शी बड़ियाऐ अरह् बादे बिश्वाष कर्णें वाल़े मुँझ़ी हेरानी के कारण आँदे; किन्देंखे के तुँऐं अमाँरी गुवाह्-शाज़्त्त गाशी बिश्वाष करा।

इब्रानियों 11:13

तेसी बाय्दे का फ़ल़ भेंटे बिना से बिश्वाष कर्दे मंरी भे गुऐ; परह् तिनू सेजी बाय्दें करी अंदी चींजों ताँव तोड़ी ऊँडी ने भेटी रंई थी, अरह् तिन्ऐ सेजी चींजो दुर्के शी ही देखी, अरह् तिनू चीजों का स्वागत्त करियों तिन्ऐ पंण्मिश्वर का धन्यबाद करा; किन्देंखे के से आपु खे ईयों धर्ती गाशी प्रदेशी अरह् बाईले लोग माँनों थिऐ।

इब्रानियों 13:8

प्रभू यीशू मसीया आगे भे अरह् ऐत्त्लो भे अरह् हजो भे ज़ूगौ-ज़ूगौ तोड़ी ऐक-भाँत्ते ही असो।

इब्रानियों 7:6

परह् जबे मलिकीसिदक लेबी के बंष-गड़ी का भे थी ने, तबे भे तेस्खे बाबा-अब्राहम कैई शा दषंवाँ-भाग भेंटा; अरह् जेसी बाबा-अब्राहम आरी पंण्मिश्वर ऐ बाय्दा करी थुवा थिया, तेस्खे भे तेने आशिर्बाद दिता।

1 पतरस 1:12

तिन कैई शो ऐजो दे:खाव गुओं थियों, के तिनू बातो का बचन का बखाँण कर्दे से आप्णी ने परह् तुँवारी सेवा करह् थिऐ। सेजी बातो स्वर्गो शी भेजी गई पबित्र-आत्त्मा के जाँणें तुँओं खे खुषख्बरी की शिक्शा देणों वाल़े के जाँणें बुली गई थी, अरह् तिनू बातो जाँण्णों खे तअ स्वर्गो के दूत भे तर्शोऐ।

1 यूहन्ना 5:11

सेजी गुवाऐ-शाज़्त ऐजी असो: के पंण्मिश्वरे आँमों खे अमर-जीवन देऐ थुवा, किन्देंखे के सेजा अमर-जीवन तिनके बैटे दा असो।

प्रकाशितवाक्य 3:14

“लौदीकिया नंगर की कलीसिया के दूत्त खे ऐजो लिख: “जू आमीन अरह् बिश्वाष ज़ूगा अरह् साच्चा गुवाह्-शाज़्त्त असो, अरह् पंण्मिश्वर की सिर्ष्टी की उत्त्पत्ति का खास कारण असो, से ऐजो बुलो:

प्रकाशितवाक्य 7:12

“आमीन! अमाँरें पंण्मिश्वर के स्तुति अरह् बड़ियाऐं अरह् ज्ञाँन अरह् धन्यबाद अरह् आदर अरह् पराकर्म अरह् शक्त्ति ज़ूगौ-ज़ूगौ तोड़ी बंणी रंह्। आमीन!”