2 कुरिन्थियों 1:12 - Sirmouri

¹² किन्देंखे के आँमें आप्णे बिचारो के गुवाऐ-शाज़्त गाशी तारीफ करह्, के संईसारी दे प्रभू यीशू के जाँणें तुवाँरे बिचो दा, अमाँरा चाल-चल्ण पंण्मिश्वर ज़ूगा ऐशा पबित्र अरह् सच्चाई आरी थिया, जू देह्-शरीर की अज्ञाँ शा ने परह् पंण्मिश्वर की कृपा आरी थिया।

सिरमौरी नौवाँ नियम

¹² जिथुकै आमु गर्व औसौ कै अमारा विवेक साफ औसौ, कै दुनिया दा औरौ खास कौरेयौ तोंवारै बीच अमारा चरित्र जू पौरमेशवर कै ढौबौशा औसौ ऐशणी पवित्रता औरौ सौचाई कै साथै थिया, आमु आदमियों कै ज्ञान पांदी भोरोशा ना राखु। पौरौ पौरमेशवर कै अनुग्रह पांदी राखु।

2 कुरिन्थियों 1:12 ပူးပေါင်းရင်းမြစ်များ

प्रेरितो कै काम 23:1

संत्त-पौलुस ऐ तियों बड़ी खुम्ल़ी की ढबे नीह्जाऐयों देखियों बुलो; “हे भाईयों! मुँऐं हेबी तोड़ी पंण्मिश्वर की नंजरी दा पबित्र-शुद्ध जीवन बिताँऐ थुवा।”

प्रेरितो कै काम 24:16

ईन्देंखे हाँव पंण्मिश्वर अरह् आदमी की नंजरी दे आप्णीं अंन्त्तर-आत्त्मा अरह् जमीर सदा नींर-दोष रंहणों के कोशिष करदा रंऊँ।

रोमियों 9:1

हाँव मसीया के नाँव शो साचो बुलू, झूठों ने बुल़्दा, अरह् मेरी अंन्त्तर-आत्त्मा भे पबित्र-आत्त्मा के जाँणें मुँखे बिश्वाष दियाँव,

1 कुरिन्थियों 1:17

किन्देंखे के मसीया ऐ मुँह नहाँण-नुहाँणों खे ने, परह् पंणमिश्वर की खुषख्बरी शुणाँदा डियाल़ी थुवा, अरह् सेजा भे शब्दो के ज्ञाँन के मुताबिक ने, ऐशो ने हईयों के मसीया के शुँल़ी-फ़ाँशी कुरबाँणी बै-कार ज़ाँव।

1 कुरिन्थियों 12:8

जैष्णी के ऐकी खे पबित्र-आत्त्मा के जाँणें बुद्धी की बातो देंई, अरह् ओकी खे तियों ही पबित्र-आत्त्मा के जाँणें ज्ञाँन की बातो देई ज़ाँव।

1 कुरिन्थियों 15:10

परह् हाँव जू किऐ भे असो ऐ, से पंणमिश्वर की कृपा शा असो; तिनकी कृपा जू मुँह गाशी हऐ से बै-कार ने गई; परह् मुँऐं तिनू सोभी शी जादा मेंह्न्त भे करी; तबे भे मेंह्न्त कर्णो वाल़ा हाँव ने परह् पंणमिश्वर असो, जिनकी कृपा मेरी गईलो रऐ।

1 कुरिन्थियों 2:13

आँमें तिनखे जू आत्त्मिक असो, आत्त्मिक बातो का बखाँण आदमी के ज्ञाँन की भाषा दा ने; परह् आत्त्मिक भाषा दा शुणाँव।

1 कुरिन्थियों 4:4

किन्देंखे के मेरा मंन मेरी अन्तर-आत्त्मा मुँह कियों भे बातो दा कसूरबार ने बाण्दें, परह् ईन्दें लई हाँव बै-कसूर ने बंण्दी, किन्देंखे के मेरा पर्खणों वाल़ा प्रभू असो।

1 कुरिन्थियों 5:8

ईन्देखे आओ आँमें तियारो दी खुशी मंनाँऊबे ना तअ पुराँणी खटाई शी अरह् ना बुराई की दुष्टता की खटाई शी, परह् सच्चाई अरह् सीधाई की अखमीरी रोटी शी।

2 कुरिन्थियों 1:17

ईन्देंखे मुँऐ जे ऐजी हिछ़या करी, तअ कियो मुँऐ किऐ याँणीं मंत्त-शीख दे:खाऐ? के जुण्जो किऐ कर्णो चहाऊँ, कियों देह्-शरीर के मुँताबिक कर्णो चहाऊँ, के हाँव बातो दी “हाँ के हाँ” भे करू, अरह् “नहाँ के नहाँ” भे करू?

2 कुरिन्थियों 11:3

पर हाँव डरूऐं के जैष्णी शंगाव ऐं आप्णी चलाकी शी हव्वा बकाऐ थी, तैष्णें ही तुवाँरे मंन तियों सच्चाई, अरह् पबित्रता शे जू मसीया की गईलो हऐ चेंई, तिन्दें शे भ्रष्ट ने करी दियों।

2 कुरिन्थियों 2:17

किन्देंखे के आँमें ईनू भहीते जैष्णें ने आथी, जू पंण्मिश्वर के बचन दी मिलावट करह्; परह् मंन की सच्चाई शे अरह् पंण्मिश्वर की ढबे शे पंण्मिश्वर हाजिर जाँणियों मसीया दो बुलो।

2 कुरिन्थियों 4:2

परह् आँमें बै-शर्मी की अरह् चुप्पी की काँम-काज़ छ़ुड़ी दिती, ना चपलुसी शे चाल्दे, अरह् ना पंण्मिश्वर के बचन दी किऐं मिलावट कर्दे; परह् सच्चाऐ पर्गट करियों, पंण्मिश्वर के साम्णें ऐक नाँम आदमी के मंन दी आप्णी भलाऐ बईठाल़ो।

2 कुरिन्थियों 8:8

हाँव अज्ञाँ के हिसाब शे ने, परह् ओकी के होंस्ले शे तुवाँरे पियार की सच्चाई की परख खे बुलू।

गलातियौं 6:4

परह् ऐक नाँम आदमी आप्णी काँम-काज़ के जाँच परख करह्, अरह् तबे अंण-जाँण के बारेदे ने, परह् आप्णें ही बारे दा तेसी तारीफ कर्णो का मोका भेट्ला।

इफिसियों 6:14

सच्चाई शी आप्णी कमरी दी गाच़ी भिड़ो, अरह् धार्मिक्त्ता का सोजूवा बाँम्बियों;

फिलिप्पियों 1:10

ऐथे तोड़ी के तुँऐं आच्छ़ी शी आच्छ़ी बातो प्यारी जाँणो, अरह् मसीया के देसो तोड़ी साच्चै अरह् बै-कसूर बणे अँदें रंह् अरह् तुऐं ढैस-ठूकर ने खाँव,

1 थिस्सलुनीकियों 2:10

तुँऐं आपु ही गुवाह्-शाज़्त्त असो, अरह् पंण्मिश्वर भे गुवाह्-शाज़्त्त असो, के तुँऐं बिश्वाषी मुँझी अमाँरा बरताव केष्णा पबित्र, धार्मिक अरह् नीर्दोष रूवा।

1 तीमुथियुस 1:5

अज्ञाँ का मंतल्व ऐजा असो, के शुद्ध मंन अरह् आछे बरताव, अरह् बिना कऊँट्ल़े बिश्वाषों लई प्यार पय्दा हों।

तीतुस 2:7

बादी बातो दे आपु-आप्खे भले काँम-काज़ खे ऐक नंमुना बंणो। तेरी शिक्क्षा दी सफाऐ, गम्बीरता,

इब्रानियों 13:18

आँमों खे प्रार्थना करिया करह्, किन्देंखे के आँमों भुर्षा असो, के अमाँरी अंन्त्तर-आत्त्मा शुद्ध असो। अरह् अमाँरी सेजी ही कोशिष रंह्, के अमाँरा जीवन ऐक नाँम बातो दा आदर-ईज्जत ज़ूगा हों।

याकूब 4:6

पंणमिश्वर आँमों खे बैजाऐ कृपा दियों, ईन्देंखे पबित्र-ग्रन्थों दो ऐजो लिखी थो: “पंणमिश्वर घमंन्डियों के बिरूध रंह्, अरह् गरीब-दीन नंरमाँई वाल़े लोगों खे आप्णी कृपा-रंय्म अरह् शाँण्त्ति दियों”,

1 पतरस 3:16

अरह् तुवाँरा बिचार-जमीर भे पबित्र थुऐं, ईन्देंखे के जिन बातो के बारेदे तुँवारी बदनाँमी हों, तिन्दे के बारे देसे, जू मसीया दे तुवाँरे आछे चाल-चलण दी बदनाँमी करह् से आपु भे सरमाँऐं ज़ाव।

1 पतरस 3:21

ऐजो नहाँण-नहाँणों च़ीन असो, जू तुओं खे छूट्कारा असो; ऐसी नहाँणों का मतल्व देह्-शरीर को मोंल़ धुणों ने आथी; परह् शुद्ध मंन शा पंण्मिश्वर खे आपु आप्खे देणों असो, किन्दें खे के ऐजो नहाँण प्रभू यीशू मसीया के दुज़ाल़िऐ ऊबै जीऊँणों का प्रतिक असो।