2 कुरिन्थियों 1:1 - Sirmouri

¹ संत्त-पौलुस के ढबे शा जू पंण्मिश्वर के हिछ़या शा मसीया यीशू का खास-चैला असो, अरह् अमाँरे भाऐ तीमुथियुस की ढबे शा पंण्मिश्वर की तियों कलीसिया के नाँम, जुण्जी कुरिन्थस नंगर असो, अरह् बादे अखया ईलाके के पबित्र लोगो के नाव:

सिरमौरी नौवाँ नियम

¹ मोऐं पौलुसे, तुऔं ऐजी चिट्ठी लैखै लौए। हांव पौरमेशवर कै इछा शै मसीह यीशु का चोणेयौंदा चैला औसौ, औरौ अमारा साथी बिशवाशी भाई तीमुथियुस कै ढौबौशै कुरिन्‍थुस शहर कै कलीसिया कै औरौ अखाया प्रदेश कै सौबै पवित्र लोगौ कारिए ऐजै चिट्ठी लैखै लौए।

2 कुरिन्थियों 1:1 ပူးပေါင်းရင်းမြစ်များ

प्रेरितो कै काम 16:1

तबे संत्त-पौलुस अरह् सीलास दिरबे अरह् लुस्त्रा दे भे हुटे। तेथै तीमुथियुस नाँव का ऐक चैला थिया, जू कोसी बिश्वाषी यहूदीन तिरंई का बैटा थिया, परह् तेस्का बाबा यूनानी थिया।

रोमियों 15:26

किन्देंखे के मकिदुनिया अरह् अखया के लोगो के ऐजो आछो लागो, के यरूशलेम के पबित्र लोगो मुँझी गरीब कंगालो खे किऐ चहाँदा कठा करू।

रोमियों 16:21

मेरा साजी तीमुथियुस का, अरह् मेरे कुड़्बे के लूकियुस अरह् यासोन अरह् सोसिपत्रुस का तुँओं खे नमंष्कार।

रोमियों 16:5

तियों कलीसिया खे भे नमंष्कार, जू तिनके घर दी असो। मेरे प्यारे इपैनितुस खे, जू मसीया खे आसिया का आगला फल़ असो, नमंष्कार।

1 कुरिन्थियों 10:32

तुँऐं ना यहूदी लोगो खे, अरह् ना यूनानी लोगो खे, अरह् ना पंणमिश्वर की कलीसिया खे ढैस-ठोकर का कारण बंणों।

1 कुरिन्थियों 16:10

जे तीमुथियुस आऐ ज़ाव, तअ दे:खे के से तुँवारी गईलो निडर रंह्; किन्देंखे के से मेरी जेऐ प्रभू के काँम-काज़ करह्।

1 कुरिन्थियों 16:15

हे भाऐ बंईणों, तुँऐं स्तिफनास के घराना जाँणों ऐ, के से अखया ईलाके दे प्रभू गाशी बिश्वाष कर्णो वाल़े आगले फल़ असो, अरह् से पबित्र लोगो की सेवा कर्णो खे तियार रंह्।

1 कुरिन्थियों 16:24

मेरो पियार मसीया यीशू दो तुँओं सोभी आरी रंह्। आमीन।

1 कुरिन्थियों 6:11

अरह् तुँओं मुझी ऐष्णें बेजाऐ थिऐ, परह् ऐबे तुँओं प्रभू यीशू मसीया के नाँव शे, अरह् अमाँरे पंणमिश्वर की आत्त्मा शे धुऐ गुऐ, अरह् तुँऐं पबित्र हुऐ अरह् पंणमिश्वर की नंजरी दे बै-कसूर बंणें।

2 कुरिन्थियों 1:19

किन्देंखे के पंण्मिश्वर का बैटा यीशू मसीया जिनका अमाँरे जाँणें मतल्व मेरे अरह् सिलवानुस अरह् तीमुथियुस के जाँणें तुवाँरे बिचो दा प्रचार हुआ, तिन्दो “हाँ”, अरह् “नहाँ”, दुईनें ने थी, परह् “हाँ” ही “हाँ” हऐ थी।

2 कुरिन्थियों 1:23

हाँव पंण्मिश्वर खे गुवाह्-शाज़्त जाँणियों बुलू, के हाँव हेभी तोड़ी कुरिन्थुस दा ईन्देखे ने आई, के मुँह तुँवारी घीणों लागो थी।

2 कुरिन्थियों 11:10

जे मसीया की सच्चाऐ मुँदी असो, तअ अखया देश दा कुँऐं मुँह ऐसी तारीफ कर्णो शा ने रूक्दी।

2 कुरिन्थियों 9:2

किन्देंखे के तुवाँरे मंन के हिछ़्या हाँव जाँणू ऐ, जिन्दें के जाँणें मुँऐं मकिदुनि के रंहणों वाल़े लोगों के सहाम्णें भे तुँवारी तारीफ करी थी: के अखया के लोग ऐक साल शुभे तियार असो, अरह्, तुवाँरे होंस्ले ऐ ओके भे भहिते लोग तियार करे।

गलातियौं 1:1

संत्त-पौलुस के जू ना आदमी के ढबे शा, अरह् ना आदमी के जाँणें, परह् यीशू मसीया अरह् परंम-पिता पंण्मिश्वर के जाँणें, जिन्ऐं तेसी मरे अंदे मुझ्षा जियाल़ा प्रभू यीशू के खास-चैला असो,

गलातियौं 3:26

किन्देंखे के तुँऐं बादे तेसी बिश्वाष के जाँणें जू प्रभू यीशू मसीया गाशी असो; तुँऐं पंण्मिश्वर के नहाँन्ड़िया अलाद असो।

इफिसियों 1:1

इफिसुस नंगर के भगत्तों अरह् यीशू मसीया दे साच्चै बिश्वाषियों के नाँम संत्त-पौलुस के पत्री, जेसी पंण्मिश्वर की हिछ़्या शा प्रभू यीशू मसीया का खास-चैला बंणाँया गुवा:

फिलिप्पियों 1:1

मसीया प्रभू यीशू के दास संत्त-पौलुस अरह् तीमुथियुस के ढबे शे बादे फिलिप्पियों के पबित्र लोग मसीया प्रभू यीशू आरी बिश्वाष करियों रंह्, कलीसिया के अगवाँल़ अरह् कलीसिया दे सेंवा कर्णों वाल़े सोभी लोगो खे ऐजी पत्री लिखी थऐ थी;

1 थिस्सलुनीकियों 1:1

संत्त-पौलुस अरह् सिलवानुस अरह् तीमुथियुस के ढबे शे थिस्सलुनीकियों की कलीसिया के नाँव, दी परंम-पिता पंण्मिश्वर अरह् जुण्जे प्रभू यीशू मसीया दे असो: कृपा अरह् शाँण्त्ति तुँओं भेंटदी रंह्।

1 थिस्सलुनीकियों 3:2

अरह् आँमें तीमुथियुस, जू मसीया की खुषख्बरी दा अमाँरा भाऐ अरह् पंण्मिश्वर का दास असो; तेसी ईन्देंखे डेयाल़ा के से तुँओं पाक्के करह्, अरह् तुवाँरे बिश्वाष के बारे दे तुँओं सम्झाँव।

2 थिस्सलुनीकियों 1:1

संत्त-पौलुस अरह् सिलवानुस अरह् तीमुथियुस के ढबे शी थिस्सलुनीकियों की कलीसिया खे, जू अमाँरे परंम-पिता पंण्मिश्वर अरह् प्रभू यीशू मसीया दे असो:

1 तीमुथियुस 1:1

संत्त-पौलुस के ढबे शा, जू अमाँरे मुँक्त्ति देणों वाल़े पंण्मिश्वर, अरह् अमाँरे भुर्षें के मुँताबिक शा मसीया यीशू की अज्ञाँ शा खास-चैला बंणी रूआ,

2 तीमुथियुस 1:1

पौलुस के ढबे शे जू, मसीया यीशू दा तेसी जीवन के बाय्दे के मुँताबिक, पंण्मिश्वर की हिछ़या के कारण प्रभू यीशू मसीया का खास-चैला असो,

तीतुस 1:1

संत्त-पौलुस की ढबे शी जू पंण्मिश्वर का दास अरह् यीशू मसीया का खास-चैला असो, पंण्मिश्वर के छाँटे अंदे लोगो का बिश्वाष अरह् तियों सच्चाई की पछ़याँण के मुँताबिक असो, जू भगत्ति के मुँताबिक शो असो,

फिलेमोन 1:1

पौलुस की ढबे शी जू मसीया प्रभू यीशू का कय्दी असो, अरह् भाऐ तीमुथियुस की ढबे शी, अरह् अमाँरी काँम-काज दा साथ देणों वाल़े प्यारे फिलेमोन,

इब्रानियों 13:23

हाँव ऐशो जाँणू, के ऐजो जाँणी पाव के अमाँरा भाऐ तीमुथियुस, कय्दी शा छूटी गुआ; जे से शीघा ही पईचला तअ हाँव तेसी ही आरी तुँओं भेंट्दा आऊँबा।