1 तीमुथियुस 6:5 - Sirmouri

⁵ अरह् तिनू आदमी मुझी बै-कार के रगड़े-झगड़े पय्दा हों, जिनकी बुद्धी भ्रष्ट हऐ रंऐ, अरह् से सच्चाई शे अजाण्दे असो; ऐष्णें लोग ऐशो जाँणों के पंण्मिश्वर के सेवा, भगति धंनकंमाणों का ऐक जरिया असो,

सिरमौरी नौवाँ नियम

⁵ ऐशणै लोगौ कै बीच मुंजी झोगड़े पौयदा हौं, जिनकै बुध्दि खत्म हौए गौए औरौ सै सौचाई खै ना सौमझै पांव, औरौ सै सुंचौए कै पौरमेशवर कै सेवा कौरणै अमीर हौणौ का तरीका औसौ।

1 तीमुथियुस 6:5 ပူးပေါင်းရင်းမြစ်များ

मत्ती 12:33

“जेसी डाल़ों खे तुँऐं आछा बुलो, तिन्दें के फल़ खे भे आछा हों, अरह् जे तुँऐं कोसी डाल़ो खे नि-काँम्मा बुलो तअ तेसी डाल़ो के फल़ खे भे नि-काँम्मा बुलो; किन्देखे के ऐक नाँम डाल़ तिनके फल़ शे ही पंछ़्याँणें ज़ाँव।

मत्ती 21:13

अरह् तिनखे बुलो, “पबित्र-ग्रन्थों दो लिखी थो के ‘मेरी देऊँठी खे प्रार्थना को घर बुलो ज़ाँदो’; परह् तुँऐं ऐथू डाकू खे चूंरिणों की जागा बाणीं थंऐ।”

मत्ती 23:13

“फींट्कारा असो! तुओं पाखंडी यहूदी भाट-बाँम्ण, अरह् यहूदी-निय्म के शिखाणों वाल़े गाशी! तुँओं खे भहित्ती सजा भेट्दी! तुँऐं आदमी खे स्वर्गो के राज्य को दुवार डाकी दियों, ना तअ आपु तिन्दे ज़ाऐ बल़्दे; अरह् ना तिन्दे कोसी ओकी ज़ाणों देंदे।”

1 कुरिन्थियों 11:16

परह् जे कुँऐं ईयों बातो गाशी बाद-बिबाद करह्, तअ ऐजो जाँणी पाँव के ना तअ अमाँरे अरह् ना किऐ पंणमिश्वर की कलीसियों के ऐजा रूवाज आथी।

2 थिस्सलुनीकियों 3:6

हे भाऐ-बंईणों, आँमें तुँओं खे आप्णे प्रभू यीशू मसीया के नाँव शी अज्ञाँ दियों, के तुँऐं ऐक नाँम तिनू भाई शे ज़ई रूऐ, जुण्जे भाऐ गलत चाल-चालो, अरह् जुण्जी शिक्क्षा तिन्ऐं आँमों कैई शी पाँऐ, अरह् तिन्दे के मुँताबिक ने से चाल्दे तिनू लोगो शे दुर्के रूऐ।

1 तीमुथियुस 1:6

ईनू बातो छुड़ियों कैतोड़े लोग बकबाद की ढबे भट्की गुऐ,

1 तीमुथियुस 3:3

सुराऐ, के माँरपीट कर्णो वाल़ा, ने हों; मतल्व शरीफ़ हो, अरह् ना झगड़ू, अरह् ना धन का लाल़्ची हों।

1 तीमुथियुस 3:8

तेष्णा ही कलीसिया दा सेवा कंर्णो वाल़ा आदमी भे ईमाँनदार हुवा च़ैई; अरह् से ना तअ दुगला, च़ुगलियारा, अरह् ना नींच कंमाई का लाल़्ची, अरह् ना सुराऐ चैईं;

1 तीमुथियुस 4:7

संसारी की गाँद्दी अरह् बिना मंतल्व की मंन-घड़त्त कथा-कहाँणीं शे दुर रूऐ, परह् तुऐं आपु खे पंण्मिश्वर की भगत्ति के निय्म दे डंटै रूऐ।

1 तीमुथियुस 4:8

किन्देंखे के देह्-शरीर के कसरत्त थोड़े देसो खे हों, अरह् ईन्दें लंई किऐ फ़ाय्दा ने हंदा; परह् पंण्मिश्वर की भगत्ति का लाभ सोभी बातो दा जीवन खे हिम्मत्त दियों; ऐसी बख्त्ते अरह् आँणों वाल़े जीवन का बाय्दा भे ईन्दीखे असो।

1 तीमुथियुस 6:6

परह् खुशी-आँनन्द आरी पंण्मिश्वर के सेवा-भगत्ति सोभी शी बड़ी कंमाँऐ असो।

2 तीमुथियुस 3:5

से भगत्ति का भेष तअ धार्ले, परह् तिनकी शँक्त्ति ने माँनदे, ऐष्णे लोगो शे दुर्के ही रूऐ।

2 तीमुथियुस 3:8

जेष्णें ताँत्रिक यन्नैस अरह् यम्ब्रेस जुण्जे ऋषी-मूसा का बिरोध करह् थिऐ, तैष्णाँ ही ऐजे लोग भे संच्चाई का बिरोध करो; किन्देंखे के ऐष्णें लोगों के बुद्धी भर्ष्ट हंऐ ज़ाँव, अरह् तिनका बिश्वाष सिर्फ़ देखाँवे का हों,

तीतुस 1:11

तिनके मुँह बंद कर्णें पड़ो। ऐष्णें लोग नींच-कमाई खे गलत बातो शिखाऐयों घरह् के घरह् बिगाड़ी दियों।

2 पतरस 2:15

से आच्छ़ी बाट् छुड़ियों भट्की ज़ाव; बओर के बैटे बिलाम की बाटो दे चाल पड़े; बिलाम, जैसके पाप की कमाई के द्दियाड़ी पियारी लागो;

2 पतरस 2:3

जू लाल़्च की मंन घड़त बातो लई, तुँओं कैई शो धन कमाँव। तिनखे पंण्मिश्वर आगे ही सजा तियार करी थऐ, अरह् तिनका नाँष हंदा, जिन्देखे से तियार असो।

यहूदा 1:11

निर्भाग असो! सेजे जू कैन की जैऐ चाल-चालो, अरह् मंजदूरी धियाड़ी देणों खे बिलाम जैष्णें बंईमाँन, भीरिष्ट हऐ गुऐ, अरह् कोरह्, के जैष्णें बिरूध करियों नाँष हुऐ।

प्रकाशितवाक्य 18:13

अरह् डाल़चींनी, मंसाले, धूप, सैंट, लोबाँन, सूर, तेल, मंऐदा, गींऊँ, गाय, बोंल़ोद, भैंड़, बाकरी, घोड़े, रथ, दास, अरह् आदमी का कुऐं खरीद-दार नें रंई।

प्रकाशितवाक्य 18:3

किन्देंखे के सोभी जात्ती-जात्ती के लोगे ऐ तियाँरे कू-कर्णी बिच्के-काम के डराव्णी सूर पी थंऐ, धर्ती के राजाओं ऐ तियाँरी गईलो कू-कर्म बिच़्के-काम करी थुऐ, अरह् बादी संईसारी धर्ती के बईपारी लोग तियाँरे भोग-बिलास के धंन शे धंनवाँन-सैठ बंणी गुवे।”