1 तीमुथियुस 6:4 - Sirmouri

⁴ तअ सेजा घमंडी हऐ रूआ, अरह् से किऐ ने जाँण्दा; परह् तेसी बाद-बिबाद शब्दो गाशी जीदिणों की बीमारी असो, जिन्दे लई डाह्, झगड़े, नीदया की बातो, अरह् बुरे-बुरे शक,

सिरमौरी नौवाँ नियम

⁴ तौ सै घमण्डी औसौ, औरौ सै किछै बै ना सौमझौ। ऐशणा आदमी बैकार कै मुदै औरौ बातौ कै बारै मुंजी बैहसबाजी औरौ झोगड़ा कौरणौ कै इछा राखौ, जिनु लैई ज़लन औरौ झोगड़े औरौ नेंदैया की बातौ, औरौ बुरै-बुरै शक हौं,

1 तीमुथियुस 6:4 ပူးပေါင်းရင်းမြစ်များ

प्रेरितो कै काम 15:2

ईयों बातों दे संत्त-पौलुस अरह् संत्त-बरनबास के तिनू लोगो आरी बैजाऐ बोल-चाल हंऐ; अरह् तबे ऐजी पाक्की ठाट हऐ, के संत्त-पौलुस, अरह् संत्त-बरनबास, अन्ताकिया के कुछ लोगो आरी; यरूशलेम खे ज़ाले, अरह् ईयों बातो के चर्चा खास-चैले, अरह् यरूशलेम के बादे बुड़े-बुजूर्गो आरी कर्ले।

प्रेरितो कै काम 18:15

परह् जे ऐजी बोल-चाल की बातो, अरह् नाँमों, अरह् तुवाँरे ईथै के निय्म-रूवाजो के बारे दो असो, तअ तुँऐं ही जाँणों; किन्देंखे के हाँव ईयों बातो का नीयाँईच़ू बण्णों ने चहाँदा।”

प्रेरितो कै काम 8:9

शमौन नाँव का ऐक आदमी तेसी नंगर दा थिया, से कोद्दी शुभे जादू-टूणें के खैल देखाँऐयों; सामरी लोग हराँन करह् थिया, अरह् आपु खे से बड़ा बंण्णों का दावा करह् थिया।

रोमियों 12:16

आपु मुँझी मिली-चालियों रूऐ; तारीफ ने करे, परह् गरीब आरी संग्त्ति करे; आप्णी नंजरी दे बुद्धीमान ने बंणें।

रोमियों 13:13

जेष्णों देसो खे आछो लागो, तेष्णी ही आँमें साची चाल-चालो, ना के लिला-क्रिढ़ा अरह् ना पियाक्ड़पण दे, ना चोरी-जारी, अरह् ना लुच-पंण दे, अरह् ना झगड़े, डाह् दे।

रोमियों 14:1

जुण्जा बिश्वाष दा कंंमजोर असो, तेसी आप्णी साथ-हाथ दा करह्, परह् तेसी आरी भेद्-भाव दा झगड़ा ने करे।

रोमियों 2:8

परह् जुण्जे लोग मंतल्बी अरह् पंणमिश्वर की सचाई के बिरूध दे हों, अरह् सेजे ही काँम-काज़ करह्, जुण्जी पंणमिश्वर की नंजरी दी बुरी हों, तिनू लोगो गाशी पंणमिश्वर का कोप पड़दा।

1 कुरिन्थियों 11:16

परह् जे कुँऐं ईयों बातो गाशी बाद-बिबाद करह्, तअ ऐजो जाँणी पाँव के ना तअ अमाँरे अरह् ना किऐ पंणमिश्वर की कलीसियों के ऐजा रूवाज आथी।

1 कुरिन्थियों 11:18

किन्देंखे के आगे तअ हाँव ऐजो शुणू थिया, के जबे तुँऐं कलीसिया दे कठै हों, तअ तुँओं मुँझी फूट पड़ो, अरह् हाँव भे ईदा दाँणिक-दाँणिक बिश्वाष करू।

1 कुरिन्थियों 3:18

कुँऐं आपु-आप्खे धोखा ने दिऐं, किन्देंखे के जे तुँओं मुझ्षा कुँऐं, ईयों संईसारी दा आपु-आप्खे ज्ञाँनी जाँणों, तअ तुँऐं संईसारी की नंजरी दे ज़ोगर मुरूख बोंणों, जू तुँऐं पंणमिश्वर की नंजरी दे ज्ञाँनी बंणले।

1 कुरिन्थियों 3:3

किन्देंखे के तुँऐं ऐभी तोड़ी भे बै-बिश्वाषी असो। हेबी भी तुँओं मुँझी डाह, झगड़े असो, तअ कियों तुँऐं हेभी तोड़ी भे आप्णा पाप मंऐं बिचार दे आथी ने? अरह् कियों तुँऐं हेभी भी आदमी के अज्ञाँ-निय्म दे चाल्दे ने?

2 कुरिन्थियों 11:20

किन्देंखे के जबे कुँऐं तुँओं दास बंणाऐं पाँव, के खाऐ पाँव, के फशाऐं दियों, के आपु आपु खे बड़ा बंणाऐं पाँव; के तुवाँरे मुँहों दी थाप्पै लाँव, तअ तुँऐं सह्ऐन करह्।

गलातियौं 5:15

परह् जे तुँऐं ओका ओकी दे झ़ाटी दियों, अरह् धूणियों ऊपाड़ियों खाँव, तअ च़ौक्क्ष रूऐ, के ओका ओकी को ऊगाल़ी ने दियों।

गलातियौं 5:26

आँमें घमंन्डी हऐयों ओका ओकी ने छेड़ो, अरह् ना ओका ओकी शी जल़्ण-डाह् करह्।

गलातियौं 6:3

किन्देंखे के जे कुँऐं कैथी ज़ूगा ने आथी, अरह् तबे भे आपु खे किऐ जाँणों, तअ से आपु आपु खें धोखा दियों।

फिलिप्पियों 1:15

ऐजो साच्चो असो, के किऐ तअ डाँह्-झगड़े के कारण मसीया का प्रचार करह् अरह् कुँऐं भली हिछ़या शा मसीया का प्रचार करह्।

फिलिप्पियों 2:14

बादे काँम-काज़ बिना तूड़-खुड़ाई अरह् बिना बाद-बिबाद शा करिया करह्,

फिलिप्पियों 2:3

बिरूध, झूठी बड़ियाऐं, तारीफ, खे किऐ ने करे, परह् नंरमाँऐं, शे ओका ओकी खे आपु शा आछा जाँणे।

कुलुस्सियों 2:18

कुँऐं भे जुण्जा गंरबाई के देखावे खे, अरह् स्वर्गदूत्तों की पूजा करदा मंगन रंह्; अरह् से तुओं तियों दौड़ के ईनाँम शे दूर ने करी दियों; किन्देंखे के ऐष्णा आदमी देंखी अंदी बातो दा लागा अंदा रंह्; अरह आप्णी जाँण्कारी संहम्झ़ दा बैकार शियाँगियों।

2 थिस्सलुनीकियों 2:4

से आपु खे बादी चींजो शा बड़ा बंणदा, अरह् बिरूध करला, तिनका जू पंण्मिश्वर के आदर्णिऐं असो, अरह् से पंण्मिश्वर की देऊँठी दा बऐठियों आपु-आप्खे पंण्मिश्वर बुल्दा।

1 तीमुथियुस 1:4

अरह् तिनू कथा-काँणियों अरह् चाली अंदी गड़ी-पिड़ी की बातो दा आप्णाँ मंन ने लाऐ, जिन्दे लई बाद-बिबाद हों, अरह् अमाँरे छुट्कारे खे पंण्मिश्वर ऐ जुण्जी योजना बाँणीं थंऐ; से तियों आगे ने बड़णों देंदी, जू बिश्वाष के मुँताबिक शो असो, तैष्णों ही हजो भे बुलू।

1 तीमुथियुस 1:7

ऐ ऋषी-मूसा का निय्म-रूवाज के शिखाणें वाल़े तअ बंण्णों चहाँव, परह् जूण्जो किऐ ईन्ऐं बुली लो; अरह् जिनू बातो गाशी ईन्ऐं जोर देऐयों बुली लई, ईनू बातो ऐ आपु भे सम्झोंदे ने।

1 तीमुथियुस 3:6

से ऐक नुवाँ चैला ने हुवा चैई, किन्देंखे के से आप्णी तारिफ़ शुँणियों; आपु गाशी घमंड करियों तैसी शैतान का जैष्णा संजा का भागीदार ने बंणों।

2 तीमुथियुस 2:14

ईनू बातो के संहम्झ़ लोगो कैई दें, अरह् प्रभू के सहाँम्णें च़ीत्ते कराँदा रंह्; के से बचन गाशी बाद-बिबाद ने करियाँ करह्, जिन्दें लंई किऐ फ़ाय्दा ने हंदी; परह् शुँण्णों वाल़े ईन्दें लंई बिगड़ी ज़ाँव।

2 तीमुथियुस 2:23

परह् मुँरूख्ता अरह् अजाँण्दे बाद-बिबादों शे दुर्के रूऐ; किन्देंखे के तुऐं जाँणें ऐं, के ईन्दें लई सिर्फ झ़गड़े ही पय्दा हों।

2 तीमुथियुस 3:4

बिश्वाषघाती, ढीठ, घमंडी, अरह् पंण्मिश्वर के ने, परह् आप्णे भोग-बिलास के चहाँणों वाल़े ही हंदे।

तीतुस 3:9

परह् मुरूख्ता के बाद-विबाद, अरह् पीढ़ियों, अरह् बिरूध अरह् झगड़े जू ऋषी-मूसा खे भेटे गुऐ अज्ञाँ-निय्म के मुँताबिक असो, तिन्दे शा तू बंचियों रूऐ; किन्देंखे के तिन्देका किऐ फल़ ने आथी, से बै-कार असो।

याकूब 1:19

हे मेरे प्यारे भाऐ बंईणों, ऐजी बात जाँणी पाव: के बादे आदमी शुण्णों खे सक्न्नै अरह् बुल्णों खे सबैर, अरह् झोको-गुस्सै खे धीरज-बंन्त्त चेंईं।

2 पतरस 2:12

परह् सेजे लोग बै-अक्ले बुणेंरो जैष्णें असो, जू शिकार ज़ूगै, अरह् खाँणों काट्णों खे पय्दा हों, से तेष्णीं ही बातो की नीदया करह् जुण्जी से सम्झोंदे ने। से बुणेंरो के जिऐं नाँष हों।

2 पतरस 2:18

से बै-कार के तारीफ की बातो करी-करियों चप्लूसी की काँम-काज़ के जाँणें, तिनू लोग देह्-शरीर की हिछ़या दे फशाँऐं दियों, जू भट्के अंदे मुझ्शे हेभी नीकल़ी ही ने रंई।

यहूदा 1:10

ऐजे लोग जुण्जी बातों जाँण्दे ने, तिनू बातो के नीदिया करह्, अरह् ऐजे लोग बै-सम्झ बुणेंरो जैष्णें असो, अरह् तिन्दी के जाँणें ऐ नाँष हों।

यहूदा 1:16

से सेजे लोग असो, जुण्जे तुड़-खुड़ा दें रंह्, अरह् सदा गलती निंकाल़्दें रंह्, अरह् से आप्णी हिछ़्या शे कू-कर्णी के लूभी-लाल़्चि, अरह् घमंन्डी अरह् आप्णें फाय्दे खे चाप-लुसी कर्णों वाल़े हों।

प्रकाशितवाक्य 3:17

तू बुले, के हाँव धनी-सैठ असो, अरह् अमीर बंणी रूवा, अरह् मेरे कोसी भी चींजो की कंम्मी ने आथी; अरह् तू ऐजो ने जाँण्दा, के तू नींरभाग, अरह् छुट्टा, अरह् कंगाल, अरह् शैड़ा, अरह् नाँगा असो।