1 तीमुथियुस 6:20 - Sirmouri

²⁰ हे तीमुथियुस, ताँव कैई जू देऐ थो, तिन्दे के देख-भाल़ करह्; अरह् बै-कार की संईसारीक बातो शा बंचियों रंह्, परह् तू झ़ूट्ठै ज्ञाँन के बिश्वाष शा दुरका ही रूऐ,

सिरमौरी नौवाँ नियम

²⁰ ओए रै तीमुथियुस, ठाणी पा कै तू सैजा काम कौर जू पौरमेशवरे ताखै दैय राए। औरौ ऐशणी भोक्‍ती औरौ मूर्खता वाल़ी चोर्चओं औरौ तिनु शिक्षाओं शै दूर रौया जू पौरमेशवर की साची शिक्षा का विरोध कौरौ, जिथुकै सै गौलत तरीकै शै ज्ञान बौल़ौ।

1 तीमुथियुस 6:20 ပူးပေါင်းရင်းမြစ်များ

प्रेरितो कै काम 16:1

तबे संत्त-पौलुस अरह् सीलास दिरबे अरह् लुस्त्रा दे भे हुटे। तेथै तीमुथियुस नाँव का ऐक चैला थिया, जू कोसी बिश्वाषी यहूदीन तिरंई का बैटा थिया, परह् तेस्का बाबा यूनानी थिया।

प्रेरितो कै काम 17:18

तबे इपिकूरी अरह् स्तोईकी दर्शण देख्णों वाल़े लोग, भे तेस्की गईलो सवाल जबाब कर्दे लागे; अरह् कंई लोगे ऐ बुलो, “ऐजा बकबादी का बुल्णों चहाँव?” परह् ओकी ऐ बुलो, के “ऐ कोसी ओकी देव्त्ते का प्रचार कर्णो वाल़ा हंणाँ” किन्देंखे के संत्त-पौलुस प्रभू यीशू का अरह् दुज़ाल़िऐं ऊबे जीऊँणों की खुषख्बरी शुँणाँव थिया।

प्रेरितो कै काम 17:21

(ईन्देंखे बादे एथेंस के रंहणों वाल़े, अरह् तेथै रंहणों वाल़े प्रदेशी लोग, नंई-नंई बातो बुल्णीं अरह् शुँण्णों के सुवाऐ ओकी कोसी भे काँम-काज़ दा आप्णाँ बख्त्त ने बिताँव थिऐ।)

रोमियों 1:22

से आपु-आप्खे सम्झदार जाँणों, परह् से मुरूख बंणी गुऐ,

रोमियों 3:2

हर परकार शा बैजाऐ भहिता फाय्दा असो। आगे तअ ऐजा असो, के पंणमिश्वर के बचन तिनखे दिऐ गुऐ।

1 कुरिन्थियों 2:6

तबे भे संम्झदार लोगो मुँझी आँमें ज्ञाँन की बात शुणाँव, परह् ऐजा ईयों संईसारी का अरह् ईयों संईसारी के नाँष हंणों वाल़े हाक्मों का ज्ञाँन ने आथी;

1 कुरिन्थियों 3:19

किन्देंखे के ईयों संईसारी का ज्ञाँन पंणमिश्वर की नंजरी दा मुरूख्ता असो, जैष्णों के पबित्र-ग्रन्थों दो लिखी थो, के “पंणमिश्वर ज्ञाँनी लोग तिनकी ही चलाकी दे फशाँऐं दियों”

कुलुस्सियों 2:18

कुँऐं भे जुण्जा गंरबाई के देखावे खे, अरह् स्वर्गदूत्तों की पूजा करदा मंगन रंह्; अरह् से तुओं तियों दौड़ के ईनाँम शे दूर ने करी दियों; किन्देंखे के ऐष्णा आदमी देंखी अंदी बातो दा लागा अंदा रंह्; अरह आप्णी जाँण्कारी संहम्झ़ दा बैकार शियाँगियों।

कुलुस्सियों 2:8

ईन्दें चौक्क्ष रूऐ, के कुँऐं तुँओं ईनू देखावे के ज्ञाँन अरह् बै-कार के धोखे दे आप्णें बष दे ने करी पाँव; जुण्जी के आदमी के रित्ति-रूवाज अरह् संईसारी के पुराँणी शिक्क्षा असो, जुण्जी के मसीया के हिसाब शी ने आथी।

2 थिस्सलुनीकियों 1:4

ऐथै तोड़ी के आँमें आपु पंण्मिश्वर की कलीसिया दो तुवाँरे बारे दा तारीफ करह्, के जै-तोड़े कल़ेष अरह् कठणाँऐं तुँऐं सऐन करी, तिन्दे लई तुवाँरा धीरज अरह् बिश्वाष पर्गट हों।

2 थिस्सलुनीकियों 2:15

ईन्देंखे हे भाऐ-बंईणों, पाके रंह्; अरह् जू-जू बातो तुँऐं भाव बचन शी के पत्री शी आँमों कैई शिखी थई, तिनू पाकड़ी अंदी थुऐ।

1 तीमुथियुस 1:11

ऐजी शिक्क्षा पंण्मिश्वर की बड़ियाऐ की खुषख्बरी के मुँताबिक शी असो, अरह् हर प्रकार के कृपा देंणों वाल़े, महाँन परंम-पिता पंण्मिश्वर शी भेंटी रंह्, जू मुँह कैई देऐ थऐ।

1 तीमुथियुस 1:2

तीमुथियुस, के नाँम जू बिश्वाष दा मेरा साच्चा बैटा असो: परंम-पिता पंण्मिश्वर अरह् अमाँरे प्रभू यीशू मसीया की ढबे शी ताँव्खे कृपा, अरह् दया-रंय्म अरह् शाँण्त्ति भेंट्दी रंह्।

1 तीमुथियुस 1:4

अरह् तिनू कथा-काँणियों अरह् चाली अंदी गड़ी-पिड़ी की बातो दा आप्णाँ मंन ने लाऐ, जिन्दे लई बाद-बिबाद हों, अरह् अमाँरे छुट्कारे खे पंण्मिश्वर ऐ जुण्जी योजना बाँणीं थंऐ; से तियों आगे ने बड़णों देंदी, जू बिश्वाष के मुँताबिक शो असो, तैष्णों ही हजो भे बुलू।

1 तीमुथियुस 1:6

ईनू बातो छुड़ियों कैतोड़े लोग बकबाद की ढबे भट्की गुऐ,

1 तीमुथियुस 1:9

ऐजो जाँणियों के ऋषी-मूसा खे भेटे गुऐ अज्ञाँ-निय्म के मुँताबिक, धरंमाँत्त्मा लोगो खे ने, परह् गुवाँर, निकारे, नाँसतिक, पापियों, अ-पबित्र, अरह् अ-शुद्ध आदमी, माँ-बाबा के घात कर्णो वाल़े हतियारे,

1 तीमुथियुस 4:7

संसारी की गाँद्दी अरह् बिना मंतल्व की मंन-घड़त्त कथा-कहाँणीं शे दुर रूऐ, परह् तुऐं आपु खे पंण्मिश्वर की भगत्ति के निय्म दे डंटै रूऐ।

1 तीमुथियुस 6:11

परह् हे पंण्मिश्वर के जंण, तू ईनू बातो शा भाग, अरह् धर्म, भगत्ति, बिश्वाष, प्यार, धीरज, अरह् नंरमाँऐं पाछी पड़।

1 तीमुथियुस 6:14

के तुऐ अमाँरे प्रभू यीशू मसीया के पर्गट् हणों तोड़ी, ईयों अज्ञाँ दी किऐ कंम्मी ने आणों दिऐ, अरह् ईदा नीरर्दोष बंणियों चाला अंदा रंह्।

2 तीमुथियुस 2:1

ईन्देंखे “हे मेरा बैटा”, तू तेसी कृपा शा जू मसीया यीशू दा असो, तिन्दा बल़वाँन हऐ ज़ा,

2 तीमुथियुस 2:16

परह् गाँदे-बुरे बक्बास शा दुरका बंचियों रूऐ; किन्देंखे के ऐशे दाँई लोग बैभगत्ति दे बढ़्दे ज़ाँव,

तीतुस 1:14

अरह् यहूदियों कि कथा-काहणी अरह् तेसी आदमी कि अज्ञाँ दा आप्णा मंन ने लाँव, जू से संचाई शे भट्की ने ज़ाँव।

तीतुस 1:4

संत्त-तीतुस जू मेरा बैटा जिया असो: किन्देंखे के आँमें दुईऐं ऐकी ही प्रभू यीशू गाशी बिश्वाष करी थुवा, परंम-पिता पंण्मिश्वर अरह् अमाँरा मुँक्त्ति देणों वाल़ा, मसीया यीशू की ढबे शा ताँव्खे कृपा अरह् शाँण्त्ति भेंट्दी रंह्।

तीतुस 1:9

अरह् से भुर्षें कर्णो ज़ूगा हुआ चेंई, जू बचन गाशी धर्मो के शिक्क्षा के मुँताबिक शिखाऐ सको, अरह् बिरोध कर्णो वाल़े के मुँह बंन्द करी सको।

तीतुस 3:9

परह् मुरूख्ता के बाद-विबाद, अरह् पीढ़ियों, अरह् बिरूध अरह् झगड़े जू ऋषी-मूसा खे भेटे गुऐ अज्ञाँ-निय्म के मुँताबिक असो, तिन्दे शा तू बंचियों रूऐ; किन्देंखे के तिन्देका किऐ फल़ ने आथी, से बै-कार असो।

प्रकाशितवाक्य 3:3

ईन्देंखे चींत्ते करह् के तुँओं केष्णी शिक्क्षा भेटी, अरह् केष्णों तुँऐं शुँणों, अरह् तियों शिक्क्षा दा पाक्का अट्ल़ बँणा अँदा रंह्, अरह् आप्णा मंन बदल़। अरह् जे तू ऐबे भे शुझ़ी दा ने आया, तअ हाँव चोर जेष्णाँ आँऊबा, जू ताँव कैई पता ही ने लागो, के हाँव कोसी बख्ते ताँव गाशी पड़ूबा।