1 तीमुथियुस 6:17 - Sirmouri

¹⁷ अरह् ऐसी ज़ुगौ की चींजो लई, जू कुँऐं सेठ-धंनवाँन बंणी रूऐ, तिनखे अज्ञाँ दे, के से घमंडी ने बंणों, अरह् ना चंचल धंन दा किऐ भूर्षा करह्, परह् पंण्मिश्वर गाशी भूर्षा थुऐ, जेने अमाँरे सु:खो खे सब-कुछ बैजाऐ दितो।

सिरमौरी नौवाँ नियम

¹⁷ इयौं दुनिया कै अमीर कै आदैश दैव कै सै घमण्डी ना बौणौ औरौ आपणै धन पांदी आशा ना राखौ जू कै जादा सौमय तौड़ी ना रौंदै, पौरौ पौरमेशवर पांदी आशा राखौ जू दया शै आमु सैजी सौबै चीज़ौ दैंव जिथकै आमुखै जौरुरत औसौ, ताकि आमु तिथकै खुशी भैटी सौकौ।

1 तीमुथियुस 6:17 ပူးပေါင်းရင်းမြစ်များ

मत्ती 12:32

“जुण्जा कुँऐं आदमी के बैटे के बिरूध दे किऐ बात बुलो, तेस्का ऐजा कसूर माँफ करा ज़ाला, परह् जुण्जा कुँऐं पबित्र-आत्त्मा के बिरूध दो किऐ बुल़्ला, तेस्का सेजा कसूर ऐसी ज़ूगौ दा अरह् परलोकं दा भे माँफ ने करा ज़ाँदा।”

मत्ती 19:23

तबे प्रभू यीशू ऐ आप्णें चैले खे बुलो, “हाँव तुँओं खे खास बात बुलू, के सेठो को स्वर्गो के राज्य दो दाखिल हंणों कठींण असो।

मत्ती 25:16

“तबे, जेस्खे पाँच सर्फी देऐ थई थी, तेने तेख्णी ज़ाऐयों, तिन्दे लई लेण-देण करी, अरह् पाँच सर्फी सुन्नें की हजो कमाई।

मत्ती 27:57

जबे संद पढ़ी, तअ यूसुफ नाँव का अरिमतिया का ऐक सेठ आदमी, जू आपु ही यीशू का चैला थिया, से आया।

मत्ती 6:32

किन्देखे के गऐर यहूदी लोग ईनू सोभी चीजो की खोज दे रंह, अरह् तुवाँरा स्वर्गो का पिता ऐजो जाँणों ऐं के तुओं ईनू बादी चीजो के जरूरत असो।

मरकुस 10:24

चैले के तिनकी बातो शुणियों तूरंबाणच़ूंटे, ईन्दें गाशी प्रभू यीशू ऐ हजो तिनखे बुलो, “हे नहाँन्ड़िया, जुण्जा धंन गाशी भूर्षा करह्, तिनखे पंणमिश्वर के राज्य दो ज़ाणों केष्णों कठीण असो!

लूका 19:2

तअ तेथै ऐक जक्कंई नाँव का आदमी थिया, जू चूंग्गी लणों वाल़े का नंम्बरदार अरह् सैठ आदमी थिया।

लूका 3:11

तबे संत्त-यूहन्ना ऐ तिनखे जबाब दिता, “जेस कैई दो झगे असो, से तैस्खे दियों, जेस कैई झगा ही ने आथी, अरह् जेस कैई खाणा असो से भे ऐष्णों ही करह्।”

प्रेरितो कै काम 14:17

परह् तुँओं तेने आप्णी गुवाऐ-शाज़्त्त दिऐ बीना ने छुड़ी; किन्देंखे के तेने तुँवारी गईलो भलाऐ करी थंऐ; अरह् तुँओं खे तेने अस्माँनों शी बर्षा दिती, अरह् बख्त्तो-बख्त्तो दी तुवाँरी जिम्मी की शाख्ह खे बर्षा दिती, के तुवाँरे पेटो खे भोजन दियों, अरह् तुवाँरे मंन खुषी शे भरी दित्ते।”

प्रेरितो कै काम 14:27

तेथै पंह्ऊँचियों तिन्ऐं कलीसिया के ऐक खुम्ल़ी बंईठाल़ी, अरह् बुलो; के पंण्मिश्वर ऐं तिनके जाँणें का-का करो, अरह् केष्णें तिन्ऐं गऐर-यहूदियों खे बिश्वाष का दुवार खुलो।

प्रेरितो कै काम 17:25

अरह् ना कोसी भी चींजो की जरूरत की ताँईऐं से आदमी के हाथो की सेंवा चहाँदा, किन्देंखे के से आपु ही जीवन अरह् प्राँण, अरह् सब-कुछ देऐ दियों।

रोमियों 11:20

ठीक असो, सेजे लोग तअ बै-बिश्वाष के जाँणें च़ूड़ी दिते, परह् तू बिश्वाष दा पाक्का बंणा रूऐ, ईन्देंखे तू घमंन्डी ने बंणें, परह् डरियों रूऐ,

इफिसियों 5:5

किन्देंखे के तुँऐं ऐजो बिलकुल जाँणों ऐ, के कोसी च़ूरी-जारी कर्णों वाल़े, के कुँऐं अशुद्ध जंण, के लोभी आदमी, जुण्जा के मुर्ती पुज्णों वाल़े के बुराबर हों; मसीया अरह् पंण्मिश्वर के राज्य दा तेस्का किऐ भे हंक-अधिकार ने हंदी।

कुलुस्सियों 3:16

मसीया की शिक्क्षा ठीक-ढंग शा तुँओं दा बास करह्, तुँऐं बड़ी सम्झदारी शे ओका ओकी खे शिक्क्षा अरह् ज्ञाँन देईया करह्; अरह् आप्णें-आप्णें मंन दा कृपा आरी पंण्मिश्वर का धन्यबाद देंदे-देंदे, तिनके भजन; सतुति अरह् आत्त्मिक गीत गाया करह्;

1 थिस्सलुनीकियों 1:9

किन्देंखे के से आपु ही अमाँरे बारे दो बुलो, के तुँओं कैई अमाँरो आँणों केष्णों हुओ; अरह् तुँऐं केशे मुर्त्तियाँ छ़ुड़ियों पंण्मिश्वर के ढबे फिरे, जू जीऊँदे अरह् साच्चै पंण्मिश्वर की सेवा करह्।

1 तीमुथियुस 1:3

जैष्णों मुँऐंं मकीदुनिया खे ज़ाँदी बई ताँव कैई शो सम्झाँव थियों, के इफिसुस दो रऐयों कुछ लोगो खे अज्ञाँ दिऐ के ऊक भाँती शिक्क्षा ने दिऐ,

1 तीमुथियुस 3:15

के जे मेरे आँणो दी देर हो, तअ तुऐ जाँणी पाव, के पंण्मिश्वर के घराने दी जू जीऊँदे पंण्मिश्वर की कलीसिया असो, तिदा लोगो का केष्णा बरताव हुआ चेंई, किन्देंखे के कलीसिया ही सच्चाई का खंम्बा अरह् पह्-नींव असो।

1 तीमुथियुस 4:10

किन्देंखे के आँमें मेह्न्त अरह् कोशिष ईन्दी खे करह्, के अमाँरा भूर्षा तेसी जीऊँदे पंण्मिश्वर गाशी असो; जू बादे आदमी का अरह् खास-करियों बिश्वाषियों का छ़ुट्कारा करह्।

1 तीमुथियुस 5:21

पंण्मिश्वर, अरह् मसीया यीशू अरह् छाँटे अंदें स्वर्गदूत्तो के सहाँम्णें ताँव कैई ऐजी जुँमेंबारी देऊँ; के बिना कोसी अप्णोंट के ईनू अज्ञाँ का पाल़्ण करे, परह् अप्णोंट के भाव शो किऐ ने कोरो ज़ाँव।

1 तीमुथियुस 6:13

हाँव तुँओं खे तेसी पंण्मिश्वर का जू ऐक नाँम पराँणी जीऊँदें थंह्, अरह् यीशू मसीया तुवाँरा गुवाह्-शाज़्त्त अरह् हाजीर जाँणियों जिनिऐ हाकम-पुन्तियुस, पिलातुस के सहाँम्णें आछ़ो कबूल करियों माँनी पाव; अरह् हाँव तुओं खे ऐजी अज्ञाँ देऊँ,

1 तीमुथियुस 6:9

परह् जू सेठ-धंनवाँन बण्णों चहाँव, से ऐष्णी ही परख अरह् फाँदे अरह् भहिते ब-कार अरह् नुकसाँन, लाल़्च के जाल़ौ दे फषो, जिन्दे लई आदमी बिगड़ी ज़ाँव; अरह् नाँष के संमुँन्द्रो दे डूब्बी ज़ाँव।

2 तीमुथियुस 4:10

किन्देंखे के भाई-देमास ऐ तअ ईयों संईसारी प्यारी जाँणियों मुँह छुड़ी दिता, अरह् थिस्सलुनीकियों नंगर खे हुटी गुवा, अरह् भाऐ-क्रेसकेंस गलातियों नंगर के ढंबै हुटा, अरह् संत्त-तीतुस दलमतिया ईलाके खे हुटा।

तीतुस 2:12

अरह् आँमों खे चिताँव्णी दियों, के आँमें मुँरूख्ता अरह् संईसारी की लाल़्चो शा मंन बद्ल़ियों ऐसी ज़ूगौ दे द्रिडता, धर्म अरह् भक्त्ति शा जीवन बिताँव;

तीतुस 3:6

तिन्ऐं अमाँरी मुँक्त्ति देणों वाल़े यीशू मसीया के जाँणें आँमों गाशी बैजाऐ आशीष के बर्षा करी।

2 पतरस 1:11

परह् ऐशे दाँई तुँऐं अमाँरे प्रभू अरह् बचाँणों वाल़े प्रभू यीशू मसीया के सदा की राज्य दे बड़े आदर आरी दाखिल हऐ ज़ाँले।