1 तीमुथियुस 6:16 - Sirmouri

¹⁶ अरह् सेही सिर्फ अमर असो, अरह् ना तेसी कुणिऐं देखी थई, अरह् ना तेसी कुँऐं आदमी देखी सक्दा; किन्देंखे के से आगी के भाठौ के लहयारे की सैकों कैई रंह्; तिनकी ईज्जत अरह् तिनकी शक्त्ति का परमाँण ज़ूगौ-ज़ूगौ तोड़ी रंह्दा। आमीन!

सिरमौरी नौवाँ नियम

¹⁶ औरौ सिरफ सै एकमात्र औसौ जू सौदा कारिए जियुंदा औसौ, औरौ सै ऐतरै चोमकदार पेयाशै दा रौंव औरौ ना कोसी आदमीए तैसी दैख राए औरौ ना कुणिए दैख सौकौ। तैसकै महिमा, शौकतै औरौ राज्‍य जुग-जुग रौंदै। आमीन।

1 तीमुथियुस 6:16 ပူးပေါင်းရင်းမြစ်များ

यूहन्ना 1:18

पंण्मिश्वर कुँणिऐं ने देखी थंई; सिर्फ पंण्मिश्वर के ऐक्लोत्ते बैटे ऐं ही देखी थुवा; जुण्जा आप्णें बाबा की हंगाल़ी दा असो, तेने ही पंण्मिश्वर पर्गट करा।

यूहन्ना 14:9

प्रभू यीशू ऐ तेस्खे बुलो, “ओ फिलिप्पुस, हाँव कोद्दी शुभा बड़े बख्तो तोड़ी, तुँवाँरी गंईलो असो; तअ तबे भे तुऐं मुँह जाँण्दें ने? परह् जेने मुँह देखी थुवा; तेने बाबा भे देखी थुवा: तअ तबे तुऐ ऐजो कैई बुलो, के ‘आँमों कैई शे सिर्फ बाबा के दर्षण कराव?’

यूहन्ना 6:46

ऐजों ने जाँणें के बाबा कुँणिऐं देखी थुवा; सिर्फ तेने ही बाबा देखी थुवा, जुण्जा स्वर्गो शा ऊदा आऐ रूवा।

यूहन्ना 8:58

प्रभू यीशू ऐ तिनखे बुलो, “हाँव तुओं खे खास बात बुलू; के बाबा अब्राहम के पय्दा हंणों शा आगे भे हाँव थिया।”

इफिसियों 3:21

कलीसिया दे अरह् मसीया यीशू दे तिनकी बड़ियाऐ पीड़ी शे पीड़ी तोड़ी ज़ूगौ-ज़ूगौ तोड़ी हंदी रंह्। आमीन!

फिलिप्पियों 4:20

अमाँरे परंम-पिता पंण्मिश्वर की बड़ियाऐ ज़ूगौ-ज़ूगौ दी हंदी रंह्। आमीन।

कुलुस्सियों 1:15

से तअ छाँई-माई पंण्मिश्वर का देखाई पढ़णों वाल़ा रूप असो, अरह् बादी संईसारी का जैठा असो।

1 तीमुथियुस 1:17

ऐबे सदा का राजा मतल्व अ-बिनाषी, अनाँथों: खे, सिर्फ ऐक पंण्मिश्वर का आदर अरह् बड़ियाऐ ज़ूगौ-ज़ूगौ तोड़ी हंदी रंह्। आमीन।

इब्रानियों 13:8

प्रभू यीशू मसीया आगे भे अरह् ऐत्त्लो भे अरह् हजो भे ज़ूगौ-ज़ूगौ तोड़ी ऐक-भाँत्ते ही असो।

याकूब 1:17

बादे आछै दाँण, अरह् बादे शुद्ध बर्दांण, ऊपरोह् शे मतल्व स्वर्गो के पिता कैई शे भेंटो: जेने सर्गों के त्तैज-प्रकाष बंणाँऐं; अरह् जिदा ना किऐ बद्ल़ाव हंदा, अरह् ना किऐ साटा-बाटा हंदा।

1 यूहन्ना 1:5

जुष्जी खुषख्बरी आँमें तिन कैई शी शुणी थऐ, अरह् सेजी ही खुषख्बरी आँमें तुँओं कैई शी शुणाँव, से ऐजी असो, के पंण्मिश्वर प्रकाष असो, अरह् तिन्दो किऐ भे ईनाँरों ने आथी।

1 यूहन्ना 1:7

परह् जे जैष्णें से प्रकाषो दे असो, तैष्णें ही आँमें भे प्रकाषो दे चालो, तअ ओका ओकी का साजी बंणों, अरह् पंण्मिश्वर के बैटे प्रभू यीशू को लह्ऊँ आँमों सोभी पापो शे शुद्ध करह्।

1 यूहन्ना 4:12

पंण्मिश्वर कद्दी भे कुँणिऐं ने दे:खी थई; जे आँमें आपु मुँझी पियार करह्, तअ पंण्मिश्वर आँमों दा बास करह्, अरह् तिनके पियार दे आँमें बिलकुल शुरे-पुरे संम्लित हऐ गुऐ।

यहूदा 1:25

तैसी सिर्फ ऐक ही पंण्मिश्वर अमाँरे मुँक्त्ति देणों वाल़े, के बड़ियाऐं, अरह् महाँन्ता, पराक्रम, अरह् हंक-अधिकार, अमाँरे प्रभू यीशू मसीया के जाँणें हंमेशा शे असो, से ऐबे भे असो, अरह् ज़ूगौ-ज़ूगौ तड़ी रंह्। आमीन।

प्रकाशितवाक्य 1:6

अरह् आँमों आप्णी राज्य के परजा, अरह् आप्णे पिता-पंण्मिश्वर के याजक भे बंणाऐं दिते; तिनकी ही बड़ियाऐं अरह् तिनकी शँक्त्ति ज़ूगौ-ज़ूगौ तोड़ी बंणीं अंदी रंह्। आमीन।

प्रकाशितवाक्य 1:8

प्रभू पंण्मिश्वर, जुण्जे असो ऐ, अरह् जुण्जे सदा थिऐ, अरह् जुण्जे आँणों वाल़े असो, से सर्वशक्त्तिमाँन, प्रभू पंण्मिश्वर का बचन असो: से “अल्फ़ा, अरह् ओमेगा, हाँव ही असो”

प्रकाशितवाक्य 21:3

तबे मुँऐं सिंगाँस्हणों शी ऐक जुराल़ी गंम्बीर धाव ऐजो बुल्दे शुणीं, “देख, ऐजो असो, आदमी के बीच दो पंणपंण्मिश्वर का डेरा! अरह् ऐ तिनू मुँझी बास करदा, अरह् से तेस्की प्रजा हंदी; अरह् पंण्मिश्वर तिनू मुँझ़ी रंह्ऐयों आदमी के बीचो दा असो। से तिनकी गईलो डेरा करदा, अरह् से तिनके लोग हंदे, अरह् पंण्मिश्वर आपु तिनकी गईलो रंह्ऐयों, तिनके आप्णें पंण्मिश्वर हंदे।

प्रकाशितवाक्य 22:5

तेथै हजो कोद्दी भे रात्त ने पड़्दी; अरह् तिनके दीवे अरह् सुर्जो के भे कोद्दी जरूरत्त ने पड़्दी, किन्देंखे के प्रभू पंण्मिश्वर आपु तिनखे आप्णाँ त्तेज-प्रकाष देंदे, अरह् से तेथै ज़ूगौ-ज़ूगौ तोड़ी राज कर्दे।

प्रकाशितवाक्य 4:11

“हे अमाँरें प्रभू अरह् पंण्मिश्वर: तू ही बड़ियाऐ अरह् आदर अरह् शक्त्ति ज़ूगा असो; किन्देंखे के तुँऐं ही बादी चींजो सिर्जी, अरह् बंणाँई, से तुँवारी ही हिछ़या शी थी, अरह् सिर्जी गई।”

प्रकाशितवाक्य 7:12

“आमीन! अमाँरें पंण्मिश्वर के स्तुति अरह् बड़ियाऐं अरह् ज्ञाँन अरह् धन्यबाद अरह् आदर अरह् पराकर्म अरह् शक्त्ति ज़ूगौ-ज़ूगौ तोड़ी बंणी रंह्। आमीन!”