1 तीमुथियुस 6:14 - Sirmouri

¹⁴ के तुऐ अमाँरे प्रभू यीशू मसीया के पर्गट् हणों तोड़ी, ईयों अज्ञाँ दी किऐ कंम्मी ने आणों दिऐ, अरह् ईदा नीरर्दोष बंणियों चाला अंदा रंह्।

सिरमौरी नौवाँ नियम

¹⁴ कै तू सैजौ सौब ठुँ कौर जिथु पूरु कौरणौ कारिए पौरमेशवरे ताखै आज्ञा दैय राए ताकि कुणिए बै प्रभु यीशु मसीह कै पाछु आणौ तौड़ी तांव पांदी किछै बै गौलत कौरणौ का आरोप नी लाए सौकौ।

1 तीमुथियुस 6:14 ပူးပေါင်းရင်းမြစ်များ

1 कुरिन्थियों 1:8

हमाँरे प्रभू यीशू मसीया तुँओं आखरी बख्तो तोड़ी पाक्के कर्ले, किन्देंखे के तुँऐं तिनके आँणों के देसो तोड़ी निर-दोष बंणें रंह्।

इफिसियों 5:27

अरह् तिनू ऐक ऐशी त्तेज-प्रकाशित कलीसिया बंणाऐयों आपु कैई खह्ड़ी करी, जिंदा ना कंल़ंक, ना किऐ दाग, अरह् ना किऐ ऐशा दोष-कसूर हों; परह् तुऐ पबित्र अरह् बै-कसूर बंणों।

फिलिप्पियों 1:10

ऐथे तोड़ी के तुँऐं आच्छ़ी शी आच्छ़ी बातो प्यारी जाँणो, अरह् मसीया के देसो तोड़ी साच्चै अरह् बै-कसूर बणे अँदें रंह् अरह् तुऐं ढैस-ठूकर ने खाँव,

फिलिप्पियों 1:6

मुँह ईयों बातो का भूर्षा असो, के जिन्ऐं तुँओं कैई शे आच्छ़े काँम-काज़ कराँणें शुरू कराऐ थिऐ, सेही तिनू यीशू मसीया के आँणों के देसो तोड़ी पुरो करला।

फिलिप्पियों 2:15

जू तुँऐं सिदे-सादे नीष-कपट, अरह् बै-कसूर बणियों रंह्, तअ ईयों हठाव्णी, हर-कुछ कर्णो वाल़े गड़ी-पीड़ी दे, पंण्मिश्वर की साच्ची अलाद बंणियों अस्माँनों के तारे जैष्णें चँमक्दे रंह्।

कुलुस्सियों 1:22

ऐबे मसीया ऐ, आप्णी देह्शरीर की मऊँत्ती के जाँणें; पंण्मिश्वर आरी तुँवारा मेल-झोल कराऐ थुवा। जिन्दे लई से तुँओं पबित्र, निर्दोष-बैकसूर, अरह् बैदाग बंणाऐयों पंण्मिश्वर के सहाँम्णें हाजिर करी सको।

कुलुस्सियों 4:17

अरह् भाई-अर्खिप्पुस खे बुले के जू सेवा प्रभू दी ताँवखे देऐ थऐ, तियों च़ौक्क्षशाई शी पुरी करे।

1 थिस्सलुनीकियों 3:13

जू से तुवाँरा मंन ऐशा पाक्का करह्, के जबे अमाँरा प्रभू यीशू आप्णे पबित्र लोगो आरी आँव, तअ से अमाँरे पंण्मिश्वर अरह् पिता के सहाँम्णें पबित्रता दे नीर्दोष-बंणों।

1 थिस्सलुनीकियों 5:23

शाँण्त्ति का दाता पंण्मिश्वर आपु ही तुँओं पुरी रित्ती शे पबित्र करह्; अरह् तुँवारी आत्त्मा अरह् जीयाँन-प्राँण अरह् देह्-शरीर अमाँरे प्रभू यीशू मसीया के आँणों तोड़ी शुरे-पुरे अरह् नीर्दोष आछे थों।

2 थिस्सलुनीकियों 2:1

हे भाऐ-बंईणों, ऐबे आँमें आप्णे प्रभू यीशू मसीया के आणों गाशी, अरह् तिन कैई कठै हणों के बारे दी तुँओं खे ढाल-अरज करह्,

2 थिस्सलुनीकियों 2:8

तबे सेजा पापी आप्णी बादी शक्त्ति शा पर्गट हंदा, जेथू प्रभू यीशू आप्णें मुँह शी फ़ूको माँरियों माँरी देंदे; अरह् आप्णें आँणों के त्तेज शा भंस्म करी देंदे।

1 तीमुथियुस 6:20

हे तीमुथियुस, ताँव कैई जू देऐ थो, तिन्दे के देख-भाल़ करह्; अरह् बै-कार की संईसारीक बातो शा बंचियों रंह्, परह् तू झ़ूट्ठै ज्ञाँन के बिश्वाष शा दुरका ही रूऐ,

2 तीमुथियुस 4:1

पंण्मिश्वर अरह् मसीया यीशू हाजीर जाँणियों, जुण्जे जीऊँदे अरह् मँरे अँदे का नियाँव कर्ले; अरह् तिनके हजो पर्गट् हंणों गाशी तिनको राज नंजीक असो, ऐजो जाणियों हाँव ताँव खे ऐजी ऐक खास अज्ञाँ देंऊँ।

तीतुस 2:13

अरह् तेसी धन्यबाद के भुर्षें दे मतल्व आप्णे बड़े पंण्मिश्वर अरह् छुट्कारे देणों वाल़े प्रभू यीशू मसीया कि बड़ियाऐं के पर्गट हंणों की ताक दे रंह्।

इब्रानियों 9:14

तअ तबे मसीया को लह्ऊँ जिन्ऐं आपु आप्खे सदा अमर रंहणों वाल़ी आत्त्मा के कारण पंण्मिश्वर के सहाँम्णें नीर-दोष बंल़ीदाँण के रूप दा भेंट कंरियों चड़ाया; तअ तबे तुवाँरी अंन्त्तर आत्त्मा के मँरे अंदे कामों शे से कैई ने शुद्ध कर्दी? जू तुऐं जीऊँदें पंण्मिश्वर के सेंवा करी सको।

इब्रानियों 9:28

तेष्णा ही मसीया भे भहीते के पापो थागणों खे ऐकी बई बल़ीदाँण हुऐ, अरह् जुण्जे लोग तिनकी बाट-बाट जुहों, तिनके पाप के छ़ुट्कारे खे, हजो से दुज़ाल़िऐ बिना पाप के थागी देखाई पड़्दे।

1 पतरस 1:19

परह् बै-कसूर अरह् नींष-कल़क के छैल़्टे, मतल्व मसीया के बैजाऐ किम्त्ति लह्ऊँ के जाँणें हुआ।

1 पतरस 1:7

अरह् ईन्देंखे हों के तुवाँरा पर्खा अंदा बिश्वाष जू आगी शे भाड़े अंदे नाँष हंणों वाल़े सुन्नें शा भे कैथी बैजाऐ किम्त्ति असो; प्रभू यीशू मसीया के पर्गट हंणों गाशी, तारीफ, अरह् बड़ियाऐं अरह् आदर का कारण बंणों।

2 पतरस 2:21

आछो तअ ऐजो थियों, के तिन कैई धार्मिक्त्ता की बाट का पता ही ने हंदा; ईन्देंखे शो आछो ऐजो थियों के से जाँणियों पबित्र-अज्ञाँ जुण्जी तिन कैई देऐ थऐ थी, तिन्दे शो से आप्णों मुँह ने मुढ़्दे;

2 पतरस 3:14

ईन्देंखे, हे प्यारे साथियों, जबे के तुँऐं ईनू बातों का भूर्षा थह्, तअ कोशिष करह् के तुँऐं शाँण्त्ति शे तिनके साम्णें निरदोष-बै-कसूर भेटे चैई,

2 पतरस 3:2

जू तुँऐं पबित्र ऋषियों के जाँणें आगे ही बुली गई, अरह् तबे प्रभू यीशू के खास-चैले के जाँणें आँमों खे छूट्कारा देणों वाल़े के जाँणें दिती गई अज्ञाँ-निय्म तुवों कैई शे हजो चींत्तै कराऐ ज़ाँव।

1 यूहन्ना 3:2

हे प्यारों, ऐबे आँमें पंण्मिश्वर की अलाद असो, अरह् हेबी तोड़ी ऐजो पर्गट ने हऐ रई, के आँमें आँणों वाल़े बख्तो दे का हंदे! परह् आँमें ऐजो जाँणों ऐ, के जबे से पर्गट हले, तअ आँमें भे तिनके जिऐं हंदे, किन्देंखे के तिनू आँमें तैष्णें ही दे:ख्दे जैष्णें से असो ऐ।

यहूदा 1:24

ऐबे: जुण्जा तुँओं ठूकर लागणों अरह् रिड़णों शे बंचाऐ सको, अरह् आप्णी बड़ियाई के साम्णें खुशी-आँनन्द मंनाऐयों तुवों नीरदोष बंणाँणों ज़ूगा हों,

प्रकाशितवाक्य 1:7

देखो, से बाद्ल़ो आरी आँणों वाल़े असो, अरह् ऐक नाँम आँख तिनू देख्ली, परह् जिन्ऐं तिनू भिने थिऐ, से भे तिनू देख्लें, अरह् संईसारी-धर्ती के बादे कुल़ो के आदमी रूऐयों आप्णी-आप्णी छ़ाती-हिकुड़े पिट्ले। ऐष्णों जरूर हंदों। आमीन!