1 तीमुथियुस 6:12 - Sirmouri

¹² बिश्वाष की आच्छ़ी कुष्ती लड़, अरह् सेजा अमर-जीवन पा, जिन्देकी ताँईऐं ताँव खास-करियों बय्दी थुवा; अरह् तुऐं भहिते गुवाह्-शाज़्त्त के सहाँणें कबूल करियों माँनी भे पाव थियों।

सिरमौरी नौवाँ नियम

¹² युध्द मुंजी ऐक आछै सैनिक कै जैशणा, जू लोड़ाई मुंजी कौलोंई हार ना मानौ, ताखै बै, पौरमेशवर पांदी भोरोशा कौरणा औरौ तैसकै आज्ञा का पालन कौरणा ना छोड़णा चैंई। तियौं सौदा कै जिन्दगी कै मोजबूती शै पाकड़ै पा, जियौं कारिए ताखै बौएदै राए, जोबै बौहितै लोगौ कै सामणै, तुऐं साफ-साफ बौल़ै राए थियु कै तू मसीह पांदी भोरोशा कौरे।

1 तीमुथियुस 6:12 ပူးပေါင်းရင်းမြစ်များ

2 कुरिन्थियों 6:7

साच्चे पियार दे, सच्चाई के बचन दे, पंण्मिश्वर की शक्त्ति दी, धार्मिक्त्ता के शाँन्द्रो शे जू सुऐं-डेरे हाथों दे असो,

2 कुरिन्थियों 9:13

किन्देंखे के सेवा का नंतिजा स्बीकार करियों से पंण्मिश्वर की बड़ियाऐ पर्गट करह्, के तुँऐं मसीया की खुषख्बरी मानियों तेसी ही बिसाब शे चाले, अरह् तिनकी ढबे शी सोभी की सहाय्ता-मंद्दत कर्णो की हिछ़या पर्गट करह्।

फिलिप्पियों 1:30

अरह् तुँओं ऐष्णा ही मुकाब्ला करणा पड़ला; जेष्णाँ मुकाब्ला तुँऐं मुँह कर्दें देखी थुवा; अरह् हाँव हेबी भी सेजा ही मुकाब्ला करू, जिन्दे के बारे दो तुँऐं शुँणों हले।

कुलुस्सियों 3:15

मसीया की शाँण्त्ति तुवाँरें दिल-सासो दो राज करह्, ईयों ही शाँण्त्ति खे; तुँऐं ऐक देह्-शरीर के अंग बणियों बय्दी थुऐ, अरह् तुँऐं सदा धन्यबाद कर्दे रंह्।

1 थिस्सलुनीकियों 2:12

के तुँवारी चाल-ढाल पंण्मिश्वर ज़ूगी हों, जुण्जे तुँओं आप्णे राज अरह् बड़ियाई खे बईदो।

2 थिस्सलुनीकियों 2:14

जिन्दे खे तिन्ऐ तुँओं अमाँरी खुषख्बरी खे बय्दी थुऐ, के तुँऐं अमाँरे प्रभू यीशू मसीया दे बड़ियाऐं पाँव।

1 तीमुथियुस 1:18

हे बैटा, तीमुथियुस, तिनू बरंमबाँणीं के मुँताबिक शा जू आगे तेरे बारे दी बुली गऐ थी, हाँव ऐजी अज्ञाँ देऊँ, के तू तिन्दे के मुँताबिक आच्छ़ी लड़ाऐ लड़दा रंह्,

1 तीमुथियुस 1:19

अरह् बिश्वाष अरह् तेसी आछे सभाव-बरताव, थाँम्ड़ा अंदा थुऐ, जेसी दूर कर्णो के जाँणें कैतोड़े लोगो के बिश्वाषो का छ:त्तियाँनाँष हुआ।

1 तीमुथियुस 4:14

ताँव कैई जुण्जा दाँण-बरंदाँण असो, जुण्जा के ताँव्खे बरंम्बाँणी के जाँणें, कलीसिया के दाँनें-माँनें पुराँणिऐं लोगो के हाँथ ताँव गाशी थंणों लंई भेंटा थिया; तू तेसी बरंदाँन सुवाँ करियों तिन्दी ही लंई सेंवा करे।

1 तीमुथियुस 6:13

हाँव तुँओं खे तेसी पंण्मिश्वर का जू ऐक नाँम पराँणी जीऊँदें थंह्, अरह् यीशू मसीया तुवाँरा गुवाह्-शाज़्त्त अरह् हाजीर जाँणियों जिनिऐ हाकम-पुन्तियुस, पिलातुस के सहाँम्णें आछ़ो कबूल करियों माँनी पाव; अरह् हाँव तुओं खे ऐजी अज्ञाँ देऊँ,

1 तीमुथियुस 6:19

ऐष्णों करियों से हजो खे स्वर्गीऐ धन कोठो करह्, मतल्व तेसी स्वर्गो दा बैजाई ईनाँम भेंट्दा; ईन्दें लई से साच्चा जीवन जीऊँला।

2 तीमुथियुस 1:9

जिन्ऐं आँमों खे छ़ुट्कारा दिता, अरह् पबित्र बुलावे लंई बईदे, ऐष्णों अमाँरी काँम-काज़ के कारण ने हई; परह् तिनके ईरादे अरह् तेसी कृपा के मुँताबिक असो, जू मसीया यीशू के कारण ज़ूगौ-ज़ूगौ शा ऊँबा आँमों गाशी हुआ।

2 तीमुथियुस 2:2

अरह् जू बातो तुँऐं भहीते गुवाह्-शाज़्त्त के सहाँम्णें मुँह कैई शी शुँणी थई, तिनू बातो तेसी ईमाँनदार बिश्वाषी भाई कैई दे; जू ओकी कैई शे भे शिखाँणों ज़ूगा हों।

2 तीमुथियुस 4:7

मुँऐ आच्छ़ी कुष्ती लड़ी थऐ, मुँऐं आप्णी दौड़ पुरी करी पाऐ, मुँऐ बिश्वाष की देख-भाल़ करी थऐ।

इब्रानियों 13:23

हाँव ऐशो जाँणू, के ऐजो जाँणी पाव के अमाँरा भाऐ तीमुथियुस, कय्दी शा छूटी गुआ; जे से शीघा ही पईचला तअ हाँव तेसी ही आरी तुँओं भेंट्दा आऊँबा।

इब्रानियों 3:14

किन्देंखे के आँमें बिश्वाष दे मसीया के हिस्सेदार हऐ रूऐ, जे आँमें आप्णे आगले भुर्षे गाशी आखरी तोड़ी पाक्कै हऐयों अट्ल़ रंह्।

इब्रानियों 6:18

परह् दो अट्ल़ बातो, के कारण, जिन्देके बारे दे पंण्मिश्वर झूठे बाँण्णें कठीण असो, किन्देखे के आँमों खे तिन्ऐं शंरण देऐ थंऐ, अरह् सेजा ही भोरषा पाक्का हंणों खे आँमो दीड़-हिम्मत्त भेंटो; जुण्जी दोऊँड़ अमाँरे सहाँम्णें तिन्ऐ थंऐ।

1 पतरस 3:9

बुराई के बद्ल़े बुराई ने करे, अरह् ना गाल़ी के बद्ल़े गाल़ी दिऐ; परह् गाल़ी के बद्ल़े आशिर्बाद दिऐ, किन्देंखे के तुँऐं आशिर्बाद के हंकदार हंणों खे बय्दी थुऐ।

1 पतरस 5:10

ऐबे पंणमिश्वर जू बादी कृपा का दाता असो, जिन्ऐं तुँओं मसीया दे आप्णी सदा की बड़ियाऐ खे बय्दी थुऐं, तुवाँरे ऐगड़ी खे दु:ख भूगणों पाछ़ी, आपु ही तुँओं साचे-पाके अरह् तागतबर कर्ले।

1 यूहन्ना 2:25

सदा-सदा का अमर-जीवन का बाय्दा भे तिनके ही जाँणें आँमों आरी करा गुवा थिया।

यहूदा 1:3

हे प्यारों! जबे हाँव तुँओं खे तैसी छुट्कारे के बारे दो लिख्णों खे बैजाऐ मेंह्नत्त कर्णो के कोशिष दा थिया, जिन्दें आँमें बादे साजी असो, तअ मुँऐं ऐजो जरूरी जाँणों के तेसी बिश्वाष खे जरूरी कोशिष करह्, जू पबित्र लोगो खे ऐकी ही बई देऐ थुवा।

प्रकाशितवाक्य 3:3

ईन्देंखे चींत्ते करह् के तुँओं केष्णी शिक्क्षा भेटी, अरह् केष्णों तुँऐं शुँणों, अरह् तियों शिक्क्षा दा पाक्का अट्ल़ बँणा अँदा रंह्, अरह् आप्णा मंन बदल़। अरह् जे तू ऐबे भे शुझ़ी दा ने आया, तअ हाँव चोर जेष्णाँ आँऊबा, जू ताँव कैई पता ही ने लागो, के हाँव कोसी बख्ते ताँव गाशी पड़ूबा।