1 तीमुथियुस 4:3 - Sirmouri

³ से तुँओं सोभी लोगो खे ऐजी मंत्त-शिख्ह देंदे, के तुँऐं जाज्ड़े ने बाँणें, अरह् किऐ खाँणों-पिणों की चींजो भे छाँट्दे के तुँऐं ईनू भे ने खाऐ, किन्देंखे के पंण्मिश्वर ऐ बादी खाँणों की चींजो खाँणों खे ही बाँणीं थई, ईन्देंखे के बिश्वाषी अरह् संच्चाई की पछ़याण कर्णो वाल़े ईनू चींजो खे धन्यबाद देऐयों खाँव।

सिरमौरी नौवाँ नियम

³ गौलत शिक्षा दैणौवाल़ै शिखांव कै बैयाव कौरणा औरौ किछै भांत को खाणौं खाणौ गौलत औसौ। पौरौ पौरमेशवरे ऐजौ सौबै बिशवाशी कारिए बाणै राए, जू साची शिक्षाओं खै जाणौए, कै सै तिथु धन्यवाद कै प्रार्थना कै बाद खाणौ खाए सौकौ।

1 तीमुथियुस 4:3 ပူးပေါင်းရင်းမြစ်များ

मत्ती 14:19

तबे तिन्ऐ लोगो खे ज़ुब्ड़ी गाशी बईठाल़्णों की अज्ञाँ दिती, अरह् तिनू पाँच रोटी अरह् दो माँछी लई; अरह् स्वर्गो की ढबे ऊबो दे:खियों धन्यबाद करा अरह् रोटी च़ूड़ी-च़ूड़ियों आप्णें चैले कैई दिती, अरह् तिन चैले लोगों खे दिती।

मत्ती 15:11

खाँणों-पीणों की चींजो लई आदमी पंणमिश्वर के नंजर दा अशुद्ध ने हंदी, परह् जुण्जो किऐं आदमी की ज़ात्ति शो निंक्ल़ों, तिन्दें लई आदमी पंणमिश्वर की नंजर दा अशुद्ध हों।”

मत्ती 15:36

अरह् आपु प्रभू यीशू ऐ सेजी सात्त रोटी अरह् माछी आप्णें हाथों दी करियों, पंणमिश्वर का धन्यबाद करियों च़ूड़ी, अरह् आप्णें चैले कैई देंदे गुऐ, अरह् चैले ऐ लोगो खे बाँडी दिती।

लूका 24:30

जबे प्रभू यीशू तिनकी गईलो खाँदे धुईऐ तअ प्रभू ऐ रोटी आप्णें हाथों दी करी, अरह् धन्यबाद करियों आशिष माँगी, अरह् सेजी रोटी च़ूड़ियों से तिनखे देंदे लागे।

यूहन्ना 6:23

(तबे तिबिरियास नंगर शी ऊकी नाव तेसी जागे के नंजीक पंह्ऊँचीं गई, जेथै तिन्ऐं प्रभू यीशू के धन्यबाद कर्णो पाछ़ी रोटी खाई थी)

प्रेरितो कै काम 27:35

ऐजो बुलियों संत्त-पौलुस ऐ रोटी करी, अरह् सोभी के सहाँम्णें पंण्मिश्वर का धन्यबाद करा; अरह् च़ूड़ियों खाँदा लागा।

रोमियों 14:17

किन्देंखे के पंणमिश्वर को राज खाँणों-पिणों ने, परह् नियाँव, अरह् मेल-मिलाप, अरह् सेजा आँनन्द-खुशी असो, जू पबित्र-आत्त्मा शा हों।

रोमियों 14:3

सब-कुछ खाँणों वाल़ा, नीरमाँसी खे छुटा ने जाँणें, अरह् ना नीरमाँसी सब-कुछ खाँणों वाल़ा कसूरबार बाँणों; किन्देंखे के पंणमिश्वरे तेसी भी कबूल करी थुवा।

रोमियों 14:6

अरह् जुण्जा कुँऐं आदमी कोसी देस आछ़ो माँनों, से प्रभू खे माँनों। अरह् जुण्जा किऐ खाँव ऐ, से भे प्रभू खे खाँव, किन्देंखे के से पंणमिश्वर का धन्यबाद करह्, अरह् जुण्जा किऐ खाँदा ने, से भे प्रभू खे ने खाँदा अरह् प्रभू का धन्यबाद करह्।

1 कुरिन्थियों 6:13

भोजन पेटो खे, अरह् पेट भोजन खे असो, परह् पंणमिश्वर ऐसी अरह् तेसी दुईनें नष्ट करदा। परह् अमाँरी देह्-शरीर बैष्या गंम्मी बिचका-काम कर्णो खे ने आथी; परह् प्रभू खे असो, अरह् प्रभू देह्-शरीर खे असो।

1 कुरिन्थियों 7:28

जे तू बियाव-जाज्ड़ा बाँणे, तअ सेजा पाप ने आथी; अरह् जे कुवाँरी बियाँऐं तबे भे किऐ पाप ने आथी, अरह् ऐष्णें खे देह्-शारीर का दु:ख हंदा, अरह् हाँव ईनू ऐसी दु:ख शे बंचाँणें चहाँऊ।

1 कुरिन्थियों 8:8

भोजन आँमों पंणमिश्वर के नंजीक ने नींदा। जे आँमें खाँव ने तअ अमाँरा किऐ नुकसाँन ने आथी, अरह् जे आँमें खाँव तअ तिन्दें लई किऐ फाय्दा ने आथी।

कुलुस्सियों 2:16

ईन्देंखे के तुवाँरे खाँन-पाँन, के मैल़ा, के नुँऐं चाँद, के बिषाँव को देस दा, से तुवाँरा किऐ भे फ़ंऐस्ला ने करी सको।

कुलुस्सियों 3:17

तुँऐं भाँव किऐ बुलो, भाँव किऐ करह्, सब-कुछ प्रभू यीशू के नाँव शो करिया करह्, तुँऐं तिन्ही के जाँणें पिता पंण्मिश्वर खे धन्यबाद देंदे रंह्।

1 तीमुथियुस 2:4

जू ऐजो चहाँव के बादे आदमी खे छ़ुट्कारा भेंटो, अरह् से सच्चाई आच्छ़ी करियों फंह्छ़ियाणीं पाँव।

1 तीमुथियुस 4:4

किन्देंखे के पंण्मिश्वर की रंची-बणाँई अंदी बादी ऐक नाँम चीज शुद्ध असो, ऐक चीज भे छुड़णों ज़ूगी आथी ने; परह् ऐजो जरूरी असो, के बादी चींजो पंण्मिश्वर का धन्यबाद करियों खाई ज़ाँव।

1 तीमुथियुस 5:14

ईन्देंखे हाँव ऐजो चहाँऊ, के जुवाँन बिध्वा हजो शाऊँरे ज़ाँव; अरह् नहाँन्ड़िया हुआल़ो, अरह् आप्णों घरह्-बार देखो, अरह् तबे तिनू आप्णी नीदया कर्णों वाल़े खे आप्णें बारे दा किऐ भे बुल्णों का मुँक्का ने दियों।

इब्रानियों 13:4

विवाह-जाज्डा सोभी मुँझी आदर-ईज्जत के बात सम्झी ज़ाँव, अरह् विवाह का बिछाँन्द्रा नीषकंल़क रंह्, किन्देंखे के पंण्मिश्वर चुरी-जारी कर्णो वाल़े, अरह् ओकी पराई तिरंई आरी चुरी-जारी कर्णो वाल़े का नियाँव करदा।

इब्रानियों 13:9

बदल़ी अंदी कंई किस्म की शिक्क्षा के बंहकावे दे ने आऐ; अरह् अमाँरे दिल खे ऐजो ठीक असो, के कृपा के कारण तेसी पाक्का करा ज़ाँव; ना के खाणों-पीणो की चीजो के जाँणें; किन्देंखे के खाणों-पीणों के रित्ति-रूवाज के जाँणें कोसी का किऐ भे भला ने हंदी।