1 तीमुथियुस 4:12 - Sirmouri

¹² कुँऐ भे तेरी जुवाँनी छ़ुटी ने जाँणों, परह् बचन, अरह् चाल-चल्ण, अरह् प्यार, अरह् बिश्वाष, अरह् पबित्रत्ता, दा बादे बिश्वाषी भाई-बंईणों खे ऐक आच्छ़ा-नंमुँना बंणी ज़ाऐ।

सिरमौरी नौवाँ नियम

¹² ऐशैखै बर्ताव कौरौ कै कुणिए बै तैरा अनादर नी कौरौ, जिथुकै तू जोवान औसौ, पौरौ ताखै आपणै बौल चाल दो आछै बर्ताव कै साथै, प्यार कै साथै, मसीह कै बिशवाश कै साथै औरौ पवित्र जीवन जिणौ कै साथै बिशवाशी लोगौ कारिए नमूना बोणणौ चैंई।

1 तीमुथियुस 4:12 ပူးပေါင်းရင်းမြစ်များ

मत्ती 18:10

“ख्याल थुऐ, के तुँऐं ईनू छुटे मुँझ्षा कोसी भे छुटा छ़ूत्त जाँणियों ने दे:खो; हाव तुँओं खे बुल्णों चहाँऊ, के स्वर्गो दे ईनके स्वर्गदूत्त मेरे स्वर्गो के पिता को मुँह हमेशा दे:खो।”

1 कुरिन्थियों 11:1

तुँऐं मेरी जेऐ चाल-चालो, जेष्णी हाँव मसीया की जेऐ चाल चालू।

फिलिप्पियों 4:8

ईन्देंखे हे भाऐ-बईणों जू-जू बातो साची असो, अरह् जू-जू बातो ईज्जत की असो, अरह् जू-जू बातो पबित्र असो, अरह् जू-जू बातो मंन लुभाणी असो, अरह् जू-जू बातो मंन दी भाँव, मतल्व जू भे सत्तगुण, अरह् तारीफ की बातो असो, तिन्दे गाशी ध्याँन लाव।

1 थिस्सलुनीकियों 1:6

तुँऐं बड़े कल़ेष दे पबित्र-आत्त्मा के मंजे आरी, बचन माँनींयों अमाँरी अरह् प्रभू की जैष्णी चाल चाल्दे लागे।

1 थिस्सलुनीकियों 2:10

तुँऐं आपु ही गुवाह्-शाज़्त्त असो, अरह् पंण्मिश्वर भे गुवाह्-शाज़्त्त असो, के तुँऐं बिश्वाषी मुँझी अमाँरा बरताव केष्णा पबित्र, धार्मिक अरह् नीर्दोष रूवा।

1 तीमुथियुस 1:14

अरह् अमाँरे प्रभू के बैजाऐ बड़ी कृपा, बिश्वाष अरह् प्यार आरी जू मसीया यीशू दा असो, से बैजाऐ भहिती हऐ।

2 तीमुथियुस 2:15

संच्चाई के बचन ठीक-ढ़ंग शे बखाँण करियों, पंण्मिश्वर के ऐशे धारण कर्णो ज़ूगै सेवक बंण्णों के कोशिष करह्; के तिनकी सहाँम्णें शोर्मिन्दो ने हंणों पड़ो।

2 तीमुथियुस 2:22

परह् तू जवाँनी की हिछ़याओं शा दुरका भाग; अरह् जुण्जी बात पंण्मिश्वर के आच्छ़ी लागो, तिन्दे पाछ़ी चाल। जेष्णें के बिश्वाष, प्यार, अरह् मेल-झोल तिनू आदमी आरी करह्; जुण्जे पंण्मिश्वर कैई साफ़ मंन शी पुकार करह्।

2 तीमुथियुस 2:7

जुण्जों किऐ हाँव ताँव्खे बुलू, तिन्दे का ख्याल करह्; अरह् प्रभू ताँव्खे बादी बातो की संह्म्झ देला।

तीतुस 2:15

आप्णें बादे हंकधिकार आरी ऐजी बातो बुल, अरह् सम्झा, अरह् शिखाँदा रंह्। जिन्दें लंई कुँऐं ताँव्खे छोटा ने जाँणों।

तीतुस 2:7

बादी बातो दे आपु-आप्खे भले काँम-काज़ खे ऐक नंमुना बंणो। तेरी शिक्क्षा दी सफाऐ, गम्बीरता,

याकूब 3:13

तुँओं मुँझी ज्ञाँनी अरह् ठगड़ा सम्झदार कुँण असो? जुण्जा ऐशा हों के आप्णे आच्छ़े सभाव अरह् करंम के जाँणें ज्ञाँन पय्दा कर्णो वाल़ी नरमाँऐं आरी पर्गट हों।

याकूब 3:17

परह् जुण्जा ज्ञाँन स्वर्गो शा आँव, से आगे तअ पबित्र हों, तबे मिल्नसार, कोमल, मित्रता, दया-रंय्म, अरह् आछ़ै फल़ शा लदा अंदा अरह् बिना अप्णोंट वाल़ा, अरह् बिना कपट का शुद्ध हों।

1 पतरस 5:3

जुण्जे लोग तुँओं खे देऐं थुऐं, तिन गाशी हंक-अधिकार ने जताऐं, परह् मंडल़ी खे आदर ज़ुगे बंणों।