1 तीमुथियुस 4:10 - Sirmouri

¹⁰ किन्देंखे के आँमें मेह्न्त अरह् कोशिष ईन्दी खे करह्, के अमाँरा भूर्षा तेसी जीऊँदे पंण्मिश्वर गाशी असो; जू बादे आदमी का अरह् खास-करियों बिश्वाषियों का छ़ुट्कारा करह्।

सिरमौरी नौवाँ नियम

¹⁰ आमु ऐसी जीवन कै पाणौ कारिए संघर्ष औरौ कड़ी मैहनत कौरु जिथुकै आमै जियुंदै पौरमेशवर पांदी आशा कौरु, जू सौबी लोगौ का उध्दारकर्ता औसौ, औरौ खास तौर शै तिनका जू तैसी पांदी बिशवाश कौरौ।

1 तीमुथियुस 4:10 ပူးပေါင်းရင်းမြစ်များ

मत्ती 16:16

शमौन संत्त-पतरस ऐ जबाब दिता, “तुँऐं जीऊँदे पंणमिश्वर का बैटा मसीया असो!”

मत्ती 27:43

ऐ पंणमिश्वर दा बिश्वाष करह्, किन्देंखे के ऐने ऐजो बुली थो, के ‘हाँव ही पंणमिश्वर का बैटा असो’, तबे पंणमिश्वर ऐसी छुड़ोऐ देला जे से ऐसी शो पियार करह्।”

यूहन्ना 1:29

दुज़ै देसे संत्त-यूहन्ना नहाँण-कराँणों वाल़े ऐ प्रभू यीशू आप्णे ढबे आँदे देखियों बुलो, “देखो, ऐजा पंण्मिश्वर का छैल़्टा असो; जुण्जा संईसारी के पाप टीपियों नींह्दा।

यूहन्ना 4:42

तबे तिनू सामरी लोगे ऐ तियों तिरंई खे बुलो, “ऐबे आँमें सिर्फ तेरी ही गुवाई-शाज़्त्त शुँणियों, बिश्वाष ने करी; परह् ऐबे आँमें आपु भे ईनके बचन शुँणियों, ऐजो जाँणी पाव, के सोत्तिखे ऐ संईसारी का छुट्कारा देंणों वाल़े असो।”

यूहन्ना 5:24

हाँव तुँओं खे ऐक खास बात बुलू, के जुण्जा कुँऐं मेरे बचन शुँण्ला, अरह् जिन्ऐं मुँह डेयाल़ी थुवा, तिन गाशी से बिश्वाष करला, तअ सदा का अमर-जीवन तेस्खे भेट्दा, अरह् तेस्खे सजा की अज्ञाँ ने देंईदी, परह् से मऊँत्ती गाशी जीत्त पाँऐयों, अमर-जीवन दा दाखिल हऐ ज़ाँदा।

1 कुरिन्थियों 15:10

परह् हाँव जू किऐ भे असो ऐ, से पंणमिश्वर की कृपा शा असो; तिनकी कृपा जू मुँह गाशी हऐ से बै-कार ने गई; परह् मुँऐं तिनू सोभी शी जादा मेंह्न्त भे करी; तबे भे मेंह्न्त कर्णो वाल़ा हाँव ने परह् पंणमिश्वर असो, जिनकी कृपा मेरी गईलो रऐ।

2 कुरिन्थियों 1:10

तिन्ऐ ही आँमों मऊँत्ती के मुँहों शे बचाऐं; अरह् तिन गाशी अमाँरा ऐजा भूर्षा असो, के से हजों भे आँमों बचाँदें रंह्दे।

1 तीमुथियुस 2:3

ऐजो अमाँरे छ़ुट्कारे देणों वाल़े, पंण्मिश्वर के आच्छ़ों लागों; अरह् तिनके ऐष्णों ही भाँव भे असो।

1 तीमुथियुस 2:4

जू ऐजो चहाँव के बादे आदमी खे छ़ुट्कारा भेंटो, अरह् से सच्चाई आच्छ़ी करियों फंह्छ़ियाणीं पाँव।

1 तीमुथियुस 2:6

जिन्ऐं आपु आप्खे सोभी की ताँईऐं छुट्कारा दियाणों खे आप्णाँ ही बंल़ीदाँण करी दिता, जू पंण्मिश्वर के गुवाह्-शाज़्त्त ठीक बख्तो दे देऐ ज़ाव।

1 तीमुथियुस 3:15

के जे मेरे आँणो दी देर हो, तअ तुऐ जाँणी पाव, के पंण्मिश्वर के घराने दी जू जीऊँदे पंण्मिश्वर की कलीसिया असो, तिदा लोगो का केष्णा बरताव हुआ चेंई, किन्देंखे के कलीसिया ही सच्चाई का खंम्बा अरह् पह्-नींव असो।

1 तीमुथियुस 6:17

अरह् ऐसी ज़ुगौ की चींजो लई, जू कुँऐं सेठ-धंनवाँन बंणी रूऐ, तिनखे अज्ञाँ दे, के से घमंडी ने बंणों, अरह् ना चंचल धंन दा किऐ भूर्षा करह्, परह् पंण्मिश्वर गाशी भूर्षा थुऐ, जेने अमाँरे सु:खो खे सब-कुछ बैजाऐ दितो।

इब्रानियों 11:26

तेस्की नंजरी दे मसीया की ताँईऐं संह्ई गंई शर्मिन्दगी, मिस्र देश के धंन-खाजाँनें शी भे जादा किमम्त्ति थी; किन्देंखे के तेस्की नंजर जीवन दी आँणों वाल़े ईनाँम गाशी लागी अंदी थी।

इब्रानियों 13:13

ईन्देंखे आँमें भे तिनकी बैस्ती का भार झेल्बै अरह् थागुबै, जाँगी शे बाईडे दाँई तिन कैई चालो,

1 पतरस 1:21

तिनू मसीया के जाँणें ही तुँऐं तिनू पंणमिश्वर गाशी बिश्वाष करह्, जिन्ऐं तिनू मरे अंदे मुँझ्शे ऊबे जीयाल़े, अरह् बड़ियाऐं दिती, के तुँवारा बिश्वाष अरह् भूर्षा पंणमिश्वर गाशी हों।

1 यूहन्ना 2:2

अरह् से ही अमाँरे पापो खे ऐक बल़ीदाँण असो, सिर्फ आँमों खे ही ने; परह् बादी संईसारी के पापो खे।

1 यूहन्ना 4:14

आँमें ऐजो दे:खी थो, अरह् ईन्दें के गुवाऐ-शाज़्त भे असो, के पिता ऐ बैटा ईन्देंखे संईसारी दे छुट्कारे मंतल्व मुँक्त्ति देंदे डियाल़ी थुऐ थिऐ।