1 तीमुथियुस 3:7 - Sirmouri

⁷ अरह् बाईले आरी भे से जाँना माँना हों, जू कोद्दी ऐशो ने हऐयों के से बदनाँम हऐयों शैतान की पाशी-जाल़ौ दा ने फषो।

सिरमौरी नौवाँ नियम

⁷ औरौ कलीसिया शै बायरै कै लोगौ मुंजी बै तैसका आछा नांव हौणा चैंई। ताकि लोग तैसकै बारै मुंजी बुरी बातौ नी कौरौ औरौ शैतान तैसी आपणै जाल दा ना फौशांव।

1 तीमुथियुस 3:7 ပူးပေါင်းရင်းမြစ်များ

मरकुस 4:11

तबे प्रभू यीशू ऐ तिनखे बुलो, “तुँओं कैई तअ पंणमिश्वर के राज्य का भेद् सम्झ देऐ थऐ, परह् बाईले लोगो खे ऐजी बादी बातो अनाँणें दी बुली।

प्रेरितो कै काम 10:22

तिन्ऐं ऐजा जबाब दिता, “सुबेदार कुरनेलियुस जुण्जा धर्मी, अरह् प्रभू! का भगत्त, अरह् पंण्मिश्वर का डर-भय माँनणों वाल़ा असो; अरह् तेस्का बादे यहूदी लोग, भे आदर-ईज्जत्त करह्, अरह् तेस्खे ऐक पबित्र स्वर्गदूत्त ऐं अज्ञाँ देऐ थंऐ; के से तुओं आप्णें कागी बंईदो, अरह् से तुओं कैई शे बचन की खुषख्बरी शुँणों।”

प्रेरितो कै काम 22:12

“तबे हनन्याह नाँव का ऐक आदमी तेथै आया, से ऋषी मूसा खे भेटे गुऐ अज्ञाँ-निय्म के मुँताबिक चाल्णों वाल़ा, भगत्त अरह् सोभी यहूदियों मुँझी माँना-गीणा आदमी थिया;

प्रेरितो कै काम 6:3

तअ तबे: हे मेरे भाऐ-बंईणों! तुऐं लोग आपु ही मुँझ्शे सात्त आच्छ़ै चाल-चल़्ण वाल़े मरोद् च़ूणीं-छ़ाँटी दियों; जुण्जे के पबित्र-आत्त्मा अरह् बुद्धी शे भे भर-पुर हले; जिनू आँमें ऐसी काँम-काज़ खे तैयार करी सको।

1 कुरिन्थियों 10:32

तुँऐं ना यहूदी लोगो खे, अरह् ना यूनानी लोगो खे, अरह् ना पंणमिश्वर की कलीसिया खे ढैस-ठोकर का कारण बंणों।

1 कुरिन्थियों 5:12

कलीसिया शे बाईले आदमी का नियाँव भलिया मेरे कैई करणा? मेरे ओकी शो का लोणों? कियों तुऐं ईनू भितले लोगो का नियाँव कर्दें ने; जुण्जे तुँवारी कलीसिया दे भीतोर असो?

2 कुरिन्थियों 6:3

आँमें कोसी भी बातो दी ढेस-ठूकर लागणों का मुक्का ने देंदे, जू अमाँरी सेवा दा किऐ दोष-ईल़जाम ने लागो।

2 कुरिन्थियों 8:21

किन्देंखे के जुण्जी बातो सिर्फ प्रभू ही के नंजीक ने, परह् आदमी के साम्णें भी भली असो, आँमें तिन्दे का फिकर करह्।

कुलुस्सियों 4:5

बख्त्त-मुक्का किम्त्ती जाँणियों बाईले आरी बुद्धीमाँनी शा बर्ताव करे।

1 थिस्सलुनीकियों 4:12

जू बाईले लोगो कैई शी आदर-ईज्ज्त्त भेंटो, अरह् तुवाँरे कियों भी चींजो की कम्मी ने हो।

1 थिस्सलुनीकियों 5:22

साँत-भाँत्ती बुराई शे बंचे अंदे रूऐ।

1 तीमुथियुस 3:6

से ऐक नुवाँ चैला ने हुवा चैई, किन्देंखे के से आप्णी तारिफ़ शुँणियों; आपु गाशी घमंड करियों तैसी शैतान का जैष्णा संजा का भागीदार ने बंणों।

1 तीमुथियुस 5:14

ईन्देंखे हाँव ऐजो चहाँऊ, के जुवाँन बिध्वा हजो शाऊँरे ज़ाँव; अरह् नहाँन्ड़िया हुआल़ो, अरह् आप्णों घरह्-बार देखो, अरह् तबे तिनू आप्णी नीदया कर्णों वाल़े खे आप्णें बारे दा किऐ भे बुल्णों का मुँक्का ने दियों।

1 तीमुथियुस 6:9

परह् जू सेठ-धंनवाँन बण्णों चहाँव, से ऐष्णी ही परख अरह् फाँदे अरह् भहिते ब-कार अरह् नुकसाँन, लाल़्च के जाल़ौ दे फषो, जिन्दे लई आदमी बिगड़ी ज़ाँव; अरह् नाँष के संमुँन्द्रो दे डूब्बी ज़ाँव।

2 तीमुथियुस 2:26

अरह् से संक्न्नै-च़ौक्क्ष हऐयों शैतान के तेसी फ़ाँदे-ज़ाल़ शे छ़ुटी ज़ाँव; जेसी जाँल़-फ़ाँदें दे शैतान ऐं आप्णी हिछ़या पुरी कर्णो खे तिनू जक्ड़ी थुऐं।

तीतुस 2:5

अरह् से झ़ूक्की-शियाँगी अंदी ने हों, से पत्ति-बरत्ता, अरह् आप्णे घरह् की आच्छ़ी काँम-काज़ कर्णो वाल़ी, भली, अरह् आप्णे-आप्णे घरवाल़े के बंष दी रंहणों वाल़ी हों, जू पंण्मिश्वर के बचन की नीदया ने हों।

तीतुस 2:8

अरह् ऐशी अछाई हऐं चेंई, के कुँऐं तिन्देखे बुरो ने बुली सको, जिन्दे लई बिरूध कर्णो वाल़े आँमों दी बंदी लाँणों का मुका ने भेंट्णों गाशी सरमाँऐ ज़ाँव।

3 यूहन्ना 1:12

दिमेत्रियुस के बारे दी सोभी लोगे आछ़ी गुवाऐ-शाज़्त दिती; ऐथै तोड़ी के सच्चाऐ आपु भी ऐष्णों करह्; अरह् हाँव भे तिनके बारेदे ऐजी ही गुवाऐ-शाज़्त देऊँ, अरह् तुँऐं भे जाँणोंऐं के अमाँरी गुवाऐ-शाज़्त साच्ची असो।