1 तीमुथियुस 3:2 - Sirmouri

² परह् ईन्देंखे ऐजो जरूरी असो, के अधिकारी ऐक नीर-दोष, ऐक ही घरवाल़ी का माँलक, होष-हाष वाल़ा, आच्छे बीचार वाल़ा, ईज्जत्तदार, अरह् पाँऊणें का आदर-संत्तकार कर्णों वाल़ा; अरह् शिखाँणों वाल़ संम्झ़दार हों;

सिरमौरी नौवाँ नियम

² इथकारिए, ऐजै बात खास औसौ कै अगुवे दै ऐजै गुण हौणै चैंई: तैसीदा कुणजैई दोष ना हौंव, औरौ तैसीकै ऐकैई घोरवाल़ी हौणै चैंई, औरौ शान्त बर्ताव कौरणौवाल़ौ हौणौ चैंई, सै जू किछै बै कौरौ तिनु आपी पांदी काबू राखणौवाल़ै हौणौ चैंई, औरौ लोगौ कै दवारा आदर कौरणौवाल़ा हौणौ चैंई, औरौ तैसी आपणै घोरे पोऊंणै कै इज्जत कौरणौवाल़ा हौणौ चैंई औरौ तैसी पौरमेशवर कै वचन कै आछै शै शिखाणौ कै लायक हौणौ चैंई।

1 तीमुथियुस 3:2 ပူးပေါင်းရင်းမြစ်များ

लूका 1:6

से दुईनें पंणमिश्वर के साम्णें धरमाँईत्त थिऐ, अरह् प्रभू के बादी अज्ञाँ-निय्म, माँनों थिऐ, से बेकसूर चाल चाल़्णों वाल़े थिऐ।

लूका 2:36

हन्ना नाँव के ऐक बरंम्बाँणीं कर्णो वाल़ी, भगत्तिण थी, जू आशेर की बंष-पीड़ी के फ़नुएल नाँव के आदमी की बैटी थीं, से बैजाऐ बुड़ी थी, अरह् शाऊँरे ज़ाऐयों से आप्णें घरवाल़ी की गईलो सिर्फ सात्त सालो तड़ी रंऐयों से बिधवा हऐ गऐ।

रोमियों 12:13

पबित्र लोगो खे जू किऐ जरूरी असो, तिन्दी तिनकी साऐता-मंद्द करह्; अरह् पऊँणाँई कर्दे लागे रूऐ।

फिलिप्पियों 2:15

जू तुँऐं सिदे-सादे नीष-कपट, अरह् बै-कसूर बणियों रंह्, तअ ईयों हठाव्णी, हर-कुछ कर्णो वाल़े गड़ी-पीड़ी दे, पंण्मिश्वर की साच्ची अलाद बंणियों अस्माँनों के तारे जैष्णें चँमक्दे रंह्।

1 तीमुथियुस 3:12

कलीसिया का सेवक भी ऐक ही घरवाल़ी का घरवाल़ा हुआ चेंई, नहाँन्ड़िया अरह् आप्णे घरह कुँड़बै का भे आछा ईन्तजाँम कर्णो वाल़ा हुआ चेंई।

1 तीमुथियुस 3:8

तेष्णा ही कलीसिया दा सेवा कंर्णो वाल़ा आदमी भे ईमाँनदार हुवा च़ैई; अरह् से ना तअ दुगला, च़ुगलियारा, अरह् ना नींच कंमाई का लाल़्ची, अरह् ना सुराऐ चैईं;

1 तीमुथियुस 4:3

से तुँओं सोभी लोगो खे ऐजी मंत्त-शिख्ह देंदे, के तुँऐं जाज्ड़े ने बाँणें, अरह् किऐ खाँणों-पिणों की चींजो भे छाँट्दे के तुँऐं ईनू भे ने खाऐ, किन्देंखे के पंण्मिश्वर ऐ बादी खाँणों की चींजो खाँणों खे ही बाँणीं थई, ईन्देंखे के बिश्वाषी अरह् संच्चाई की पछ़याण कर्णो वाल़े ईनू चींजो खे धन्यबाद देऐयों खाँव।

1 तीमुथियुस 5:10

अरह् जिऐं आप्णें भले काँम-काज़ लंई आपु खे नाँव कंमाँऐ थुवा हला, जिंऐ आप्णें नहाँन्ड़िया का आच्छ़ा पालना-पोष्ण करी थुवा हला; अरह् जिऐ पाँऊँणें-पंई का आच्छ़ा आदर-संत्तकार करी थुवा हला, अरह् जिऐं पबित्र लोगो के लात्त धोऐ थुऐ हंले; अरह् कोसी दींन, दु:खिया की मंद्दत्त करी थंऐ हली, अरह् जुण्जी सोभी आच्छ़ै काँम-काज़ दी मंगन रंह् हले।

1 तीमुथियुस 5:22

कोसी गाशी भे शिघा आप्णा हाथ ने थुऐ, अरह् ना कोसी के पाप का भागीदार बंणें, अरह् आपु आप्खे पबित्र बंणाँऐयों शुँच़ाशाँख्ल़ा रूऐ।

1 तीमुथियुस 5:9

सिर्फ तियों ही बिध्वा को नाँव लिखो, जियाँरी ऊँमर षाठ साल्ह शी जादा हों; अरह् जियाँरा ऐक ही घरवाल़ा थिया।

2 तीमुथियुस 2:24

किन्देंखे के प्रभू का दास-सेवक झोगड़ू ने हुआ चेंई, परह् से सोभी की गईलो, नंरम, अरह् शिक्क्षा देणों खे जाँणकार; अरह् संह्ऐनशील हुवा च़ेंई;

तीतुस 2:2

मतल्व बुड़े मरोद् सकन्नै, धीरज-बाँन, अरह् आपु आप्णे बष दे रंह्; तिनका बिश्वाष, प्यार अरह् धीरज-सबैर पाका हों।

इब्रानियों 13:2

पाऊणे-पौणाँई का आदर-सत्तंकार ने बिसरे, किन्देंखे के ऐष्णों कर्दे कंई लोगे ऐ स्वर्गदूत्तों का पाऊँणें का जिया आदर-सत्तकार करी थुवा।

इब्रानियों 3:14

किन्देंखे के आँमें बिश्वाष दे मसीया के हिस्सेदार हऐ रूऐ, जे आँमें आप्णे आगले भुर्षे गाशी आखरी तोड़ी पाक्कै हऐयों अट्ल़ रंह्।

1 पतरस 4:7

सेजा बख्त्त नंजीक असो, जबे बादी चीजो खत्त्म हंली, ईन्देंखे धीरज थऐयों प्रार्थना खे च़ौक्क्ष रूवे।

1 पतरस 4:9

बिना तुड़-खुढ़ाई ओका ओकी की पऊँणाँई दी आदर-सत्तकार करह्।

1 पतरस 5:8

च़ौक्क्ष रूऐ, अरह् बीऊँजी रूऐ; किन्देंखे के तुवाँरा बिरोधी शैतान नाँदिणों वाल़े सिंह के जेष्णाँ ऐसी ताक दा रंह, के कोसी ऊपाड़ियों खाऊँ।