1 तीमुथियुस 3:14 - Sirmouri

¹⁴ मुँऐं ताँव्खे ऐसी भुर्षे दी ऐजी बातो ईन्देंखे लिखी लई, के हाँव ताँव कैई शीघा आँदा।

सिरमौरी नौवाँ नियम

¹⁴ हांव तैरै धोरे तावल़ा आणौ खै आशा राखणौ पांदी बै ऐजी बातौ ताखै इथकारिए लिखु,

1 तीमुथियुस 3:14 ပူးပေါင်းရင်းမြစ်များ

1 कुरिन्थियों 11:34

अरह् जे कुँऐं आप्णीं भूख सह्ऐन ने करी सको, तअ से आप्णे घरे शा खाऐ-पियों आँव, जू कोद्दी ऐशो ने हईयों के तुवाँरो कोठों हणों तुँओं खे सजा का जाँणें ने बंणों, बाकी बादी बातो हाँव आऐयों ठीक करूबा।

1 थिस्सलुनीकियों 2:18

ईन्देंखे आँमें (मतल्व मुँऐ पौलुस ऐ) ऐकी बई ने परह् दू बई तुँओं कैई आँणों चहाँव, परह् शैतान आँमों रूकदा रूआ।

1 तीमुथियुस 3:13

किन्देंखे के जुण्जा कुँऐ कलीसिया की सेवकाई का काँम-काज़ आछे ढगों शा करी सको, से आप्खे आछा पद्-भार अरह् तेसी बिश्वाष दा जुण्जा मसीया यीशू गाशी असो, से तिन्दें के बारे दे बड़ी दीड़-हिम्मत करह्।

1 तीमुथियुस 3:15

के जे मेरे आँणो दी देर हो, तअ तुऐ जाँणी पाव, के पंण्मिश्वर के घराने दी जू जीऊँदे पंण्मिश्वर की कलीसिया असो, तिदा लोगो का केष्णा बरताव हुआ चेंई, किन्देंखे के कलीसिया ही सच्चाई का खंम्बा अरह् पह्-नींव असो।

1 तीमुथियुस 4:13

जाँव तोड़ी हाँव ने आँऊ, ताँव-तोड़ी तू पबित्र-ग्रन्थों के पाठ पढ़दे अरह् शिक्क्षा देंदा; अरह् संहम्झ़ाँदा लागा अंदा रंह्।

फिलेमोन 1:22

अरह् ऐक बात हजो, के मुँखे रंहणों खे जागा तियार थो। मुँह भूर्षा असो, के तुँवारी प्रार्थना के जाँणें मुँह सुवाँ करियों तुँओं कैई देऐ देईदा।

इब्रानियों 13:23

हाँव ऐशो जाँणू, के ऐजो जाँणी पाव के अमाँरा भाऐ तीमुथियुस, कय्दी शा छूटी गुआ; जे से शीघा ही पईचला तअ हाँव तेसी ही आरी तुँओं भेंट्दा आऊँबा।

2 यूहन्ना 1:12

मेरे बैजाऐ बातो तुँओं खे लिख्णी ऐ, परह् हाँव कागत्त अरह् सियाही लई लिख्णों ने चहाँदा; परह् हाँव ऐजा भूर्षा करू, के हाँव आपु तुँओं कैई आऊँबा, अरह् आप्णें आँम्णें-सहाँम्णें तुँओं आरी बात-चीत्त करूबा जिन्दे लई आँमों सोभी की खुशी पुरी हों।

3 यूहन्ना 1:14

परह् मुँह भूर्षा असो, के तुँओं कैई शा शीघा भेटींदा; तबे आँमें आँम्णें-साँम्णे बात-चीत्त करूबे।