1 तीमुथियुस 3:13 - Sirmouri

¹³ किन्देंखे के जुण्जा कुँऐ कलीसिया की सेवकाई का काँम-काज़ आछे ढगों शा करी सको, से आप्खे आछा पद्-भार अरह् तेसी बिश्वाष दा जुण्जा मसीया यीशू गाशी असो, से तिन्दें के बारे दे बड़ी दीड़-हिम्मत करह्।

सिरमौरी नौवाँ नियम

¹³ जिथु जू सेवको का काम आछै ढंग शै कौरे सौकौ, सै आपी कारिए लोगौ कै दवारा आछा नांव पालै औरौ सै यीशु मसीह दै आपणै बिशवाश कै बारै मुंजी बौड़ै हिम्मत कै साथै बौल़ै सौकौ।

1 तीमुथियुस 3:13 ပူးပေါင်းရင်းမြစ်များ

मत्ती 20:28

ठीक तेष्णा के आदमी का बैटा; ईथै ईन्देंखे ने आई, के आप्णीं सेवा कराँव; परह् से ईन्देखे आया, के सेवा करह्, अरह् भहिते लोग छुड़ोणों की ताईऐ आप्णा जीवन पराँण भे बल़ीदाँण करी दियों।”

मत्ती 25:21

तेस्के मालिके ऐ बुलो, ‘भागोईत असो! आछा अरह् बिश्वाष ज़ुगा दास, तू थोड़े दा बिश्वाष ज़ुगा रूवा; हाँव ताँव भहिती चीजों का अधिकारी बणाँऊँबा। आप्णें मालिक की गईलो आँनन्द-खुशी दा भागींदार हो।’

लूका 19:17

तबे तेने सैठे ऐं तैस्खे बुलो, ‘शबाष भाग्ईंत असो! तू आछा दास! किन्देंखे के तू छूटी जुमेंबारी दा भे ईमाँनदार रूवा; ईन्दें खे तू दषं नंगर गाशी हंक-अधिकार करह्।’

प्रेरितो कै काम 21:35

जबे पौलुस पंईड़ी कैई पंहईचा, तअ लोगों की बै-शुमाँर भीड़ के कारण फऊँजी के जवाँन ऐ तेसी थागियों भीटा किले दा नींयाँ।

प्रेरितो कै काम 6:15

तबे तिनू बड़ी खुम्ल़ी दे बंईठै अँदे लोगे ऐं तेसी स्तिफनुस नींह्जाऐयों ऐकठ्डिऐ देखा; तअ तिनके तेस्का मुँख्ड़ा ऐक स्वर्गदूत्त जेष्णाँ देखाई पड़ा।

प्रेरितो कै काम 6:5

तबे ऐजी बात तियों बादी मंड्ल़ी के लोगों के आच्छ़ी लागी, अरह् तिन्ऐ स्तिफनुस नाँव का ऐक आदमी जुण्जा बिश्वाषी अरह् पबित्र-आत्त्मा शा भरा अँदा थिया; अरह् फ़िलिप्पुस, प्रोखुरूस, निकानोर, तीमोन, परमिनास, अरह् अन्ताकिया का रंहणों वाल़ा; जुण्जा के यहूदी मंत्त दा आऐ रूवा थिया, जेस्को नाँव निकोलास थियों तेसी भी तियों सेंवा खे च़ूणीं-छ़ाँटी पाया।

प्रेरितो कै काम 6:8

स्तिफनुस कृपा अरह् शक्त्ति शा भरियों लोगो मुँझी बड़े-बड़े काँम-काज़ अरह् चींह्न-चंम्त्तकार देखाँव थिया।

1 कुरिन्थियों 16:15

हे भाऐ बंईणों, तुँऐं स्तिफनास के घराना जाँणों ऐ, के से अखया ईलाके दे प्रभू गाशी बिश्वाष कर्णो वाल़े आगले फल़ असो, अरह् से पबित्र लोगो की सेवा कर्णो खे तियार रंह्।

फिलिप्पियों 1:14

अरह् प्रभू दी जुण्जे भाऐ-बंईणों असो, तिन मुँझ्शे जादा लोग मेरे कय्द हंणो के कारण हिमम्त्त करियों पंण्मिश्वर का बचन बै-धड़क शुँणाँणों खे बैगेही हिमम्त्त करह्।

1 थिस्सलुनीकियों 2:2

परह् तुँऐं आपु ही जाँणो ऐ, के आगे फिलिप्पी दा दु:ख्ह भुगणें अरह् कल़ेष सुँहणों गाशी भे अमाँरे पंण्मिश्वर ऐ आँमों खे ऐशी दीड़-हिम्मत दिती, के आँमें पंण्मिश्वर की खुषख्बरी का बैजाऐ बिरूध हंदे भे तुँओं कैई शी शुँणाँऐ।

1 तीमुथियुस 3:14

मुँऐं ताँव्खे ऐसी भुर्षे दी ऐजी बातो ईन्देंखे लिखी लई, के हाँव ताँव कैई शीघा आँदा।

2 तीमुथियुस 2:1

ईन्देंखे “हे मेरा बैटा”, तू तेसी कृपा शा जू मसीया यीशू दा असो, तिन्दा बल़वाँन हऐ ज़ा,

इब्रानियों 6:10

किन्देंखे के पंण्मिश्वर अनियाँऐ कर्णो वाल़े ने आथी, के तुँवारी काँम-काज़, अरह् सेजो प्यार बिसरी ज़ाव, जुण्जो तुँऐं तिनके नाँव शो ऐशो ढंग शो देखाव, के पबित्र लोगो की सेवा करी, अरह् हजो भे सेवा करी लऐ।