1 तीमुथियुस 2:8 - Sirmouri

⁸ ईन्देंखे हाँव ऐशो चहाऊँ, के ढीको मरोद्, बिना घीपी अरह् बिना बाद-बिबाद के आप्णें पबित्र हाथ खह्ड़े करियों प्रार्थना करिया करह्।

सिरमौरी नौवाँ नियम

⁸ हांव चोऊं कै हर जौगैह सभाओ दै सैजै मर्द जू पवित्र जीवन जियौं, आपणै हाथौ खै टिपयौ, बिना खीजै औरौ बिना बैहस कै प्रार्थना कौरेया कौरौ।

1 तीमुथियुस 2:8 ပူးပေါင်းရင်းမြစ်များ

मत्ती 21:21

प्रभू यीशू ऐ तिनखे जबाब दिता, “तुँऐं ऐजी खास बात सम्झी पाव: जे तुवाँरे बिश्वाष हों; षकं-शुभा बिल्कुल भी ने करह्, तअ जुण्जो ईयों तेर्मोल़ी के डाल़ी आरी हुओं, तअ जे तुऐं ऐसी पर्वत घारह् खे भे अज्ञाँ दियोखं, के ‘ऊख्ली ज़ा, अरह् समुँन्द्र दा ज़ाऐयों पढ़!’ तअ ऐजो भे हऐ ज़ाँदो।

मत्ती 5:44

परह् हाँव तुँओं खे बुलू, के आप्णें बऐरी शो पियार थुऐं, अरह् आप्णे सताँणें वाल़े खे प्रार्थना करह्,

मत्ती 6:12

जेष्णों आँमें आप्णे गुन्हाँगार खे माँफ़ करी थो, तेष्णेंं ही तुँऐं भे अमाँरे, गुन्हाँ माँफ करह्।

लूका 23:34

(प्रभू यीशू ऐ बुलो, “हे परंम-पिता! ईन खे माँफ करे, किन्देंखे के ऐ ने जाँण्दें के ईन्ऐं का करी लो।”) अरह् तिन्ऐं “पार्ची पाऐयों प्रभू यीशू के खोट्णों आपु मुँझी बाँडी पाऐ।”

लूका 24:50

तबे प्रभू यीशू ऐ खास-चैले बैतनिय्याह गाँव तोड़ी नींऐ, अरह् तिन्ऐं आप्णें हाथ तिनू गाशी थंऐयों तिनखे अशिर्बाद दिता।

यूहन्ना 4:21

प्रभू यीशू ऐ तियों खे बुलो, “ओ तिरंई! मेरी बातो का बिश्वाष करह्, के सेजा बख्त आँदा लागा, जबे तुँऐं लोग ना तअ ईयों धारह् गाशी, ‘पंरम-पिता पंण्मिश्वर के आरार्धना कर्ले; अरह् ना यरूशलेम दी।’

प्रेरितो कै काम 10:2

से अरह् तेस्का बादा कोड़बा धर्मी अरह् पंण्मिश्वर के डर-भय दे रंह् थिऐ, अरह् यहूदी लोगो खे बैजाऐ दाँण-दछ़्णाँ दियों थिया; अरह् हर बख्त्ते पंण्मिश्वर शी प्रार्थना करह् थिऐ।

प्रेरितो कै काम 10:31

अरह् तेने मुँखे ऐशो बुलो, ‘हे कुरनेलियुस, तेरी प्रार्थना शुँणी थऐ, अरह् पंण्मिश्वर ऐं तेरे दिते अंदे दाँण-दछ़्णाँ भे चींत्तै करी थुऐं।

प्रेरितो कै काम 10:4

कुरनेलियुस ऐ तेसी स्वर्गदूत्त सुवाँ करियों ध्याँन शा देखा, अरह् डरियों बुलो, “हे प्रभू! का बुली लो?” तेने स्वर्गदूत्त ऐं तेस्खे बुलो, “तेरी प्रार्थना अरह् तेरे दाँण-दछ़णाँ पंण्मिश्वर के सहाँम्णिऐं पंह्ऊँची रूऐ;

प्रेरितो कै काम 21:5

जबे तेथै शा अमाँरे ज़ाँणो का बख्त्त पुरा हुवा; अरह् आँमें बिदा हंऐयों जाँदे लागे, तअ बादे लोग तिरंई अरह् नहाँन्ड़िया आरी, नंगर शे बाँईडे आँमों डेयाल़्दे आऐ; अरह् आँमें संमुँन्द्रो के काटल़ो गाशी आप्णें घुण्डू नाँऐयों प्रार्थना कर्दे लागे।

प्रेरितो कै काम 7:60

तबे: से घुडकुँणिऐं बंईठा, अरह् तेने जुराल़ी लेरंह् मारियों बुलो, “हे प्रभू! ऐजा पाप ईन्दा ने लाऐ!” अरह् ऐजो बुलियों तेने प्राण छुड़ी दित्ते; अरह् सेजा शाऊल भे तेस्के माँर्णो दा संह्ऐम्त्त थिया।

1 कुरिन्थियों 1:2

पंणमिश्वर की तियों कलीसिया खे जुण्जी कुरिन्थिस नगर दे असो, मतल्व तिनखे भे जुण्जे मसीया यीशू दे पबित्र करे गुऐ, अरह् पबित्र हंणों खे बईदे गुऐ; अरह् तिनू सोभी खे भे जुण्जे हर जागें दी अमाँरे प्रभू अरह् तिनके प्रभू यीशू मसीया के नाँव शी प्रार्थना करह्।

1 कुरिन्थियों 7:7

हाँव ऐजो चहाऊँ, के जेष्णाँ हाँव आपु असो, तेष्णें ही बादे मंरोद् भे बिना बियाव-जाझ़्ड़े के रंह्; परह् पंणमिश्वरे तुँओं मुझ़ शी ऐक नाँम आदमी खे भाँत्ती-भाँत्ती के दाण-वर्दान देऐ थुऐ।

2 कुरिन्थियों 2:14

परह् पंण्मिश्वर का धन्यबाद हों, जू मसीया दी सदा आँमों खे जय की खुशी दे नियों फिरह्, अरह् आप्णें ज्ञाँन की खुष्बू अमाँरे जाँणें ढिक्को हर जागे दी फईलाऐ दियो।

फिलिप्पियों 1:12

हे भाऐ-बईणों, हाँव चहाऊँ के तुँऐं ऐजो जाँणी पाव के मुँह गाशी जू बिती रंऐ, तिन्दे लई खुषख्बरी की ही बड़ोत्री हऐ रंऐ।

1 थिस्सलुनीकियों 1:8

किन्देंखे के तुवाँरे कागी शा ना के मकीदुनिया अरह् अख़ेया दा प्रभू का बचन शुँणाँया गुआ, परह् तुवाँरा बिश्वाष की जू पंण्मिश्वर गाशी असो, ढिको ऐजी ही चर्चा फऐली गऐ, के आँमों बुल्णों के जरूरत ही ने हई।

1 तीमुथियुस 5:14

ईन्देंखे हाँव ऐजो चहाँऊ, के जुवाँन बिध्वा हजो शाऊँरे ज़ाँव; अरह् नहाँन्ड़िया हुआल़ो, अरह् आप्णों घरह्-बार देखो, अरह् तबे तिनू आप्णी नीदया कर्णों वाल़े खे आप्णें बारे दा किऐ भे बुल्णों का मुँक्का ने दियों।

तीतुस 3:8

ऐजी बात साच्ची असो, अरह् हाँव ऐशो चहाँऊ के तू ईनू बातों के बारे दो दीड़-हिम्मत करियों बुले, ईन्देंखे के जिन्ऐं पंण्मिश्वर गाशी बिश्वाष करा, के भले-भले काँम-काज़ दा लागे रंहणों का ख्याल थुऐ। ऐजी बातो भली अरह् आदमी के फाय्दे की असो।

इब्रानियों 10:22

तअ आव, आँमें साच्चै मंन, अरह् बादे बिश्वाष आरी, अरह् आप्णी अंन्त्तर आत्त्मा का दोष दूर कर्णो खे आप्णें दिल गाशी छ़िड़कावा करियों, अरह् आप्णी देह्-शरीर शुद्ध जंल शी धोऐयों पंण्मिश्वर के नंजीक ज़ाँव।

याकूब 4:8

पंणमिश्वर के नंजीक ज़ाव, तअ से भे तुवाँरे नंजीक आला। ओ पापियों! तुँऐं आप्णे हाथ शुद्ध करह्, तुँऐं जू दू-मंने असो; तुँऐं आप्णें मंन शुद्ध करह्।

1 पतरस 3:7

तेष्णें ही ओ घरवाल़े तुँऐं भे बुद्धी माँनी शा आप्णी घरवाल़ी आरी जीवन बिताँया करह्; अरह् तिरंई खे कंंमजोर जाँणियों तिनकी आदर-ईज्जत करह्, ऐजो जाँणियों के आँमें दुईनें सदा के जीवन के हंकदार असो, जिन्दे लई तुँवारी प्रार्थना रूकी ने ज़ाँव।